《尋秦記》NG片段重溫 爆粗爆笑樣樣齊 網友:宣萱講「X街」好正!
《尋秦記 電影》預告早前已曝光,原班人馬也悉數回歸,趁電影未上畫,現時先重溫《尋秦記》NG片段,立即睇睇!
撰文:Lmc |圖片:VAN UT TENG、[email protected]|編輯:海月
《尋秦記》NG片段重溫
《尋秦記》NG片(一)宣萱被點穴:唔好咁大力得唔得呀X街
當時宣萱和古天樂做對手戲,古天樂督了宣萱一下,而且十分大力,講到:「真係點咗穴架喎。」怎料實在太大力,宣萱慘叫:「唔好咁大力得唔得呀X街。」之後又督古天樂,網友就覺得:「宣萱講X街好正。」、「好想聽宣萱瘋狂講粗口。」


《尋秦記》NG片(二)古天樂作狀錫宣萱
另一場戲是宣萱講:「若要人不知,除非己莫為,之後不記得了。」古天樂問她是不是真的,宣萱回答說是,之後古天樂作狀錫宣萱,一解尷尬,引起全場爆笑。


《尋秦記》NG片(三)古天樂指黃文標像耶穌
《尋秦記》其中一場是古天樂與黃文標做對手,黃文標說:「你講嘅野我一定信,雖然我唔係好明。」之後古天樂爆肚兼搞GAG:「早講,我唔使講咁多嘛。」之後又指黃文標像耶穌,令黃文標也忍不到笑。

