戀愛Staycation

戀愛Staycation| 第2季傲人身形22歲彭泳熙HeiHei成焦點:想知自己係咪咁差

流行娛樂

廣告

ViuTV真人騷《戀愛Staycation》搵嚟一班型男索女一齊免費住大屋玩Staycation引起關注,第一季(共9集)於9日大結局,緊接住今個星期就開始第二季,而第2季只有6集。今季參賽者彭泳熙HeiHei曾參加過全民造星,又係電競主播,32E標青身形成為人氣焦點!而彭泳熙早前接受《東方新地》獨家訪問,據知原來她今次參加係撇開男友大解放?!

戀愛Staycation 彭泳熙 新一季4男4女參賽者已曝光,他們一齊免費住大屋玩Staycation,有邊幾對能擦出愛火?
新一季4男4女參賽者已曝光,他們一齊免費住大屋玩Staycation,有邊幾對能擦出愛火?(圖片來源:《戀愛Staycation》截圖)
《戀愛Staycation》第2季參賽者彭泳熙,平時除了直播打機片段,偶然還會大晒32E驕人身形。
《戀愛Staycation》第2季參賽者彭泳熙,平時除了直播打機片段,偶然還會大晒32E驕人身形。(圖片來源:[email protected]

彭泳熙身形嬌小 但擁傲人身形

ViuTV真人騷《戀愛Staycation》第2季參賽者彭泳熙(HeiHei)網名叫「月巴女子」,身形嬌小,只有156cm,平時除了直播打機片段,偶然還會cosplay大晒32E驕人身形。問到家人對她參加《戀愛Staycation》有何睇法?她笑言:「我冇同屋企人講我參加戀愛staycation,我只係講去拍ViuTV節目,冇講實際內容呀!節目出咗街我都冇同屋企人講,因為我覺得好尷尬,我同我老竇唔係成日傾偈,冇乜交流,我好驚佢睇咗會有乜嘢評價。」

戀愛Staycation 彭泳熙穿上旗袍襯貓耳,不經意的性感。
彭泳熙穿上旗袍襯貓耳,不經意的性感。(圖片來源:[email protected]
戀愛Staycation 彭泳熙細細個已經好鍾意打機,中學畢業後加入女子職業電競隊。
彭泳熙細細個已經好鍾意打機,中學畢業後加入女子職業電競隊。(圖片來源:[email protected]pangwhei)

彭泳熙喜歡cosplay

談到入行經過,彭泳熙表示:「我而家冇經理人公司,自由身,我唔係娛樂圈人,純粹係電競圈嘅人,細細個已經好鍾意打機,中學畢業後入咗女子職業隊,入咗大約4、5年後解散,跟住我喺電競圈搵嘢做,例如做遊戲比賽主持,電競主播,性質好似比賽旁述咁。」在其IG可見到彭泳熙喜歡cosplay奈德麗,造型性感可愛。

戀愛Staycation 彭泳熙喜歡cosplay奈德麗,造型性感可愛,她笑言在郊外「被蚊子圍毆了」。
彭泳熙喜歡cosplay奈德麗,造型性感可愛,她笑言在郊外「被蚊子圍毆了」。(圖片來源:[email protected]
戀愛Staycation 彭泳熙主要做有關電競的工作,例如做遊戲比賽主持,電競旁述等。
彭泳熙主要做有關電競的工作,例如做遊戲比賽主持,電競旁述等。(圖片來源:[email protected]

戀愛經驗不少 撇開專制男友

樣子甜美的彭泳熙年僅22歲,戀愛經驗不少:「計埋細細個中學puppy love拍過5次拖,印像最深刻係有兩段,對上一個男朋友,好多嘢都唔畀我做,連染頭髮都唔畀,唔好講話電視騷、想做artist,一定唔做批准,因為佢管得好嚴,好專制,所以我同佢分手半年有好大嘅轉變,可以做返我想做嘅事,參與返多啲活動例如開直播、報名參加《全民造星》,但入唔到99強,哈哈!」

戀愛Staycation 彭泳熙同專制前度分手半年有好大轉變,可以做想做的事,例如開直播和參加電競活動。
彭泳熙同專制前度分手半年有好大轉變,可以做想做的事,例如開直播和參加電競活動。(圖片來源:[email protected]

彭泳熙參加因想知自己係咪咁差

彭泳熙得知ViuTV招募《戀愛Staycation》參賽者立即報名:「好似幾好玩,我嘅戀愛經驗都唔係太過開心,好多都不愉快收場,所以對自己同埋對感情冇乜信心,嚟參加呢個節目想印證吓自己係咪咁差囉,我係咪真係好有問題,所以每段感情都咁不快樂收場?呢個係我想知道嘅原因。同埋我係電競圈嘅人,唔會識唔到男仔,但識親啲男仔都好細個,同埋唔成熟,社會經驗少啲,待人處事會比較差,我唔鍾意呢啲type。」

戀愛Staycation 彭泳熙因為工作經常對電腦,圈子太單一,所以想識到不同界別的人。
彭泳熙因為工作經常對電腦,圈子太單一,所以想識到不同界別的人。(圖片來源:[email protected]

揀卒:鍾意照顧到人嘅男仔

彭泳熙談到擇偶條件:「我鍾意啲可照顧到人嘅男仔,所以想跳出圈子,識多啲其他人,但係冇辦法,我做嘢嚟嚟去去都對住電腦,識唔到新朋友。拍呢個節目賺咗好多嘢,拍唔拍到拖就唔講啦,睇節目就知,我冇預期可以拖住手出camp,我最想識到唔同界別嘅人,我覺得自己嘅圈子實在太單一。識到呢7個參賽者都好開心,完全唔識嘅人一齊12日朝夕相對,坦識相對,所以出camp後呢7個人喺我心中都佔一個重要位置。」

即睇彭泳熙靚相:

彭泳熙有樣有身形,不難出pool喎!

撰文:東方新地圖片來源:[email protected]

YOU MAY ALSO LIKE ...