姜B紅到上港聞!?有線新聞報道消委會測試報告、竟然係配「姜濤打波片」!

姜B紅到上港聞!?有線新聞報道消委會測試報告、竟然係配「姜濤打波片」!

姜濤作為當紅組合Mirror成員之一,同樣係新一代人氣王,風頭一時無兩,連視ViuTV為勁敵嘅TVB都要多次抽姜B水!不過估唔—到姜濤人氣之勁,連新聞報道都要借用一下,今次有線新聞報道公布消委會止汗劑測試報告,竟配上姜濤打籃球片段,更獲姜濤本尊親自轉載!

撰文:東方新地|圖片:有線新聞截圖、姜濤IG|編輯:20|原文刊於:東方新地

姜濤由ViuTV選秀節目《全民造星》一手打造,組成MIRROR後,姜濤人氣最盛,吸金力強,粉絲人數眾多又廣﹗不時被無綫抽水﹗

姜濤 姜B 消委會
有線新聞報道出現姜濤維園打籃球片段。(圖片來源:有線新聞截圖)

姜濤以普通市民身份上新聞台

有線新聞台都向姜B抽水,報道消委會對止汗劑測試報告時,配上姜濤在維園打籃球的片段,新聞報道:「烈日下打籃球,就快焫焫焫焫焫焫著,唔想成身臭汗味,止汗劑可能幫到你,消委會測試咗11款止汗劑…」巨星姜濤在片中以市民身份出鏡﹗

姜濤 姜B 消委會
有線新聞報道公布消委會測試了11種止汗劑結果,同時配上姜濤打籃球片,相當驚喜﹗(圖片來源:有線新聞截圖)
新聞報道用埋Mirror大熱歌曲《IGNITED 》的歌詞「焫焫焫焫焫焫著...」。(圖片來源:有線新聞截圖)
新聞報道用埋Mirror大熱歌曲《IGNITED 》的歌詞「焫焫焫焫焫焫著…」。(圖片來源:有線新聞截圖)
新聞主播話:「大熱天時,又唔想整到周身汗臭,止汗劑可能幫到你」同時配上姜濤打籃球片。(圖片來源:有線新聞截圖)
新聞主播話:「大熱天時,又唔想整到周身汗臭,止汗劑可能幫到你」同時配上姜濤打籃球片。(圖片來源:有線新聞截圖)
(圖片來源:有線新聞截圖)
(圖片來源:有線新聞截圖)

姜濤唔介意即轉載

姜濤雖然被有線新聞抽水,不過佢一啲都唔介意,更在IG即時動態轉載整條新聞片,跟大家分享,相信今次唔會焫著姜粉們。

姜濤唔介意,更第一時間在IG即時動態轉載。(圖片來源:姜濤IG)
姜濤唔介意,更第一時間在IG即時動態轉載。(圖片來源:姜濤IG)
姜濤將成段新聞報道轉載,跟粉絲分享上有線新聞。(圖片來源:姜濤IG)
姜濤將成段新聞報道轉載,跟粉絲分享上有線新聞。(圖片來源:姜濤IG)
姜濤獲隊友Anson Kong補祝生日。(圖片來源:姜濤IG)
姜濤獲隊友Anson Kong補祝生日。(圖片來源:姜濤IG)

 

無綫多次抽姜濤水

無綫為對撼ViuTV,不惜搵曾志偉、王祖藍改革綜藝科,首個改革大project未出街,在記者會上藝員鄧智堅惡搞「薑濤」,馮盈盈喊打「薑蓉」,阿Bob林盛斌助攻,即時焫著萬千姜粉,最後搞到公開道歉。其後處境劇《愛回家》又有「蔥頭」抽姜濤水,更連出兩集,同樣令粉絲大為不滿﹗

藝員鄧智堅在宣傳《開心大綜藝》記者會上,唱出姜濤的《蒙著嘴說愛你》,擺出姜濤招牌甫士及表情,並自稱「薑濤」,馮盈盈更話打到你變「薑蓉」,惡搞姜濤被姜粉鬧爆﹗(圖片來源:無綫娛樂新聞截圖)
藝員鄧智堅在宣傳《開心大綜藝》記者會上,唱出姜濤的《蒙著嘴說愛你》,擺出姜濤招牌甫士及表情,並自稱「薑濤」,馮盈盈更話打到你變「薑蓉」,惡搞姜濤被姜粉鬧爆﹗(圖片來源:無綫娛樂新聞截圖)
《愛回家》有兩集出現人氣偶像「蔥頭」,被指又抽姜濤水,藝員丘梓謙亦被網民鬧爆消費姜濤。(圖片來源:《愛回家》截圖)
《愛回家》有兩集出現人氣偶像「蔥頭」,被指又抽姜濤水,藝員丘梓謙亦被網民鬧爆消費姜濤。(圖片來源:《愛回家》截圖)

YOU MAY ALSO LIKE ...