宋慧喬

宋慧喬新戲確定!再合作《太陽的後裔》舊拍檔

流行娛樂

廣告

南韓人氣女演員宋慧喬雖然已經40歲但由於長相凍齡、氣質出眾,近年拍戲合作嘅男演員年紀一個比一個細,每次都引起網民討論,2018年同朴寶劍一同出演《男朋友》時,兩人相差11歲嘅差距就已經引起話題。本日(22日)傳出新消息,宋慧喬繼上部作品2021年嘅《現正分手中》後將同比佢細14歲嘅演員李到晛合作。

宋慧喬 南韓人氣女演員宋慧喬雖然已經40歲但由於長相凍齡、氣質出眾,近年拍戲合作嘅男演員年紀一個比一個細,每次都引起網民討論。
南韓人氣女演員宋慧喬雖然已經40歲但由於長相凍齡、氣質出眾,近年拍戲合作嘅男演員年紀一個比一個細,每次都引起網民討論。(圖片來源:[email protected]

合作細14歲男演員

根據韓媒報導,宋慧喬嘅新作《The Glory》會合作細14歲嘅演員李到晛,故事講述宋慧喬飾演一名曾在校園受欺負嘅受害者,為咗報復不擇手段甚至出賣靈魂嘅女主角「文東恩」。而男主角李到晛曾經主演過《甜蜜家園》、《德魯納酒店》等劇集,好演技之下仲有清秀嘅樣貌,係新生代演員中值得關注嘅明日之星之一。

宋慧喬 男主角李到晛曾經主演過《甜蜜家園》、《德魯納酒店》等劇集。
男主角李到晛曾經主演過《甜蜜家園》、《德魯納酒店》等劇集。(圖片來源:[email protected]_sky)

再合作《太陽的後裔》編劇

《The Glory》搵咗有「黃金編劇」之稱嘅金銀淑執筆,過去嘅作品除咗《太陽的後裔》之外,仲有《孤單又燦爛的神-鬼怪》、《欲戴王冠,必承其重-繼承者們》等人氣作品,今次亦係相隔4年再同宋慧喬合作。劇集預計會分開為上、下兩季,每季各8集,合共16集,預計會喺Netflix播出。

宋慧喬 《The Glory》搵咗有「黃金編劇」之稱嘅金銀淑執筆,過去嘅作品有《太陽的後裔》。
《The Glory》搵咗有「黃金編劇」之稱嘅金銀淑執筆,過去嘅作品有《太陽的後裔》。(圖片來源:《太陽的後裔》劇照)

圖片來源:[email protected]

YOU MAY ALSO LIKE ...