【尋人記】20萬買縮水樓、買冷氣要求退貨收恐嚇電話!那些年的消費騙案苦主

【尋人記】20萬買縮水樓、買冷氣要求退貨收恐嚇電話!那些年的消費騙案苦主

無綫新節目《尋人記》由方東昇領銜主持,跟幾位女主持一齊尋找那些年接受過訪問的受訪者,播出以來大受好評!今次方東昇就搵返30年前3宗騙案的苦主,憶述當年的慘痛經歷!果然,騙徒手法層出不窮是古今不變嘅定律!

撰文:Mila|圖片來源:TVB《尋人記》截圖|資料來源:TVB《尋人記》|編輯:20|原文刊於:新假期

那些年的消費騙案!大有大呃細有細呃!

苦主1:買新冷氣冇雪種 退貨後收恐嚇電話:「你好嘢!」

苦主鄧先生當年以$4,100的價錢訂了一部進口的冷氣機,點知店員以無貨為理由氹佢轉另外一部,後來發現進口貨竟變本地產!更離奇嘅係部冷氣開機都唔凍,檢查後發現原來裡面根本冇雪種!鄧先生據理力爭,加上電視台採訪及消費者委員會幫忙,終於可以拎返冷氣機錢。不過後來就收到疑似電器舖背後惡勢力打來的恐嚇電話:「你好嘢!」,好彩後來咩事都無。

《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
「投訴先鋒」鄧先生30年後再到訪電器舖(非當年黑店)接受訪問,經一事長一智,鄧先生坦言之後買嘢都會小心啲。電器店老闆聽到佢嘅經歷後都話,佢唔搞你都真係好嘢!
《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
電器店老闆聽完都話,佢唔搞你都真係好嘢!因為真係唔知有啲咩勢力喺背後。

苦主2:當年「縮水樓」撼贏依家「納米樓」

以前的售樓書規管無咁嚴格,一度出現圖則比例不符的「縮水樓」,擠逼程度可以形容為:「一入房就已經上咗床,一落床已經出咗廳」,苦不堪言。

《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
記者覺得呢兩句係本集最精警的金句!

林小姐就係其中一個苦主,佢買樓比人呃後仲要俾朋友笑,方東昇搵返30年後的苦主,原本唔想做訪問的林小姐,都成功比方東昇氹到,半推半就邀請攝製隊上屋企接受訪問!原來個陣林小姐都算好彩,等咗2-3年發展商原價回購單住,而家住喺200多呎的單位好滿足,更笑言睇返片段後發現該單位比起依家嘅「納米樓」更好。

苦主林小姐受到雙重打擊,不但被騙,仲要俾朋友笑。
苦主林小姐受到雙重打擊,不但被騙,仲要畀朋友笑。
《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
當時的縮水樓比而家嘅納米樓好!起碼都仲有位間到房。

苦主3:牛奶放30日發臭可以換錢

90年代有一單「牛奶種菌案」轟動一時!係香港早期嘅層壓式騙案。聲稱用高科技護膚品項目,要參加者買「種子」,再加入牛奶種30日,得出的發臭物體就是原材料,把原材料交給公司就可以賺取87.5%的利潤。

《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
當年的騙案聲稱加入牛奶種30日,得出的發臭物體就是原材料就可圖利。

其後經化驗發現「種子」原來只是脫脂奶粉。之後被揭發是騙案,老闆亦被商業罪案調查科拉咗去坐監,不過一班苦主就血本無歸。

當年的苦主之一廖女士
當年的苦主之一廖女士
廖女士已不在人世,不過女兒就記得小時候幫媽媽種菌嘅經歷,憶述:「真係好臭!」
廖女士已不在人世,不過女兒就記得小時候幫媽媽種菌嘅經歷,憶述:「真係好臭!」

方東昇再爆金句 道出普羅大眾之苦!

昇爺本集金句:「世界上最大的空間,係進步嘅空間;最細嘅空間,係屋企嘅空間!」

《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
昇爺又再一次超越自己!
《尋人記》那些年的消費騙案苦主!買冷氣冇雪種 要求退貨竟收恐嚇電話:「你好嘢啊!」方東昇再爆金句|網絡熱話
喺香港,有樓住已經好幸福了!

YOU MAY ALSO LIKE ...