愛回家

愛回家|Anson Lo生日先嚟抽水 清朝論男人扮可愛唔啱?

流行娛樂

廣告

《愛回家之開心速遞》可謂TVB劇集中比較貼地而且風格都較大膽的劇集,收視一直都叫唔錯。最近抽完193水,又抽Mirror水,而最新1647集就搵嚟璟風(陳浚庭)著粉紅色西裝抽今日(7日)生日的Anson Lo水?!

《愛回家》抽MIRROR水沒完沒了 今次扮Anson Lo

《愛回家》中的大小姐龍力蓮(林淑敏)非常冧蔥頭,對可愛小鮮肉全完冇抵抗力,之前1643佢仲專程去蔥頭開的cafe打卡兼支持。到今集劇情講到,男同事們知道大小姐鍾意蔥頭,故此扮可愛來逃避責罵。陳浚庭本身對男生扮可愛大為反感,更批評蔥頭繼而遭大小姐責罵,為咗「保命」佢都要放低自尊扮可愛,幫手賣飲品廣告。

愛回家 陳浚庭身穿粉紅色西裝扮可愛,疑似影射MIRROR成員Anson Lo。
陳浚庭身穿粉紅色西裝扮可愛,疑似影射MIRROR成員Anson Lo。(圖片來源:YouTube@TVB)

幫Anson Lo生日贈慶?

陳浚庭見扮可愛有效,所以決意改變形象,可惜如廁期間遭一名黑衣蒙頭毆打,原因就是討厭他大男人卻要扮可愛,陳浚庭被打期間更大叫:「唔好打面!唔好打頭!」TVB並非第一次抽MIRROR水,不過今次「時間啱啱好」,事關有教主之稱的Anson Lo(盧瀚霆)正正今日(7月7日)生日,想不到TVB如此落力為友台當紅小生慶祝。而且唔少網民認為而家年代咁開放,仲講男人扮可愛就要被打,好似宣揚緊性別定型!

愛回家 TVB搵陳浚庭扮Anson Lo,播出日期正正是對方生日正日。
TVB搵陳浚庭扮Anson Lo,播出日期正正是對方生日正日。(圖片來源:YouTube@TVB)
愛回家 陳浚扮可愛賣飲品廣告。
陳浚扮可愛賣飲品廣告。(圖片來源:YouTube@TVB)
愛回家 Anson Lo今7月7日)生日,他之前正正身穿粉紅色西裝賣飲品廣告。
Anson Lo今(7月7日)生日,他之前正正身穿粉紅色西裝賣飲品廣告。(圖片來源:[email protected]
愛回家 粉紅色西裝加可愛表惰已成為Anson Lo的標誌。
粉紅色西裝加可愛表惰已成為Anson Lo的標誌。(圖片來源:[email protected]

預告影片:

重溫《愛回家》以蔥頭開cafe暗寸193:唔係為咗賺錢

《愛回家》日前播出1643集,以「蔥頭」暗寸完姜濤之後,今次再寸193斥資7數開cafe,劇中對白:「我開呢間cafe唔係為咗賺錢,係為咗可以有個地方同粉絲聚會。」又提到開cafe想與大家分享自己演藝事業的心得。反觀193當時開cafe就講過:「做生意都要賺錢㗎,係咁㗎喇,有人做生意會講係分享自己理念,我唔會講呢啲,我直接講要呃你哋錢,我就係要賺錢。」

「蔥頭」丘梓謙喺《愛回家》入面開cafe,話自己係唔係為咗賺錢,暗寸193@ERROR開cafe擺明賺錢。.
「蔥頭」丘梓謙喺《愛回家》入面開cafe,話自己係唔係為咗賺錢,暗寸[email protected]開cafe擺明賺錢。(圖片來源:《愛回家》截圖)
愛回家 193今年4月開cafe,向來敢言的他表示擺明要賺錢。
193今年4月開cafe,向來敢言的他表示擺明要賺錢。(圖片來源:[email protected]

《愛回家》大小姐:強調開cafe要7位數

《愛回家》大小姐龍力蓮劇中是蔥頭忠粉,她細佬Terry(李偉健飾)見蔥頭開cafe分享自己演藝理念有樣學樣。不過龍力蓮就極力反對:「燈油火蠟、人工、食材,虢礫緙嘞全部都係錢,開一間cafe起碼要7位數字!」剛巧193郭嘉駿投資七位數開cafe,疑似再搵位暗寸。而且大小姐強調人地蔥頭名氣大、粉絲多,先做到明星效應賺到咁多,相反Terry就無人識,賺唔到錢。

愛回家 大小姐鬧Terry開cafe要用7位數字,疑似再抽193水。
大小姐鬧Terry開cafe要用7位數字,疑似再抽193水。(圖片來源:YouTube@TVBUSA official)

抽完193再抽陶傑「虛火論」

《愛回家》1643集抽完「7位數開cafe」、「唔係為賺錢」後,到1644集再出手。劇情講到Terry自己開cafe,但主題騎呢,大小姐訓斥Terry客人到訪只為打卡放上網呃Like:「嗰啲虛火嚟㗎!」疑似抽水陶傑批評MIRROR的「虛火論」。

愛回家 大小姐訓斥Terry開cafe的人流全都是「虛火」。
大小姐訓斥Terry開cafe的人流全都是「虛火」。(圖片來源:《愛回家》截圖)

詳細文章:愛回家|疑大膽暗寸193開cafe一事:開間cafe要7位數架!

撰文:東方新地圖片來源:YouTube@TVB (official)資料或影片來源:youtube@TVB (official)

YOU MAY ALSO LIKE ...