戀愛Staycation

戀愛Staycation|「港女芝芝」Sophia幼稚園教師教「手指公之歌」好老尷

流行娛樂

廣告

《戀愛Staycation》第二季已經播出,23歲參賽者「港女芝芝」Sophia Chiu近日備受關注,其中昨日播出的一集中,她以「手指公之歌」教另一位男嘉賓,真係睇到毛管戙,唔少網民都話:「睇到好老尷」…..

戀愛Staycation|「港女芝芝」Sophia幼稚園教師教「手指公之歌」好老尷

《戀愛Staycation》昨日播出的集數中,芝芝在與男嘉賓約會的期間大教「手指公之歌」,其歌曲原本是拿來教小朋友。一開始男嘉賓Sunny都feel到有少少老尷,不料芝芝唱完後反叫Sunny唱一次。Sunny哥哥也只能硬住頭皮去唱「第一隻手指公,送俾芝芝~」。

戀愛Staycation
(圖片來源:《戀愛Staycation》截圖)
戀愛Staycation
(圖片來源:《戀愛Staycation》截圖)
戀愛Staycation
(圖片來源:《戀愛Staycation》截圖)

唔少觀眾睇完之後,都感到史無前例式的老尷,直指「係咪當人哋係小朋友….」。亦有網民批芝芝的舉動十分造作,認為正常對住成年人男性並不會如此做。

戀愛Staycation
(圖片來源:《戀愛Staycation》截圖)
戀愛Staycation
(圖片來源:《戀愛Staycation》截圖)

即睇有幾老尷

戀愛Staycation 23歲參賽者「港女芝芝」Sophia Chiu同時下港女基本上可以畫一個等號,鍾意去迪士尼自拍。
23歲參賽者「港女芝芝」Sophia Chiu同時下港女基本上可以畫一個等號,鍾意去迪士尼自拍。(圖片來源:[email protected]
芝芝 《戀愛Staycation》第二季上周首播,新一批參賽者已曝光。
《戀愛Staycation》第二季上周首播,新一批參賽者已曝光。(圖片來源:《戀愛Staycation》截圖)

Sophia參賽訓練膽量

《戀愛Staycation》第二季只得短短六集,自認毒女的23歲參賽者Sophia Chiu原來是幼稚園教師:「我唔係話咗畀好多人聽我參加呢個節目,只係圍內同事及朋友知道,因為我係同佢哋一齊報名嘅。屋企人好驚訝我咁細膽都參加,我覺得呢個係好好嘅機會畀我去體驗呢個世界,因為我平時係個好宅嘅人,生活圈子好細,生活好沉悶。」

戀愛Staycation 芝芝 宅女Sophia罕有打羽毛球,她搞笑留言:「好感恩地發現原來我都有運動細胞!」
宅女Sophia罕有打羽毛球,她搞笑留言:「好感恩地發現原來我都有運動細胞!」(圖片來源:[email protected]

Sophia進修特殊教育

Sophia稱畢業後便教幼稚園:「一直做到而家,進修緊特殊教育課程,增進呢方面嘅知識。我係好平凡嘅素人,要向上司請大假,先可以同班朋友仔嚟《戀愛Staycation》共度呢個奇妙旅程。我都係第一次面對咁多鏡頭,真係有啲緊張,好彩7位朋友仔(參賽者)非常之好,佢哋day 1已經叫我放心啦,佢哋lead住我應該點,令我好舒服咁融入佢哋。」

戀愛Staycation 芝芝 Sophia自爆初戀最刻骨銘心,情節如電影《那些年》般,男方成績和操行都差。
Sophia自爆初戀最刻骨銘心,情節如電影《那些年》般,男方成績和操行都差。(圖片來源:[email protected]

Sophia初戀刻骨銘心

談到最難忘的戀愛經歷,Sophia表示:「我最難忘嘅戀愛經歷發生喺初戀,初戀最刻骨銘心,前度同我好似電影《那些年》嘅故事咁,佢係讀書成績同操行都唔係咁好嘅男生,我哋發生咗啲唔開心嘅嘢,內容唔方便透露,因為會喺節目度有提及。」對於參加《戀愛Staycation》,Sophia坦言:「我係一個好毒毒嘅女仔,生活只係返工放工,放假去迪士尼,喺屋企只係睇吓YouTube、動漫、Netflix呀咁!」

戀愛Staycation 芝芝 23歲的Sophia社交網大部份照片都在迪士尼拍攝,童心未泯。
23歲的Sophia社交網大部份照片都在迪士尼拍攝,童心未泯。(圖片來源:[email protected]

Sophia盼搵到另一半

Sophia希望參加節目搵到另一半:「我覺得自己有少少初老症,好似我嘅人生比較沉悶,我嘅生活圈子以女性為主,加上我嘅職業係幼稚園老師,以女性佔大多數,接觸男士嘅機會係零,所以身邊朋友好多都好想推我去拍拖,我亦覺得係突破自己嘅方法,擴活自己嘅圈子,如果真係遇到心儀嘅另一半,做埋終身伴侶嘅話,就真係樂事啦!」

戀愛Staycation 芝芝 Sophia開餐都要留影,她笑言希望透過節目認識到另一半。
Sophia開餐都要留影,她笑言希望透過節目認識到另一半。(圖片來源:[email protected]

撰文:東方新地圖片來源:[email protected]、《戀愛Staycation》截圖

YOU MAY ALSO LIKE ...