肥仔@ERROR、強尼、黃劍文因《造星》而成好友!肥仔大爆與保錡當年被安排加入MIRROR?!

肥仔@ERROR、強尼、黃劍文因《造星》而成好友!肥仔大爆與保錡當年被安排加入MIRROR?!

講起強尼、肥仔@ERROR及黃劍文大家必定會想到ViuTV和《全民造星》,三人今次齊上ChillGOOD TV節目《Music Panda》,不但大唱《前傳》、《LadyKilla》、《E先生連環不幸事件》等歌曲,還大爆《造星1》時的幕後狀況。

撰文:八卦妹|圖片及影片來源:《Music Panda》截圖

(圖片來源:《Music Panda》截圖)
(圖片來源:《Music Panda》截圖)

強尼、肥仔@ERROR及黃劍文因《造星》而結成好友

今集ChillGOOD TV節目《Music Panda》邀請到ViuTV一哥強尼、肥仔@ERROR及黃劍文到場,與KB及黃丹儀一齊jam歌,節目上線當日就已吸引到逾十萬人觀看,認真利害。肥仔、劍文和強尼在節目中提到大家均是因為全民造星及加入ViuTV後認識成為朋友,並覺得人生乜都應該試一試,才參加全民造星。

(圖片來源:《Music Panda》截圖)
(圖片來源:《Music Panda》截圖)

 

 

肥仔@ERROR自爆當年參加《造星》全為一百萬

黃劍文表示自己決定參加《造星3》是因為疫情嚴重,覺得唔知會唔會死,所以就抱著點都要嘗試的心態而去參加唱歌比賽,看看自己是否真的可以再唱歌;至於,肥仔就笑稱自己好膚淺,全為一百萬獎金而來,覺得世界一定有人鐘意得得意意的肥仔,未必一定個個like姜濤這款,而強尼更不用說,放棄工程師高薪厚職追夢,成為Viu TV一哥主持。

(圖片來源:《Music Panda》截圖)
(圖片來源:《Music Panda》截圖)

 

肥仔@ERROR、強尼爆《造星1》在皇室堡的拉票盛況

在節目中,強尼、肥仔@ERROR及黃劍文除了一開場大唱《造星》主題曲《前傳》、《E先生連環不幸事件》、《LadyKilla》,仲大爆當年參加《造星1》時,最後十強在皇室堡的拉票盛況,強尼:「當時喺皇室堡喺台上見到台下滿滿燈牌,再加上尖叫聲不斷,搞到我全身都毛管戙」;而肥仔就大爆自己願意簽約ViuTV都是因為被皇室堡當天的情況而感動到。

(圖片來源:《Music Panda》截圖)
(圖片來源:《Music Panda》截圖)

隨後,肥仔就表示童年時媽媽帶他去Disco,所以自己就經常聽郭富城、黎明的快歌,直至長大後,才聽張學友,之後肥仔更即場清唱扮郭富城唱歌,而劍文就話自己鐘意sammi及學友。

(圖片來源:《Music Panda》截圖)
(圖片來源:《Music Panda》截圖)

 

肥仔@ERROR大爆曾與保錡被安排加入MIRROR

見到肥仔,當然少不免講到ERROR,肥仔表示當年曾收到通知是要與保錡一齊加入MIRROR,但後來看到與193的火花,所以就組成ERROR。之後,肥仔又提到:「大家可能覺得我係一個正經d的人,我係隊長冇咁好笑。」當丹儀及KB問他們四個有冇試過不和時,肥仔就笑說:「有呀!點會冇吵過架?都係錢作怪…哈哈哈,其實應該係數字作怪,保錡、193好緊張數字,咩都數字行先,見到收看率低就會覺得浪費時間,努力做完冇人睇,其實都係顯示我地好認真一面。」

 

(圖片來源:《Music Panda》截圖)
(圖片來源:《Music Panda》截圖)

 

強尼殺入樂壇同Mirror鬥?

眾所周知,強尼無論是演戲、主持,甚至唱歌都十分好,從而被網友冠上「全尼」之稱號,問到強尼有否想過加入樂壇與Mirror鬥時,強尼笑謂:「相信係因為我嘅身份唔係一個歌手,佢哋對我嘅要求唔會定得特別高,我唔敢講自己唱得好好,但係得到大家嘅讚美同埋喜歡,我係非常開心嘅。」

(圖片來源:《Music Panda》截圖)
(圖片來源:《Music Panda》截圖)

 

及後強尼語重心長表示,「以前覺得可以講波,做下主持已經大滿足,依家心態又不同了,比以前責任感再多了一些,以前做係唔知有幾多人睇,依家真係感受到好多朋友撐,好多人開始留意Viu TV節目,咁我地就要好努力,有責任去承擔做好每一次演出,保住香港電視文化呢一塊,廣東話節目,做番俾香港人睇。而唔係大家不停睇外國節目,感覺本土力量已經消失。我地要一直有廣東話歌,廣東話節目這個大使命同責任。」

(圖片來源:《Music Panda》截圖)
(圖片來源:《Music Panda》截圖)

周慧敏留言大讚 網友激讚:樂壇欠劍文、強尼一個交代

周慧敏在留言區內留言:「支持支持!!! 好鍾意三位唱《前傳》,特別有意思,聽到有點感動! Music Panda 加油」,而一眾網友看完節目後,都紛紛激讚:「強尼把聲真心好正呀」、「劍文唱得好好,樂壇都欠劍文一個交代。」、「睇留言發現原來好多人真係唔知強尼本身唱歌出身」、「強尼真係好唱得,唔做歌手有D浪費」、「花姐可唔可以捧強尼,好想瘋狂聽佢唱歌」

(圖片來源:《Music Panda》YouTube)
(圖片來源:《Music Panda》YouTube)
(圖片來源:《Music Panda》YouTube)
(圖片來源:《Music Panda》YouTube)
(圖片來源:《Music Panda》YouTube)
(圖片來源:《Music Panda》YouTube)
(圖片來源:《Music Panda》YouTube)
(圖片來源:《Music Panda》YouTube)

 

 

 

圖片及影片來源:《Music Panda》

YOU MAY ALSO LIKE ...