小薯茄

小薯茄|古天樂為宣傳《明日戰記》 蝕底獻身搏老命?!

流行娛樂

廣告

古天樂總監兼主演電影《明日戰記》,經過一個周末,票房截至昨日(9月1日)已突破3千萬大關,勢如破竹!電影除了港人用心製作獲港人撐場,向來係Mr. Cool的古天樂亦功不可沒,奮身宣傳,四出現身戲院謝票,更連環上網台拍片宣傳,日前現身《小薯茄》節目成功「制衡」童童和情人富,不過蝕底俾麗英,為吸年輕人市場,獻身都要啦!

古天樂先上《試當真》試水溫

古天樂近日落力為電影《明日戰記》宣傳,為了氹粉絲開心,不惜指捧場《明日戰記》的都係古太,周街都係古太都未滿足,日前先客串《試當真》聯同叱咤903、JFFT及Yes!合辦的《校花校草2022:從現在發掘未來》校花校草選舉第一集《種子校運會》影帝級導師,古天樂在節目中要考校花校草的應對和執生能力,憑各人表現選出心目中的最佳男、女班長,在這集古仔要求Angelina即場上演電影《媽媽的神奇小子》其中一個感人片段,Angelina演出極為投入,之後古仔再要求她以「唐老鴨的聲音」演多一次,Angelina神演繹順利過關成為女班長;而男班長之位則由被古仔要求即場5秒內為自己改英文名的Ivan奪得。

小薯茄 古天樂上《試當真》客串導師,期間考驗參賽者,毫不留情串嘴,成功吵熱氣氛。
古天樂上《試當真》客串導師,期間考驗參賽者,毫不留情串嘴,成功吵熱氣氛。(圖片來源:試當真截圖)
小薯茄 古天樂在《試當真》創辦人游學修、許賢等傍實考驗參賽者。
古天樂在《試當真》創辦人游學修、許賢等傍實考驗參賽者。(圖片來源:試當真截圖)

《小薯茄》化身感情醫生派膠

繼《試當真》後,日前上播的一集《小薯茄》亦有古天樂,可見他為宣傳《明日戰記》真係出盡力宣傳,他在片中穿著紅白藍直間恤衫,化身「感情醫生」為童童和程人富解決感情糾紛,片段一開波,古仔要求二人證明是情侶關係先要「打個茄輪先」仲手口並用,而兩人每當為瑣事吵到面紅耳熱,古仔又即派膠stop他們要求他們:「打個茄輪先啦!」、「感情問題一律建議打XX(茄輪)!」古天樂為了宣傳在兩人爭論愛看的東西時,程人富大叫要睇科幻片,童童話要睇型男,古仔宣傳時間到了他謂:「有個方法可以幫到兩位嘅,我介紹你哋睇部戲,睇完之後你哋就會橫財就手、龍馬精神、所向無敵,呢部就叫《明日戰記》..」同時拎住電影相關產品宣傳,之後兩人鬧分手話大家相處「灰晒」,古仔又引用電影中的經典對白:「天可以灰,地可以灰,但你兩個千祈唔可以灰,明日明日。」hard sell到爆裂都係為了呼籲大家入場支持《明日戰記》。

小薯茄 為了宣傳套戲,古仔不惜嗌捧場客做老婆古太,上《試當真》一樣出盡力宣傳。
為了宣傳套戲,古仔不惜嗌捧場客做老婆古太,上《試當真》一樣出盡力宣傳。(圖片來源:小薯茄截圖)
小薯茄 當然唔少得電影中的經典對白,夾硬套落情侶嘈交灰咗都仲得!
當然唔少得電影中的經典對白,夾硬套落情侶嘈交灰咗都仲得!(圖片來源:小薯茄截圖)

為宣傳險焗嘴麗英

故仔的結尾,阿J出現踢爆古天樂原來純粹路過扮醫生,指他咁鍾意打茄輪就安排麗英同古仔「打茄輪」,古仔見到麗英擘晒口準備,當堂O嘴。網民睇完紛紛留言指「估唔到試當真有古仔,小薯茄都有」、「古天樂好照顧後輩」,又勁推古仔上埋「雪櫃冷笑話」。

小薯茄 最後程人富和童童經冒牌感情醫生古天樂點化,成功化解感情危機。
最後程人富和童童經冒牌感情醫生古天樂點化,成功化解感情危機。(圖片來源:小薯茄截圖)
小薯茄 阿J踢爆古仔係路人甲唔係醫生,嘲他:「你都好鍾意打茄輪喎!」然後焗他獻吻俾麗英,當然最後冇嘴到啦!
阿J踢爆古仔係路人甲唔係醫生,嘲他:「你都好鍾意打茄輪喎!」然後焗他獻吻俾麗英,當然最後冇嘴到啦!(圖片來源:小薯茄截圖)

網民成功跪求古仔「雪櫃冷笑話」

昨晚(1日)《小薯茄》又播出古天樂拍攝的「雪櫃冷笑話」短片,片段中他問麗英知不知道機械人最鍾意食邊種蔬菜,之後回答︰「係銀芽」,氹到麗英好開心,之後再問麗英:「你知唔知道你最鍾意咩呢?」古仔隨即搭住她的膊頭話:「等我話俾你知啦!」然後閂埋雪櫃門,現場各位成員尖叫起哄,網民亦紛紛留言表示勁葡萄慕麗英!之後麗英接受傳媒訪問時指,冷笑話係由古天樂親自度出來,她事前都唔知道,而她同古天樂的距離,大約只有一個半拳頭,令她心跳加速嚇了一跳,笑言:「當打咗茄輪㗎啦!」

小薯茄 古仔親自度的爛gag真係好爛吓,相信唔少人都聽過啦!
古仔親自度的爛gag真係好爛吓,相信唔少人都聽過啦!(圖片來源:小薯茄截圖)
小薯茄 你睇麗笑心花露放個樣,直頭想食咗古仔咁款!
你睇麗笑心花露放個樣,直頭想食咗古仔咁款!(圖片來源:小薯茄截圖)
小薯茄 仲親自攬住麗英氹到麗英鬼咁開心,又一位古太!
仲親自攬住麗英氹到麗英鬼咁開心,又一位古太!(圖片來源:小薯茄截圖)

常見問題

「小薯茄」麗英為何拍洗頭水廣告會引起爭議?

「小薯茄」藝人麗英(鄧麗英),近來接拍了一個洗頭水廣告,卻惹來極大爭議,不少網民狂轟…詳情請看

麗英身材好勁?

麗英早前在IG出了一張泳衣照,引起網民的熱烈討論…詳情請看

撰文:ctb116圖片來源:小薯茄截圖、試當真截圖

YOU MAY ALSO LIKE ...