大J

大J護妻列7點大反擊 不滿網民轟太太唔識廣東話

流行娛樂

廣告

大J(Jason,周世鏗)出了新片講日籍老婆Mai(麻衣),在香港居住時覺得最方便的事,卻遭網民狂轟,「住港十年都唔識廣東話」,大J引戰式回應,更列出7大點護妻,強調兩公婆溝通就得,請大家收口!

大J日本妻Mai來港10年 前年結婚

大J曾到日本留學,故精通日語,前年娶了一名日籍太太Mai,去年大J宣布移居日本,繼續拍片!日前大J出了新片,主題是「居住香港10年期間,覺得最方便的事?」為題,片中太太Mai邊講邊教煮,Mai大讚香港其中最好的地方,是馬路上會有行車方向指示,令她這個外來人或大眾過馬路時方便及安全,是一個貼心舉動。點知新片一出,網民卻嘲諷Mai來港多年,又嫁港人老公,但竟然唔識廣東話,大J列7大點大反擊!

大J 大J和Mai結婚時,影了輯富中國傳統的婚照,而Mai熱愛香港文化。
大J和Mai結婚時,影了輯富中國傳統的婚照,而Mai熱愛香港文化。(圖片來源:IG@hunggy9527)
大J 大J太太Mai在片中戴上以英女王硬幣造成的頸鏈,她指為紀念英女王。
大J太太Mai在片中戴上以英女王硬幣造成的頸鏈,她指為紀念英女王。(圖片來源:YouTube@Jason)

大J還拖:唔好保住啲廢老思想!

大J引戰式回應,他指經常有留言狠批太太「住咁多年香港都唔識講廣東話」,他指Mai唔識廣東話有好多原因,他強調兩公婆溝通到咪得囉。第一點「佢同我溝通唔使廣東話」、第二點「佢同朋友溝通唔使廣東話」、第三點「佢同我屋企人溝通唔使講廣東話」、第四點「佢去街市買餸唔使廣東話都買到餸」、第五點「邊個話你知喺香港生活就要識廣東話?」、第六點「每個人的語言天份不同,佢就冇乜呢方面天份」、第七點「佢識英文就夠啦」,最後更指「唔好保住啲廢老思想,多謝合作」。

大J 大J和太太Mai一直以日語溝通。
大J和太太Mai一直以日語溝通。(圖片來源:IG@mai.journal)
大J Mai熱愛香港。
Mai熱愛香港。(圖片來源:IG@mai.journal)
大J 大J曾悍衛廣東話!
大J曾悍衛廣東話!(圖片來源:IG@hunggy9527)

網民:大J啲收視率低去draw attention啫

大J大反擊後,引起網民更激列討論,有網民留言:「你咁講,我哋係咪要包容嗰啲講普通話嘅人?你係咪要包容大陸班人?」大J即鬧爆:「咁你快啲日日去中環X啲鬼佬」。不少網民繼續轟Mai唔識廣東話,「如果我住日本十年都學唔識日文,我覺得自己好廢」、「試下香港人去日本住唔識會點?實比人恰」、「重點係Mai講到自己幾咁鍾意香港,但又唔學廣東話」、「大J啲片收視率愈來愈低,咁出嚟引戰博有多啲人睇,刷存在感!」、「睇佢有無心學啫,坤哥個日本老婆係IG都打中文啦」等。

大J 去年移居日本的大J,已考到駕照。
去年移居日本的大J,已考到駕照。(圖片來源:IG@hunggy9527)
大J 大J指因疫情關係,太太好耐無返日本,加上為了能暢所欲言、搵新題材,以及到日本做人工受孕等原因,故去年決定移居日本。
大J指因疫情關係,太太好耐無返日本,加上為了能暢所欲言、搵新題材,以及到日本做人工受孕等原因,故去年決定移居日本。(圖片來源:IG@hunggy9527)

網民撐大J老婆:新香港人唔識英文又唔識廣東話㖭啦!

網民反應兩極,亦有留言指Mai唔識廣東話無問題,「鬼佬同大陸人都唔識啦」、「佢老婆冇睇唔起香港文化,無謂去批評佢」、「支那人唔識廣東話又唔識英文喎」、「無拿拿咁批評人地老婆,好無禮貌」、「生活到咪得,仲乜要批鬥?Mai去街市買餸識講唔該,嗰班大陸人唔會囉」、「大把外國人娶咗日本妹都唔識日文添」等等。

大J 早前兩公婆在日本出席朋友婚宴。
早前兩公婆在日本出席朋友婚宴。(圖片來源:IG@hunggy9527)

關鍵詞
大Jyoutuber
圖片來源:YouTube@Jason、IG@hunggy9527、IG@mai.journal

YOU MAY ALSO LIKE ...