季前賽

季前賽|ViuTV新劇季前賽激似男兒當入樽 姜濤係櫻木花道?肥仔做安西教練?

流行娛樂

季前賽|由姜濤、Ian陳卓賢、Edan呂爵安、Stanley邱士縉、193、肥仔等主演的ViuTV新劇《季前賽》,劇集以籃球為題材,是繼排球、游水之後ViuTV再度以運動作為題材的青春熱血劇集。其實去年初開公布打算開拍時已經傳過劇本會以日本經典漫畫《男兒當入樽》作為參考,而主角姜濤就係漫畫主角「櫻木花道」,但昨日(17/1)嘅記者會話你知,其實佢嘅角色先係最似花道!

文:東方新地|圖片來源:[email protected]截圖、[email protected]、《男兒當入樽》圖片|編輯:odin

季前賽|真係似《男兒當入樽》? 姜濤原來似流川楓 193先係櫻木花道
(圖片來源:[email protected]截圖)
季前賽 呢部《男兒當入樽》係男球界嘅神作,30年以嚟人氣不減。
呢部《男兒當入樽》係男球界嘅神作,30年以嚟人氣不減。(圖片來源:《男兒當入樽》圖片)

姜濤首次擔正演流川楓

去年《ViuTV2022節目巡禮》曾經公布過打算開拍籃球相關劇集,可惜事隔幾個月都未有聲氣,更曾經傳聞過有可能開空頭支票。不過今日(17/1)記者會就讓不少期待已久的粉絲心底更踏實!而早前一直傳聞此劇是「港版《男兒當入樽》」,而首次擔正ViuTV劇集的人氣王姜濤會係「櫻木花道」。姜濤在記者會上透露自己的角色時謂:「快餐店嘅店員,打波都,幾叻嘅。本身打籃球就已經好開心,所以我今次都會當係一個玩嘅過程。」加上姜濤嘅庸懶感覺,其實真係似漫畫中嘅流川楓多啲!

季前賽 姜濤本身就有籃球底子,加上高顏值,飾演漫畫入面嘅天才型籃球員流川楓就最適合不過!
姜濤本身就有籃球底子,加上高顏值,飾演漫畫入面嘅天才型籃球員流川楓就最適合不過!(圖片來源:[email protected]截圖)
季前賽 右邊係流川楓,連髮型都有啲似!而左邊嘅仙道彰,係流川楓嘅競敵,同樣都係天才型球員,不過係另一隊,似係Ian呀!
右邊係流川楓,連髮型都有啲似!而左邊嘅仙道彰,係流川楓嘅競敵,同樣都係天才型球員,不過係另一隊,似係Ian呀!(圖片來源:《男兒當入樽》圖片)
季前賽 Ian嘅角色就另一隊籃球隊嘅主力成員。
Ian嘅角色就另一隊籃球隊嘅主力成員。雖然Ian 最叻係打排球,但原來佢都非常熱愛打籃球,佢話:「我打籃球先過排球,中學又入排球又入籃球,每日放學3至7練籃球,7至11練排球,但發覺攰,所以就專心發展排球。」(圖片來源:[email protected]截圖)

193先係真正嘅櫻木花道

有天才型球員,一套劇當然唔少得諧趣擔當,喺ViuTV入面,搵ERROR嘅成員去擔任就最適合不過!而ERROR今次就派出193以及肥仔入組。之前傳過肥仔有可能飾演《入樽》中的安西教練,因為兩位都以身型肥胖而且身高並不突出。不過肥仔在記者會上面就透露自己會係籃球隊嘅成員之一,仲自嘲自己是「肥螳螂」!至於193的角色,就似十足《入樽》的主角櫻木花道,他在記者會上透露:「打大前鋒負責搶籃板,劇入面姦淫虜掠已經做盡,遲啲可能要剃頭!」而櫻木花道在漫畫中就係打大前鋒,又係專責搶籃板,又係不良少年,又係誇張髮型之後剃頭,真係似到十足十呀!

季前賽 3爺今次可能)要剃頭,真係好大犧牲呀!
3爺今次(可能)要剃頭,真係好大犧牲呀!(圖片來源:[email protected]截圖)
季前賽 本身櫻木花道就係籃球新人,而且有驚人嘅彈跳力而成為隊中搶籃板嘅主力成員。
本身櫻木花道就係籃球新人,而且有驚人嘅彈跳力而成為隊中搶籃板嘅主力成員。(圖片來源:《男兒當入樽》圖片)
季前賽 櫻木花道在故事中段因為爭地區冠軍時認為自己犯錯而落敗,決定剃頭作為對自己的懲罰。
櫻木花道在故事中段因為爭地區冠軍時認為自己犯錯而落敗,決定剃頭作為對自己的懲罰。(圖片來源:《男兒當入樽》圖片)

193真係籃球健將

其實193郭嘉駿在英國班戈大學修讀心理學學士課程,在外國讀書多年,英文程度有保證。而193郭嘉駿就讀的中學其實屬九龍城區的Band 1中學,在中學時已是籃球健將,為學校籃球隊成員,更曾入選南華籃球少年隊,今次確實「知佢咩料啦」!

季前賽 193郭嘉駿曾入選南華籃球少年隊。
193郭嘉駿曾入選南華籃球少年隊。(圖片來源:deniskwok193)
季前賽 真係有陣櫻木花道嘅味道!
真係有陣櫻木花道嘅味道!(圖片來源:[email protected]

睇埋其它角色:

季前賽|真係似《男兒當入樽》? 姜濤原來似流川楓 193先係櫻木花道
大表哥Stanley話自己係「馬𩣑山高比」。(圖片來源:[email protected]截圖)
季前賽 Edan話打籃球有信心過游水好多。
Edan話打籃球有信心過游水好多。(圖片來源:[email protected]截圖)
季前賽|真係似《男兒當入樽》? 姜濤原來似流川楓 193先係櫻木花道
Phoebus話自己係「男神」。(圖片來源:[email protected]截圖)
季前賽 張繼聰先係教練呀!
張繼聰先係教練呀!(圖片來源:[email protected]截圖)
季前賽|真係似《男兒當入樽》? 姜濤原來似流川楓 193先係櫻木花道
娟姐練美娟飾演劇中姜濤嘅美餐店經理。(圖片來源:[email protected]截圖)
季前賽|真係似《男兒當入樽》? 姜濤原來似流川楓 193先係櫻木花道
《全民造星4》參賽者、人氣好高嘅YoYo都有份參演。(圖片來源:[email protected]截圖)
季前賽 《全民造星4》參賽者、人氣好高嘅YoYo都有份參演!
YoYo今次演嘅係籃球隊嘅「軍醫」,最參望可以喺前輩身上學多啲嘢!(圖片來源:[email protected]_kot)
今次《季前賽》陣容強大!
今次《季前賽》陣容強大!(圖片來源:[email protected]截圖)

圖片來源:[email protected]截圖、[email protected]、《男兒當入樽》圖片

YOU MAY ALSO LIKE ...