黃子華

子華神突發歌神上身 自彈自唱自嘲答謝影迷

流行娛樂

廣告

由黃子華、張繼聰、鄧麗欣、林明禎等主演喜劇《飯戲攻心》,票房走勢依勢凌厲!至今已衝破7,300萬,位列香港票房三甲之位,僅次於勁收近8千萬、古天樂總監的《明日戰記》,成為史上最高收港產喜劇!完全彈出,揮低喜劇之王星爺周星馳的一系列電影,昨日子華神現身「找數」,佢話「唔好再叫我除褲」,他自彈自唱了「毒藥」之歌,歌詞頂癮,句句金句!

耗盡精力博命宣傳

早前子華神和潘燦良完成50場主演的舞台劇《最後的禮物》,精力耗盡,但子華神旋即歸隊,為《飯戲攻心》宣傳謝票,票房走勢凌勵仲未停,戲中演員如鄧麗欣Stephy、張繼聰等已用自己的方式「找數」,最勁的當然要數Stephy呢位「找數女漢子」,一向昔肉如金的她,一連po了幾張大尺度泳照,答謝影迷支持!

黃子華 子華神 子華神早前完成50場舞台劇,煞科日坦言有點力有不繼,真係做到想暈,不過旋即歸隊為《飯戲攻心》宣傳。
子華神早前完成50場舞台劇,煞科日坦言有點力有不繼,真係做到想暈,不過旋即歸隊為《飯戲攻心》宣傳。(圖片來源:子華本部@fb)
黃子華 子華神 《飯戲攻心》實屬低成本製作,換來7千多萬票房,絕對超值!
《飯戲攻心》實屬低成本製作,換來7千多萬票房,絕對超值!(圖片來源:飯戲攻心劇照)
黃子華 子華神 Stephy話票房夠數「唔著褲」,之後仲晒泳照找數。
Stephy話票房夠數「唔著褲」,之後仲晒泳照找數。(圖片來源:[email protected]
黃子華 子華神 超deep V長腿泳照勁養眼,難怪子華神都向她致敬!
超deep V長腿泳照勁養眼,難怪子華神都向她致敬!(圖片來源:[email protected]

自嘲「票房鶴頂紅」

日前黃子華表示:「我已做了18年票房毒藥,每次代表電影走出來,都唔想大家針對我呢方面,忽然有7,000萬的數字,同時令我諗起英國演員Ricky Gervais在頒獎禮上提醒演員,其實冇人緊張你,得獎只要講句多謝就可以走落台,所以我唔會太囂張,獲得7,000萬應該自己暗暗開心,大大聲多謝大家。」7,000萬代表了100萬名觀眾入場,子華覺得很實在,所以請市民搭巴士作謝禮,相隔數日,他在11月2日事先張揚會「找數」,至昨晚8號風球之夜突發兌現,親自撈埋曲詞、自彈自唱屬於他的《毒藥之歌》!

黃子華 子華神 全黑裝戴埋黑超的子華神,型到裂展示他的吉他pick!
全黑裝戴埋黑超的子華神,型到裂展示他的吉他pick! (圖片來源:子華本部@fb)
黃子華 子華神 然後拿出封塵多年兼弦線都生晒鏽的吉他準備自彈自唱,真係誠意十足!
然後拿出封塵多年兼弦線都生晒鏽的吉他準備自彈自唱,真係誠意十足!(圖片來源:子華本部@fb)
黃子華 子華神 頭半段歌曲,子華神仍在嘲諷自己咸豐年前的失敗史,之後漸漸唱出笑容。
頭半段歌曲,子華神仍在嘲諷自己咸豐年前的失敗史,之後漸漸唱出笑容。(圖片來源:子華本部@fb)

毒藥之歌 曲、詞:黃子華

從前有個藝人
佢好紅
係票房鶴頂紅
佢用一隻一蚊一隻雞 自斷米路好架勢

佢朋友冇普通人
唔係影帝就係電影嘅神
成日吹水拍戲 拍戲有幾激氣
我惟有收聲 為佢哋暗暗打氣

係翻身無望 保證冇票房
不麻煩人哋 自己會收起

我要紋身 紋晒整個人
咪叫我再拍戲 我主動唔玩拜拜你條尾

嗰陣時都算真係幾絕望
但係正如詩人話齋
絕望同希望一樣 都係虛妄
你都接受咗命運㗎啦 點解會忽然之間……
七千萬 七千萬 七千萬 七千萬 七千萬 七千萬 七千萬

不過你放心 我唔敢嚚
點解呀 因為 剎那光輝唔係永恆
呢套七千 下套要留神
一朝得志冇意思 打回原形話咁易

所以今日最希望
其實係要大家記住以下呢四隻字呀好緊要呀

毒舌大狀 毒舌大狀
重要嘅嘢講多次 毒舌大狀 毒舌大狀
希望出年順順利利 大家會入場睇呢齣戲

子華神耿耿於懷

自嘲做了「18年票房毒藥」,開番晒嘅子華神話:「應承咗大家,要同大家分享吓,都少有㗎、十幾廿年嘅票房毒藥,都係一個紀錄,但個問題係,講呢啲嘢,我覺得好尷尬,仲講咩?好似好自戀定自憐,好核突。」所以他以自彈自唱方式去唱出心底話,唱完他又話:「你哋搞清楚,我唔係王菀之張繼聰,搞呢段嘢係難過除褲好多㗎,唔好再叫我除褲!」然後順道宣傳來年他主演的新戲《毒舌大狀,》,影片一晚已破萬likes,網民大叫「唔除褲就回水啦」、「被演戲耽誤的歌手」、「我成日都睇番《一蚊雞保鑣》」等等支持子華神!

黃子華 子華神 《飯戲攻心》導演陳詠燊留言推子華神「出碟」!
《飯戲攻心》導演陳詠燊留言推子華神「出碟」!(圖片來源:子華本部@fb)
黃子華 子華神 唔少網民大讚子華神的《一蚊雞保鏢》仲話不時翻睇。
唔少網民大讚子華神的《一蚊雞保鏢》仲話不時翻睇。(圖片來源:子華本部@fb)

11萬票房的《一蚊雞保鑣》

當年子華神出山為無綫拍《My盛Lady》人人都覺得會勁收,但當時子華神謙厚表示一直想演好嘢俾觀眾睇,每次盡力做:「我試過拍《一蚊雞保鑣》,用咗好多心機,裏面有咁有趣嘅嘢,但最後仆街仆成咁!」2002年,子華神執導的《一蚊雞保鑣》只有11萬幾票房,自此被冠以「票房毒藥」之名,不過當然已洗脫污名已久!

黃子華 子華神 呢套就是由子華神執導兼主演電影《一蚊雞保鑣》。
呢套就是由子華神執導兼主演電影《一蚊雞保鑣》。(圖片來源:《一蚊雞保鑣》劇照)
黃子華 子華神 片中有當年勁索的陳自瑤做學生妹,仲同子華玩騎牛牛。
片中有當年勁索的陳自瑤做學生妹,仲同子華玩騎牛牛。(圖片來源:《一蚊雞保鑣》截圖)
黃子華 子華神 仲有當年風華正盛的郭羨妮,被說服以大粒癦醜樣演出。
仲有當年風華正盛的郭羨妮,被說服以大粒癦醜樣演出。(圖片來源:《一蚊雞保鑣》劇照)

常見問題

《飯戲攻心》有什麼必睇原因?

網民指要支持港產片首推《飯戲攻心》,有7大必睇原因,首先網民大讚套戲好笑,對白搞笑又貼地,更精心安排…詳情請看

《飯戲攻心》故事大網是?

一個家,最緊要齊人開餐。深信此道的大佬(黃子華飾)廚藝麻麻,唯有長期用…詳情請看

圖片來源:子華本部@fb,飯戲攻心劇照,一蚊雞保鏢劇照,[email protected]

YOU MAY ALSO LIKE ...