宣萱

宣萱倒戈拍ViuTV劇 拍住ERROR放笑彈

流行娛樂

廣告

近年有唔少前TVB藝人參演ViuTV劇集,視后級有張可頤、胡杏兒和郭羨妮等,之後陸續有前TVB藝員過檔倒戈TVB:黃德斌、簡慕華、鄭少秋及陶大宇等數之不盡,今日再傳出另一位視后將倒戈參演Viu劇,她就是宣萱!有指她將參演Viu下月開拍的喜劇,男主角則為金像獎最佳男配角、近年電影拍唔停好入屋的姜皓文黑仔,劇中仲會同Viu另一男團ERROR合作。

孖黑仔演離婚夫妻

今次成功斟洽宣萱和姜皓文埋班的監製陳翹英,將開拍一部20集的港式喜劇,全劇於香港取景,劇情講述一名過氣江湖大佬金盆洗手從良,據知呢位江湖大佬由公認有戲的姜皓文飾演,而宣萱則為他的前妻,兩人2019年曾合作古天樂主演電影《犯罪現場》,不過當時對手戲唔多,今次合作新鮮感十足,而且黑仔無論公仔箱或大銀幕都十分入屋,又拎埋金像獎最佳男配角,絕對配得上前無綫一姐宣萱!

宣萱 55歲的姜皓文,2018年憑《拆彈專家》奪「最佳男配角」,為實力演技打再下一支強心針。
55歲的姜皓文,2018年憑《拆彈專家》奪「最佳男配角」,為實力演技打再下一支強心針。(圖片來源:金像獎影片截圖)
宣萱 無綫出身的宣萱,近年都有為無綫拍劇,如《不懂撒嬌的女人》、《使徒行者2》和《陀槍師姐2021》等。
無綫出身的宣萱,近年都有為無綫拍劇,如《不懂撒嬌的女人》、《使徒行者2》和《陀槍師姐2021》等。(圖片來源:宣萱@ig)
宣萱 宣萱和黑仔合作過電影《犯罪現場》。
宣萱和黑仔合作過電影《犯罪現場》。(圖片來源:電影劇照)

四子繼《男排女將》後再合體

劇集另一招徠點,莫過於Viu鬼馬男團ERROR都有份,一向MIRROR 12子幾乎包滲入Viu每部劇集,但由於今年7月底MIRROR演唱會發生嚴重意外,以致識生金蛋的MIRROR焗住停工兩個月,今次Viu開新劇,ERROR成功攝位,據知四子肥仔、阿Dee、193同保錡都有份參演,他們會變身姜皓文從良前的古惑仔手下,齊齊大放笑彈,今次是ERROR四子繼《男排女將》後再次合體拍劇。

宣萱 新劇ERROR四子成功攝位參演,一向鬼馬的他們想必為劇集帶來不少笑料。
新劇ERROR四子成功攝位參演,一向鬼馬的他們想必為劇集帶來不少笑料。(圖片來源:[email protected]

宣萱搶灘成功

Viu一向挖人唔手軟,今年6月,邵美琪出席電影《被消失的凶案》首映禮時,久未露面的她坦言唔少工作都受疫情影響,自己又唔希望隔離太耐,所以希望留港工作,更即時問舉住Viu咪牌的記者:「你咩台,Viu喎,得閒搵我啦咁!」她笑謂希望拍喜劇,有睇過好友黃德斌演的《大叔的愛》後,都想跟年輕演員合作,更反問「依家係咪好興同MIRROR(合作)呀?」,然後她笑謂:「我反而想同ERROR喎,我覺得佢哋好搞笑喎,仲話同四子邊位合作都OK,據知,ViuTV方面亦有接洽過邵美琪,但最後落實人選為宣萱。

宣萱 月前邵美琪曾開口叫ViuTV搵佢拍劇,仲直言好想同ERROR合作演喜劇,又會咁橋嘅。
月前邵美琪曾開口叫ViuTV搵佢拍劇,仲直言好想同ERROR合作演喜劇,又會咁橋嘅。(圖片來源:無綫影片截圖)

監製棄無綫跳槽

今次搵到宣萱和姜皓文埋班的監製兼編劇絕唔惹少,他近年比較為人熟悉的作品,是為無綫打開AI劇路線的陳翹英,他的代表作包括《楚留香》、《上海灘》、《香港八二》及《射鵰英雄傳》等,2019年曾與ViuTV合作、由影帝黃秋生參演的劇集《理想國》,去年則為無綫炮製了李佳芯主演的《智能愛人》,選角眼光獨到之餘,亦為無綫打開AI之路,連MyTVsuper宣傳都落重本用李佳芯AI角色,盛傳陳翹英本來有份監製由陳自瑤擔演女一的《選美的12夜》,但最後都決定離巢,棄無綫跳Viu。

宣萱 陳翹英出山之作是為無綫開拓AI劇路線,監製《智能愛人》。
陳翹英出山之作是為無綫開拓AI劇路線,監製《智能愛人》。(圖片來源:無綫影片截圖)
宣萱 《智能愛人》其中一集請來鄒凱光客串做嫖客,他是陳翹英的徒弟,他話恩師出山之作,他自薦義務演出都在所不計。
《智能愛人》其中一集請來鄒凱光客串做嫖客,他是陳翹英的徒弟,他話恩師出山之作,他自薦義務演出都在所不計。(圖片來源:無綫影片截圖)

圖片來源:viutv訪問片截圖、宣萱@ig、[email protected]、TVB影片截圖、港劇時辰到影片截圖

YOU MAY ALSO LIKE ...