方力申

晚吹︳方力申否認緋聞 自爆因一個原因玩交友app都溝唔到女!

流行娛樂

廣告

方力申同拍拖十年的Stephy分手後,方力申一直聲稱自己單身,不過仍然緋聞不斷,先後與TVB多個藝人傳出緋聞,如陳瀅、馮盈盈等。26日方力申上咗viutv節目《晚吹-有酒今晚吹》為嘉賓,被問到呢啲緋聞時,就先爆其實已經單身咗5年,係假嘅,要玩交友app?!

方力申
(圖片來源:ig@alexfongliksun)

42歲方力申玩交友app無人揀

42歲的方力申對於多年來不同的緋聞直指好多都係假,話自己一直都係單身,已經足足5年。而主持之一的練美娟就笑指42歲的方力申已經到咗適婚年齡時,方力申仲有爆自己原來一直玩交友app識女仔,想出pool,但反應一直都偏冷淡,唔明點解無乜人like佢,事後發現因為交友app有得set年齡配對,啲女仔唔會set40歲以上,所以直接忽略咗方力申。方力申再被問到而家擇偶條件係點時,佢話都係一樣,嗰個人要喺佢腦同心入面,即係當佢見到咩都會諗起嗰個人的時候,即係鍾意啦,更指外國人都ok!

方力申
(圖片來源:《晚吹-有酒今晚吹》截圖)
方力申
(圖片來源:《晚吹-有酒今晚吹》截圖)

網民:唔關年齡事 一定以為係偷相!

好多網民就認為點會估到方力申竟然玩交友app,就算喺交友app見到張相都唔會揀啦,認為係假相人「應該唔係年紀問題,方力申用真相玩交友apps 絕對俾人覺得假到黐線」 「我用木村張相都冇人like」「性格問題,40歲都勁x幼稚」

方力申
(圖片來源:ig@alexfongliksun)

重溫《獎門人》JW王灝兒爆陳瀅大鑊

方力申同陳瀅緋聞就傳得最勁,而早前痞子殿下一班演員上《獎門人》玩經典遊戲「大電視」時,痞子殿下一組由JW同張穎康負責做動作,周嘉洛、陳瀅、朱敏瀚負責估,當顯示其中一個詞是「方力申」時,JW大爆「你上次同佢Flirt,佢話要飲…」陳瀅當時即刻呆咗表示唔知邊個,隔離主持人已經不斷通水話「游水好叻嗰個」JW仲話埋係Stephy,陳瀅仍一面懵然,連字幕組都忍唔住加上「扮傻」兩個字俾陳瀅!

方力申 開心無敵獎門人
(圖片來源:youtube@TVB (official))
方力申 開心無敵獎門人
(圖片來源:youtube@TVB (official))

圖片來源:youtube@TVB (official)、《晚吹-有酒今晚吹》截圖、ig@alexfongliksun

YOU MAY ALSO LIKE ...