Molly

戀講嘢|KOL Molly勁爆復仇渣男前度 組「復仇女聯盟」挾持對方阿媽!

流行娛樂

廣告

《戀講嘢》經常搵嚟唔少靚Kol嚟分享勁爆戀愛經歷,日前第58集搵咗網店店主Molly嚟做嘉賓。Molly原來曾經因為沉船搭上渣男,而同姊妹組成《復仇女聯盟》,報復渣男ex嚟個極端大反撃!

Molly 戀講嘢
(圖片來源:[email protected]

「沉船」甘願做第三者

Molly表示她和事件主角A君透過交友軟件認識,傾計兩個禮拜後宣告「沉船」被對方迷倒!但她坦言A君並不靚仔,但口才了得!而原來Molly同對方交往前,就已經知道對方已有女朋友,仍選擇同A君發生關係!Molly更指A君會帶自己見所有朋友,又會將IG給自己管理。193就追問:「所以你掌握佢所有嘢,自己有優越感,覺得勁過正印?」其他主持就追問A君會如何介紹你,Molly答他會向朋友介紹自己係表妹。譚凱倫(Helen)說:「咁有咩值得開心?」更追問A君所有朋友都知道佢一腳踏幾船?Molly 答:「佢朋友全部係咁嘅人」,女主持均十分震驚,193冷靜回答:「物以類聚!」Molly更因此被朋友責備她做第三者。而每次Molly都想對方確立關係均被拖延,而對方開車過來氹自己令她十分受樂,因此無法攤牌,交往半年後更被對方正印女友鬧自己「八婆」。

Molly 戀講嘢 193:兩個禮拜?文字咋wor
郭嘉駿(193)問A君:「佢係咪好識搵寂寞既女仔埋手?佢知道女仔寂寞時候需要咩?」(圖片來源:Viu TV節目截圖)
Molly 戀講嘢 浩南:「唔擺你上網算係咁。」
Molly原來一直被玩弄於股掌之中。(圖片來源:ViuTV節目截圖)

坐正無耐即受第三者困擾 與「前正印」冰釋前嫌

A君後來和「正印」分手,Molly坐正,但開心冇幾耐,Molly有一晚發現無法登入A君IG,對方就答需要一點私隱所以改密碼,後來Molly有所懷疑,想辦法進入對方IG,就發現對方原來又同另一位女性調情!這名新歡(稱為I love you girl)更一個禮拜都未夠就已經告白 ! Molly知道後非常憤怒。之後想約A君講清楚卻被推搪,她之後想辦法登入IG,就發現男友繼續和女方調情!同時她更發現自己早前在拍拖時,A君原來亦同時與「C女」發生關係,令受害者增加至4人,而A君每次的手法都同一個套路,矇騙女方信任和給予安全感,之後就同對方發生關係,Molly決定和受害女性建立群組,包括A君的前度,策劃反擊。

戀講嘢 後來Molly和A君「前正印」接觸後,發現「前正印」遭到A君會抹黑,因為A君與自己拍拖時會不斷數落「前正印」,「前正印」無辜受抹黑。
後來Molly和A君「前正印」接觸後,發現「前正印」遭到A君會抹黑,因為A君與自己拍拖時會不斷數落「前正印」,「前正印」無辜受抹黑。(圖片來源:ViuTV節目截圖)

Call埋男方阿媽做現場觀眾

Molly與其他受害者叫齊相關人士:四名女性——前正印、自己、C女及現任(I love you女)、A君的朋友和媽媽,玩踩對方場兼當眾踢爆,令193十分驚恐:「你做乜要搞人媽咪?」Molly就回答:「出發點就是等他媽媽知道!個仔做幾多衰嘢!」193就指對方媽媽50幾歲會激到爆血管,Molly則憤怒地表示:「要個男仔知道連個阿媽都知道,要佢一世難忘。望親阿媽就想起呢單嘢!」193暗暗讚嘆:「呢個報復好勁呀!」

Molly 戀講嘢 Helen聽聞後表示:「好似黑社會咁架勢。」
Helen聽聞後表示:「好似黑社會咁架勢。」(圖片來源:ViuTV節目截圖)

落閘放女爆粗數渣男

Molly指當日幾乎所有女性都圍圈狂插A君渣男行為,浩南更要求案件重現!於是Molly即場爆粗演繹:「X!你玩女都玩得醒目D呀!次次都衰係我手上你X唔X架姐!」她說「前正印」也不甘示弱表示:「做咩周圍同人講我咁衰呀?」Molly更憶述表示,A君媽媽當場流淚鬧埋一份,更獲對方攬住道歉,193問:「伯母攬住會否令你冇咁嬲?」Molly表示自己無恨過對方媽媽,反而時涉事的A君竟然無反應,點頭發呆,193補充:「應該係反應唔切,無啦啦一班女人上嚟聲討,根本無預料對方認識。」Molly就說自己「最終都係忍唔住一巴扯埋去」。

Molly 戀講嘢 郭奕芯姐芯姐憤怒表示:「我會過去打佢一巴,打到有反應為止。做咁多嘢少少反應都無?」
郭奕芯(芯姐)憤怒表示:「我會過去打佢一巴,打到有反應為止。做咁多嘢少少反應都無?」(圖片來源:ViuTV節目截圖)
Molly 戀講嘢 193問:「有無繼續警告其他女性小心呢個渣男呢?例如send黑歷史給他認識的女性?」
193問:「有無繼續警告其他女性小心呢個渣男呢?例如send黑歷史給他認識的女性?」(圖片來源:ViuTV節目截圖)

浩南大爆朋友中伏勸對方小心

193隨後追問Molly要唔要開男方全名遭婉拒,芯姐則要求開英文名,Molly就指他是J先生,之後浩南突然跳出來大爆:「我見到男仔張相, 我識現任架!」更對著屏幕講:「你自己睇下你個男朋友呀!」

網民唔多撐Molly

節目播出後網民似乎唔多支持Molly,話佢都係做第三者,「憑咩覺得自己唔會中同樣野」、「唔知條女有咩資格話人咪又係做第三者」更有網民指該渣男來來去去都用同一招,不明白為甚麼咁多女性中招。

Molly 戀講嘢
(圖片來源:連登討論區)

男事主疑被火速起底

網民在之後貼出一封IG「道歉信」指該帳號就是男事主的帳戶,惟該道歉信沒有Molly的英文名,追蹤者又只有一人,令網民十分懷疑真確性。另一方面,Molly的IG也在節目播出後列為私人帳戶。

Molly 戀講嘢 網民快速起底不過係咪借刀呢?
網民快速起底不過係咪借刀呢?(圖片來源:連登討論區)
Molly 戀講嘢 已被列為私人帳戶
已被列為私人帳戶(圖片來源:[email protected]

Molly小檔案

Molly是一名網店店主,經營http://moca.co.hk/內的瑜伽服裝,過去因為外型美觀,在台港網絡上小有名氣。

撰文:東方新地圖片來源:ViuTV

YOU MAY ALSO LIKE ...