姜濤向陳志雲直認青頭仔:「我係處男!Yes!Now!」

姜濤向陳志雲直認青頭仔:「我係處男!Yes!Now!」

姜濤日前接受陳志雲(Stephen)網上節目《Stephen.傾》的專訪,訪問片段上載YouTube後短短數日已有近十萬人閱覽,並有超過四千個Like,節目中姜濤被陳志雲追問各種尖銳問題,包括其戀愛史,姜濤都坦白回答,更直認自己到現在仍是處男!

撰文:東方新地 | 圖片:訪問片段截圖、陳志雲FB圖片、姜濤IG圖片及新傳媒圖片庫| 編輯:20| 原文刊於:東方新地

姜濤向陳志雲直認青頭仔:「我係處男!Yes!Now!」

在姜濤現身接受訪問前,陳志雲先亮出姜濤經常被翻炒的肥仔相,原來這張相是在姜濤12、13歲時所拍,他透露在學校做健康檢查時磅過,當時的他大約有二百幾磅,陳志雲隨即指出自己最高峰時有220磅,姜濤立即鬆一口氣話:「咁你重過我!我最高峰時係差唔多205磅。」

姜濤上陳志雲節目慘被迫供 尷尬認處男
姜濤接受訪問時表現得好緊張,陳志雲就教姜濤只望著他一隻眼來放鬆心情。
姜濤上陳志雲節目慘被迫供 尷尬認處男
陳志雲將自己細個時嘅肥仔同姜濤小學時代嘅肥仔相併埋一齊做對比。

之後姜濤透露自己出世時約7、8磅,都係重B,陳志雲又說:「我出世時都重過你,係11磅三個骨,如果你去打保齡球,你可以拎住一個12磅嘅波,想像一下我喺我媽咪個肚入面同個保齡球一樣。」令姜濤嘩出聲,搞笑說:「辛苦晒你媽咪!」

姜濤上陳志雲節目慘被迫供 尷尬認處男
陳志雲問姜濤係咪近視但冇戴隱形眼鏡?姜濤話係,陳志雲笑言:「我睇到係因為你矇起咗少少對眼望我。」姜濤話只係唔記得咗戴,獲陳志雲大讚可愛。

退休後才會醫腳

訪問中陳志雲代粉絲關心姜濤的腳傷,姜濤先解釋他的腳傷是在入行之前打籃球時,在一次比賽中躂傷了十字靭帶,但現在尚未有時間去醫治,他笑言計劃退休後才去治療。

姜濤上陳志雲節目慘被迫供 尷尬認處男
陳志雲笑姜濤退休之後會好忙,因為又要整腳又要談戀愛,姜濤回答:「所以咪要退休之後得閒先去做囉!」

陳志雲問佢唔去醫腳傷,咁跳舞時點算?姜濤話:「照跳囉!睇唔出嘅。醫生梗係話做咗手術會好啲,但我希望遲啲先,因為做完手術後要有差不多半年嘅康復期,會唔係好行到路,所以我唔希望嘥咗嗰段時間。」

姜濤上陳志雲節目慘被迫供 尷尬認處男
姜濤澄清並非公司唔畀時間佢去做手術,只係佢自己唔想去做,他說:「可能真係有啲任性。」

曾為慳車錢諗過退出《造星》

被問到當初點解會去參加ViuTV選秀節目《全民造星》?姜濤答:「因為唔使錢!當時純粹係想儲啲經驗,所以見有啲咩唔使錢嘅比賽我都會去參加,當時都只係我第二次參加比賽,所以冇諗過會贏。」

姜濤上陳志雲節目慘被迫供 尷尬認處男
姜濤透露有意考車牌:「我參加《全民造星》之前考過筆試,已經pass,但比賽之後仲未有時間去考路試。」

姜濤又提到在內地電視台舉辦的《快樂男聲》才是他第一個參加的選秀節目,參加的原因是因為舉辦方願意「包食包住」,又搞笑指《全民造星》雖然包食(有飯盒),但車費要自掏腰包,他大呻:「啲車費好貴,所以初期我諗過不如算啦!因為當時ViuTV個錄影廠喺調景嶺,雖然我當時返學都喺附近,但都要搭的士去,車費好貴,變咗持久戰。」

姜濤上陳志雲節目慘被迫供 尷尬認處男
姜濤話當時要搭的士去參加《全民造星》,每次來回都要五、六十蚊。

不過姜濤話《全民造星》的一百萬獎金好快已收到,陳志雲問佢有冇分畀花姐?姜濤話唔使,因為花姐好有錢,姜濤又搞笑話平日坐花姐順風車時會同佢吹水傾偈,純粹是為了搵個藉口坐佢車,唔使Call Uber,可以慳番筆。

姜濤上陳志雲節目慘被迫供 尷尬認處男
姜濤又投訴公司出cheque畀佢時會拖數,這時鏡頭影向在旁邊監場的姜濤經理人花姐(黃慧君)。

姜濤又笑指自己在入行後都經常會想唔撈:「但冇辦法啦,有個約綁住。」陳志雲話個約冇人迫佢簽,姜濤話:「係呀,所以依家都諗通咗,知道係自己以前後生時唔識諗,太任性。」他又透露自己願望是在港島區買到層實用三、四百呎嘅樓收租,咁就可以提早退休。

姜濤上陳志雲節目慘被迫供 尷尬認處男
姜濤話依家覺得做呢行已經好過好多人,因為係做緊自己鍾意做嘅嘢,又搵到食。

第七胎係跳唱歌

姜濤被問到幾時出第七胎(第七隻新歌),他透露如無意外會在二月尾或三月頭,將會是一首跳唱歌,他說:「不過呢首歌可能同大家想像嘅跳唱歌有少少唔同,因為主題比較有深度,所以不會有太熱鬧嘅舞蹈,但都係一首節奏好快嘅歌,係我以往無試過嘅曲風。」

姜濤上陳志雲節目慘被迫供 尷尬認處男
被追問覺唔覺得花姐好煩,姜濤尷尬話:「一時時啦!」

當被問到花姐的優點時,姜濤回答話花姐成日肯車埋佢,而且冇收番隧道費,已經係一個優點:「原先冇咁熟時,我有客氣吓問過佢,話畀番隧道費佢,但佢冇收。」他又大讚花姐有義氣,經常無私幫助好多人,例如肯免費車佢返屋企。

姜濤上陳志雲節目慘被迫供 尷尬認處男
之後花姐同姜濤一齊受訪,花姐笑問姜濤為何她只有「做司機」一個優點,大呻「心都淡埋」!

問到覺得花姐有咩地方要改善,姜濤在陳志雲一再追問下才說:「脾氣呢啲嘢好難改,但講嘢有時可以細聲啲,喺外人面前可以畀吓面我,其實都係啲表演、工作嘅嘢,但有時做得唔好,會好大壓力,但呢啲都正常,因為有時愈大聲話你,你先會愈記得住。」

姜濤上陳志雲節目慘被迫供 尷尬認處男
在花姐離場後,姜濤又大爆了花姐一個秘密說:「有次我哋去澳門做嘢,花姐啱啱喺廁所出嚟,我緊接入去,聞到嗰陣味真係⋯⋯我要出嚟唞唞,等兩分鐘散散氣先得,啲人仲問我仲乜咁快去完!」

中一為女減肥

姜濤談到幻想中的戀愛感覺,他說是會願意為對方捨棄一些精力、時間,他又憶述自己在中一時曾鍾意過一個女仔,甚至因此為對方減肥,犧牲了自己喜歡吃的食物,那時都覺得是值得的。

姜濤上陳志雲節目慘被迫供 尷尬認處男
姜濤憶述他中學時曾被人叫「死肥仔」,令他失去自信。

姜濤又大呻自己當時好想拍拖,不過無人要:「當時我好直接咁同個女仔講有啲鍾意佢,但佢話佢係外貌協會,自己返上網check先知咩意思,即係佢鍾意靚仔。」但依家兩人已無聯絡,他解釋是因為他以前好曳,被人踢了出校,改為去讀了中專文憑,之後又轉了去讀IVE。

姜濤上陳志雲節目慘被迫供 尷尬認處男
姜濤指如果自己無入行的話會想讀體育,做小學體育老師,因為他很喜歡小朋友,他笑言:「而且我小學時嘅體育老師都係好肥。」

再認係處男

陳志雲提到姜濤當初參加《造星》時,曾被問到是否處男,姜濤坦言當時覺得尷尬是因為怕被人笑,又直言現年21歲的自己仍然是處男,陳志雲即提醒他下次再有人問他時,不需要直接作答,只需婉轉說:「私人嘅嘢可唔可以選擇唔答呀?」令姜濤尷尬傻笑。

姜濤上陳志雲節目慘被迫供 尷尬認處男
姜濤為了表示不再怕被人笑,面對鏡頭再度承認自己是處男說:「我係處男!Yes!Now!」

姜濤話自己理想對象要長頭髮、瘦瘦哋,年紀則不是問題,又指拍拖未必會話畀粉絲聽,拍影響公司及另一半:「雖然公司冇特別阻止,但就叫我生性,會問我拍拖重要啲定做嘢重要啲,潛在意識即係叫我唔好拍。」

姜濤上陳志雲節目慘被迫供 尷尬認處男
花姐日前上電台接受訪問時也有談到姜濤拍拖問題,她表示希望姜濤可以盡早脫單:「咁樣佢唱情歌先會有感情,但一來佢工作太忙,二來以佢嘅性格好難識女仔,但佢依家都努力學習改善中,冇辦法勉強。」

呻維園運動相太樣衰

姜濤又大呻希望傳媒唔好再影他在維園做運動的相:「因為我覺得太樣衰啦!要影嘅話都最好影我做完運動嘅相,唔好影我做緊時嘅相,因為實在太樣衰!」

姜濤上陳志雲節目慘被迫供 尷尬認處男
姜濤話希望將來可以做飲食節目,因為咁樣就唔需要減肥。
姜濤上陳志雲節目慘被迫供 尷尬認處男
又話希望傳媒唔好再影自己做緊運動時嘅相,因為個樣太樣衰!
姜濤上陳志雲節目慘被迫供 尷尬認處男
當日本刊拍到他一個人到維園做運動操Fit,不停蹲低又起身伸展雙手及狂做掌上壓,非常費力。
姜濤上陳志雲節目慘被迫供 尷尬認處男
雖然姜濤當日操練時表情多多,但其實大家都覺得好可愛。
姜濤上陳志雲節目慘被迫供 尷尬認處男
姜濤在節目中分別獻唱了〈孤獨病〉、〈愛情簽證申請〉等多首歌曲。

最後姜濤向粉絲拜年說:「我都唔係識好多成語,希望新嘅一年祝大家身體健康,雖然好老土,但我親身經歷,覺得身體健康係一件非常重要嘅事情,身體係革命嘅本錢,所以希望大家身體健康,同埋實際啲,恭喜發財!」

姜濤上陳志雲節目慘被迫供 尷尬認處男
姜濤話身體係革命嘅本錢,所以祝粉絲身體健康。
姜濤上陳志雲節目慘被迫供 尷尬認處男
仲有恭喜發財!

YOU MAY ALSO LIKE ...