張智霖

張智霖榮登大灣區最膠 拍抗日神劇膠過印度cult片

流行娛樂

廣告

張智霖(Chilam)、陳小春、謝天華、林曉峰和梁漢文加埋250歲,佢哋喺《披荊斬棘的哥哥》中以「大灣區五人組」姿態極受內地群眾歡迎,仲稱之為「大灣區哥哥」,近年長駐內地的Chilam,更成為綜藝常客,《大灣仔的夜》、《妻子的浪漫旅行》和現時熱播中的《披荊斬棘》都有份,人氣極盛,內地網民更爭相翻挖Chilam的劇集狂煲,其中他拍的一套抗日神劇《終結杉計劃》被出土,膠集拍攝手法之膠,讓Chilam榮登「大灣區至膠哥」之位!

9年前抗日劇內地翻hit

每個人都有過去,長駐內地掘金的陳小春,在2013年憑《爸爸去哪兒》第五季帶住大仔Jasper殺出一條血路,成功在內地爆紅自此接job無數,其實Chilam更早在內地默默起革命,2012年在內地拍攝抗日神劇《終結杉計劃》,該劇的男主角是Chilam,女主角為已退役奧運跳水冠軍桑雪,劇集根據作家胡萬春的長篇小說《蛙女》為藍本改編,講述了「七七事變」前夕,日軍為發動全面侵華戰爭,啟動「杉計劃」,劇集在2013年6月首播。相隔9年,近日隨著Chilam人氣越盛被發掘翻hit。

張智霖
(圖片來源:終結杉計劃劇照)
張智霖
(圖片來源:終結杉計劃劇照)

張智霖抗日邊媾女

劇情背景是黃浦江畔的一位船家女為保護印鈔範本,與潛伏在中國的日本特務展開爭鬥,而Chilam飾演的水警隊隊長張沖,則潛伏在上海灘成為抗日特工,Chilam在劇中一貫英偉造型,一時著軍服,一時以二撇雞戴眼鏡㗎佬造型出場,仲艷福無邊周旋在蛙女(桑雪飾)和塗黎曼飾的席展鳳間。

張智霖 劇中Chilam與蛙女互生情愫,聯手對付日軍。
劇中Chilam與蛙女互生情愫,聯手對付日軍。(圖片來源:終結杉計劃劇照)
張智霖 黐二撇雞扮㗎佬,俾人錫都木口木面唔通靚靚監場?
黐二撇雞扮㗎佬,俾人錫都木口木面唔通靚靚監場?(圖片來源:終結杉計劃劇照)

張智霖英偉造型派膠

結局一集煞科戲近日無論在內地和香港都被瘋傳,內地網民大讚Chilam型英帥,香港網民著重製作,睇呢段片笑到gap gap聲!話說Chilam要聯同蛙女在海上奮戰日軍,日軍戰艦 vs Chilam漁艇,戰艦造型簡陋過你屋企隻模型船;之後火力唔夠猛,Chilam想出最後方法徒手推魚雷再攬實衝向日軍,魚雷神奇之處是在海上慢流,Chilam仲可以控制佢速度,而同蛙女全身而退,完全突破人體極限。

網民恥笑:睇緊海賊王咁

呢段片在社交平台翻hit,唔少網民睇完笑到gap gap聲,抗日神劇變膠劇,特技道具更比得上出晒名膠的印度cult片,網民表示:「人間魚雷」、「舢舨充炮艇嘅出處」、「可以忍得住唔笑拍完場戲都幾好野」、「洗頭艇嚟㗎」、「笑片嚟」、「睇緊海賊王咁單手拎住支飛彈沖過去」!仲有網民認真搵魚雷資訊同大家分享:

張智霖 魚雷閒閒哋都幾百磅,真係Chilam何來神力徒手推!
魚雷閒閒哋都幾百磅,真係Chilam何來神力徒手推!(圖片來源:討論區截圖)
張智霖
(圖片來源:社交平台截圖)
張智霖
(圖片來源:社交平台截圖)
張智霖
(圖片來源:社交平台截圖)

常見問題

袁詠儀張智霖表演結婚?

《披荊斬棘2》話題不斷,張智霖近年全力北上發展。張智霖為贏比賽,不但邀請太太袁詠儀參與,更在台上喊老婆袁詠儀(有影片),因為…詳情請看

張智霖如何對現時的婚姻有什麼感受?

張智霖又指回帶1992年和袁詠儀相識的時候,指太太在心中目就是無與倫比的美麗,指出這樣一個高度,然後變成…詳情請看

圖片來源:終結杉計劃截圖、張智霖@weibo

YOU MAY ALSO LIKE ...