陳秀珠落淚剖白做單親媽媽21年 以為囝囝無爸爸都得 歎感情事太XX

陳秀珠落淚剖白做單親媽媽21年 以為囝囝無爸爸都得 歎感情事太XX

無綫節目《單對單》近日邀請了陳秀珠接受訪問,她剖白了1999年在美國以40歲高齡未婚產子的心路歷程。陳秀珠曾經都想過會與伴侶甜蜜到老,但結果覺得感情事實在太麻煩,因此一直恨有BB的她,在21年前選擇成為單親媽媽,愛子心切的她一講到囝囝,就忍不住感觸落淚。

撰文:東方新地|圖片:無綫影片截圖、新傳媒圖片庫、陳秀珠微博 |編輯:Bonita|原文刊於:東方新地

《單對單》陳秀珠:我曾經訂過婚

陳秀珠曾於99年在美國以40歲高齡,未婚誕下兒子陳迪加,近日她在無綫節目《單對單》中接受訪問,剖白她逾20年的單身生活,她坦言起初曾想搵一個伴甜蜜到老,但感情事實在太麻煩,她直言:「我覺得夠皮喇!其實我早期都試過,我諗冇人知,我曾經訂過婚,中學畢業嘅時候,因為佢要去外國讀書,佢想定落嚟,我都應承咗,但我最後唔捨得香港五光十色嘅生活,所以放棄咗,呢件事我要同佢道個歉。」

現年62歲的陳秀珠直言過往想法較為自私,自會考慮自己。(圖片來源:無綫影片截圖)
現年62歲的陳秀珠直言過往想法較為自私,自會考慮自己。(圖片來源:無綫影片截圖)

陳秀珠直言好後悔太早讓兒子到美國讀書,她透露當時是2011年,她因為拍劇集《我的如意狼君》受傷,而且兒子正好讀完小學,所以索性就趁那段休息的時間送了兒子出國讀書,但自此兩人的關係卻逐漸變得疏達。

陳秀珠憶述兒子未出國前,會經常給她「奪命連環Call」。(圖片來源:無綫影片截圖)
陳秀珠憶述兒子未出國前,會經常給她「奪命連環Call」。(圖片來源:無綫影片截圖)

提到21年前決意做單親媽媽,陳秀珠忍不住感觸落淚,她說:「我以為我好強,咩都搞得掂,但原來喺細路哥嘅立場嚟講,佢哋真係有所缺失。我都有問過佢,我問係咪同媽咪好好,因為媽咪可以照顧晒你一切,冇爸爸都得,佢話:『呢個只係你認為啫!』」

陳秀珠提醒各位女士若要選擇做單親媽媽前,要考慮更多小朋友的責任問題,不能只想著自己。(圖片來源:無綫影片截圖)
陳秀珠提醒各位女士若要選擇做單親媽媽前,要考慮更多小朋友的責任問題,不能只想著自己。(圖片來源:無綫影片截圖)

至於兒子有否問過生父身份,陳秀珠表示:「佢細個仲OK嘅,佢話唔使畀佢知,其實我每個階段都有問佢嘅,可以話係試探佢,細個佢話OK,有時佢睇電視仲會話:『呢個爸爸好衰,好彩我得媽咪。』反而依家佢大咗,想知,但係我覺得唔需要,因為佢依家已經係成年人。」

陳秀珠指兒子能給她一種牽掛,因此不會後悔當年選擇做單親媽媽。(圖片來源:無綫影片截圖)
陳秀珠指兒子能給她一種牽掛,因此不會後悔當年選擇做單親媽媽。(圖片來源:無綫影片截圖)

1999年陳秀珠 甘願做未婚媽媽

陳秀珠1998年拍劇時發現懷孕,當年佢已40歲,屬高齡產婦,翌年8月她在美國誕下男嬰,取名陳迪加,但她一直不肯公開BB爸爸的身份,同年接受報章訪問時,坦言一向好恨有個孩子,但就無想過結婚,因爲感到無此需要,甘願身兼父職撫養兒子。

單對單|陳秀珠做單親媽媽21年 歎感情事太XX
(圖片來源:陳秀珠微博)

本刊記者早年見珠姐帶住囝囝迪加到九龍城買外賣返屋企食,鮮有露面嘅迪加生得眉清目秀,同媽咪成個餅印咁。珠姐沿路同阿仔傾偈話:「我想剪頭髮。」阿仔趷高腳摸一摸媽咪嘅頭髮話:「我鍾意你長頭髮多啲!」珠姐笑一笑,搣一搣佢面珠話:「好啦,唔剪啦!」之後母子就拖住手行番屋企,場面溫馨滿瀉。

單對單|陳秀珠做單親媽媽21年 歎感情事太XX
(圖片來源:新傳媒圖片庫)

珠姐曾在訪問中說,每個女人都會去到一個階段,有生BB想法,當時佢就正處於呢個階段,雖然做一個單親媽媽令佢有好大壓力,但好彩得到屋企人同好朋友嘅支持,至於外間嘅反應,佢話佢控制唔到:「最初以為人哋一定會用另一種眼光嚟睇我,不過依家日子一過,我發覺其他人對我嘅眼光比想像中好,大家都好包容,好OK,令我覺得自己就同一般嘅媽咪冇乜分別。」

單對單|陳秀珠做單親媽媽21年 歎感情事太XX
(圖片來源:新傳媒圖片庫)

講到囝囝用咗「鹹蛋超人」個名,珠姐話只係巧合:「因為佢喺加州出世,我又鍾意個『迪』字,所以咪叫『迪加』,我覺得幾好聽呀!好彩我個仔好鍾意超人,佢啲同學都叫佢做『超人迪加』,佢鬼咁鍾意!哈哈!」珠姐又指自己不乏追求者,但佢想等囝囝再大啲先算:「話晒我As一個Single Mother,要更加錫個仔多啲,因為佢已經比其他人少咗一Part,如果我去拍拖而忽略咗佢,咁個細路點算呀?」迪加今年已經21歲大,相信珠姐可以放心晒啦。

陳秀珠
珠姐喺《刑警》入面都扮過大肚婆!(圖片來源:新傳媒圖片庫)

重溫陳秀珠原來係79年港姐出身

入行42年嘅陳秀珠,原來係79年港姐出身,參選時只得21歲,雖然當年三甲不入,但仍簽約無綫,主演過多部劇集,仲有網友睇深夜重播嘅99年《刑事偵緝檔案IV》,發現佢演宣萱表姨,個樣廿多年如一日都冇變過,依然咁省鏡!

單對單|陳秀珠做單親媽媽21年 歎感情事太XX
(圖片來源:新傳媒圖片庫)

88年《誓不低頭》 港女始祖

在88年神劇《誓不低頭》本來係謝文武(鄭少秋飾)老婆,但對方被陷害入獄後,居然改嫁老公仇人岑波(郭鋒飾),原因之一係貪岑波有錢!

單對單|陳秀珠做單親媽媽21年 歎感情事太XX
(圖片來源:新傳媒圖片庫)
珠做郭峰老婆
(圖片來源:新傳媒圖片庫)

99年《刑事偵緝檔案IV》做宣萱表姨

睇翻深夜重播嘅99年《刑事偵緝檔案IV》,陳秀珠演宣萱表姨,兩個人都凍齡有術,個樣廿年如一日都冇點變過!

單對單|陳秀珠做單親媽媽21年 歎感情事太XX
(圖片來源:無綫影片截圖)
刑事偵緝檔案IV
(圖片來源:無綫影片截圖)

95年《刑事偵緝檔案II》檔案八:寸草心

其實95年嘅《刑事偵緝檔案II》陳秀珠有份演其中一單案件。劇中陳秀珠飾演嘅舞小姐Betty亦係一位「慈母」,生下女嬰冬冬後,表面上對女兒漠不關心,要高婕(郭可盈飾)代佢湊女,但實際為女兒將來打算,不惜自殺呃保險。

刑事偵緝 檔案II
(圖片來源:無綫影片截圖)
刑事偵緝檔案II
(圖片來源:無綫影片截圖)
刑事偵緝檔案II
(圖片來源:無綫影片截圖)

陳秀珠又曾主持過多個節目,包括《K-100》、《體育世界》,以及86年世界盃。

陳秀珠
《體育世界》(圖片來源:新傳媒圖片庫)
《K-100》(圖片來源:新傳媒圖片庫)
《K-100》(圖片來源:新傳媒圖片庫)

孖劉華拍廣告

當年陳秀珠仲同初出道嘅劉德華拍過眼鏡廣告!

單對單|陳秀珠做單親媽媽21年 歎感情事太XX
(圖片來源:新傳媒圖片庫)
單對單|陳秀珠做單親媽媽21年 歎感情事太XX
(圖片來源:新傳媒圖片庫)

即睇《單對單》陳秀珠訪問片段:

YOU MAY ALSO LIKE ...