天線得得B

天線得得B丨初代太陽bb已經27歲 最新近照曝光可愛樣子幻滅?

流行娛樂

廣告

英國經典幼兒節目《天線得得B》(Teletubbies)成為90後的童年回憶,喺1997年面世後,翻譯成45種語言,於113個國家播出。雖然唔少人都話其實細個嗰時係唔知套嘢講咩,不過總會好鍾意睇住4隻天線得得B彈嚟彈去,同埋望住每集都會出場的太陽bb一齊笑。原來呢個藍眼可愛太陽bb,都同我哋一齊長大,今年已經27歲啦!不過佢的近照就令唔少人驚嘆,更指係童年幻滅!

《天線得得B》中的太陽bb
《天線得得B》中的太陽bb(圖片來源:《天線得得B》)

太陽bb長大了已經27歲!

《天線得得B》中初代藍眼可愛太陽bb,原來是個girl,叫Jess Smith,佢的近照仲被網民翻出,已經係成年人27歲。而家大學畢業,喺保安公司任職行政人員。Jess Smith表示自己喺《天線得得B》的演出係完全無印象,只係聽聞返當時屋企人擺Jess對住塊鏡,然後Jess 就自己喺度傻笑,Jess爸爸都會喺地吓玩車仔引佢注意,拍攝時間大概半日左右。據外媒報導,原來當時Jess Smith出世時啱啱撞正《天線得得B》的製作人喺醫院搵太陽bb的人選,就成功揀中咗佢了,而拍攝報酬係388美元以及一盒玩具。

天線得得B
(圖片來源:《天線得得B》)

大家覺得有幾分似?

網民:童年幻滅

仍然擁有一對大大藍眼的Jess Smith,唔少網民睇完佢近照後,表示唔知太陽bb係個女仔,更指有啲童年幻滅的感覺「細個就覺得個BB太陽有啲恐怖,果然冇睇錯人」「Pizza 面」「唔可愛了」「童年幻滅!」,不過都有網民指幾似,仍然係幾可愛。

天線得得B 網民似乎對初代太陽bb有所失望
網民似乎對初代太陽bb有所失望(圖片來源:lihkg討論區截圖)

同場加映黑人bb

一齊睇埋最新netflix的太陽bb,今次netflix的《天線得得b》打破以往的藍眼bb,而其中一個仲要係黑人的bb,唔少網民對此表示「日蝕?」「太陽黑子」「又左」

天線得得B
(圖片來源:youtube@Netflix Jr.)
天線得得B
(圖片來源:youtube@Netflix Jr.)
天線得得B
(圖片來源:youtube@Netflix Jr.)

常見問題

農曆新年有什麼好去處及必買必食優惠推介?

農曆新年必定要和朋友、家人及另一半觀賞電影消閒一番,今年香港有4大超強卡士賀歲電影,一齊笑住過新年!視覺滿足完後,味覺都需要被滿足,為你整合新年盆菜外賣直送年糕優惠推介2023。如果想親自出馬,我們更為你準備了蘿蔔糕3大食譜黃金糕食譜,內藏黃金比例竅門,絕對必看!值得注意的是滙豐、中銀、渣打銀行可換新銀紙,即看:換新鈔及迎新鈔預約連結

2023上半年度演唱會多鑼鑼,有咩搶飛攻略?

隨著疫情過去,有不少歌手宣布舉辦演唱會,例如:陳奕迅演唱會「放寬位」購票連結周杰倫演唱會Twins演唱會鄭秀文演唱會Clockenflap梁詠琪演唱會鄭欣宜演唱會!為你整合了香港演唱會一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

圖片來源:lihkg討論區截圖、《天線得得B》、ig@j.smith_1995

YOU MAY ALSO LIKE ...