周潤發 捐20億

67歲周潤發捐20億身家俾慈善機構 全因見過一個人?

流行娛樂

廣告

67歲周潤發生活節儉,閒時會搭地鐵,跑步行山經常被野生捕獲,被指非親民!發哥仲成立慈善基金,表示身後將會捐出20億身家,發哥喺節目仲大講其金錢觀,令人佩服,原來發哥呢個舉動係因為受到一個人的影響?

周潤發 捐20億 周潤發 周潤發生活節儉,閒時會搭地鐵,更成立慈善基金,身後將捐出20億身家。
周潤發生活節儉,閒時會搭地鐵,更成立慈善基金,傳聞身後將捐出20億身家。(圖片來源:新傳媒圖片庫)

發哥追求簡單生活捐20億身家

周潤發一向追求簡單生活,唔使坐靚車,每日有三餐溫飽已經心滿意足。作為國際級電影巨星,身家數以十億計,發哥所過嘅平凡日子真係令人難以置信,因為斷估唔會落街食茶記見到湯告魯斯掛?

周潤發 捐20億 周潤發 周潤發作為國際級電影巨星,身家數以十億計。
周潤發作為國際級電影巨星,身家數以十億計。(圖片來源:新傳媒圖片庫)
周潤發 捐20億 周潤發 周潤發所過嘅平凡日子真係令人難以置信,落大牌檔食嘢都有機會見到發哥。
周潤發所過嘅平凡日子真係令人難以置信,落大牌檔食嘢都有機會見到發哥。(圖片來源:新傳媒圖片庫)

發哥大講金錢觀:其實死後都係一蚊都帶唔走!

早兩年,發哥上韓國《真實故事探索隊》節目接受訪問,被問到係咪會捐晒成副身家俾慈善機構,當時發哥冇出聲,只報以微笑回應。然後再大談點睇財產,發哥話:「錢唔係人可以永遠擁有,只要人一走,錢都係要留俾其他人,而家啲錢擺銀行,其實死後都係一蚊都帶唔走,不如諗諗捐俾有意思嘅機構。」而發哥捐身家消息,其後獲發哥家姐周聰玲同發嫂陳薈蓮確認,並表示全力支持,更大讚呢個決定係「光宗耀祖」。

周潤發 捐20億 周潤發
發哥表示:「財產不是你永遠擁有的,有一天走了以後,還是留下來給別人。」(圖片來源:《真實故事探索隊》節目截圖)
周潤發 捐20億 周潤發 發哥上韓國《真實故事探索隊》節目接受訪問,被問到係咪會捐晒成副身家俾慈善機構,當時發哥冇出聲,只報以微笑回應。
發哥上韓國《真實故事探索隊》節目接受訪問,被問到係咪會捐晒成副身家俾慈善機構,當時發哥冇出聲,只報以微笑回應。(圖片來源:《真實故事探索隊》節目截圖)
周潤發 捐20億 周潤發 周潤發係唔少明星都想野生捕獲嘅對象。
周潤發係唔少明星都想野生捕獲嘅對象。(圖片來源:[email protected]

發哥受法師開悟 對錢有新睇法

點解發哥對錢咁豁達?有傳係因為發哥幾年前同台灣淨空法師見過面,對財產同人生在世方面有新睇法。台灣淨空法師,原名為徐業鴻,日前(26日)凌晨兩點圓寂,享年96歲。淨空法師1959年喺台北臨濟寺出家,法名覺淨,字淨空,多年來致力講經教學,宣揚佛法。

周潤發 捐20億 周潤發 點解發哥對錢咁轄達?有傳係因為發哥幾年前同台灣淨空法師見過面。
點解發哥對錢咁轄達?有傳係因為發哥幾年前同台灣淨空法師見過面。(圖片來源:淨空老法師專集網頁截圖)
周潤發 捐20億 周潤發 淨空法師噚晚26日)凌晨兩點圓寂,享年96歲。
淨空法師噚晚(26日)凌晨兩點圓寂,享年96歲。(圖片來源:淨空老法師專集網頁截圖)

同場加映:周潤發由鄉下仔到國際巨星 獲浸大頒授榮譽博士學位

周潤發(發哥)一直都是港人最愛的巨星之一,每逢發哥到達之處,都必定掀起哄動!而昨日(7/8)香港浸會大學(浸大))舉行的榮譽博士學位頒授典禮,頒發榮譽人文博士學位予周潤發博士,以表揚他的傑出專業成就及對社會的卓越貢獻。

周潤發獲浸大頒授榮譽博士學位

周潤發貴為國際巨星,亦是香港最受愛戴和歡迎的公眾人物,影迷跨越不同年代。周博士1955年出生於香港南丫島一個草根家庭,十八歲考入電視台的藝員訓練班,從此開啟了他出類拔萃的演藝生涯。在上世紀七十至八十年代,周博士因其戲路寬廣,演活了在社會基層掙扎,卻重人情義氣的人物,迅速紅遍世界各地的華人社區。

周潤發 捐20億 周潤發
(圖片來源:大會提供)

在電視劇演出成功之後,周博士於1976年開始進軍電影業。其後在逾45年的從影生涯中,他與眾多知名導演合作,參演電影逾百部,獲獎無數,包括1987、1988及1990年的香港電影金像獎最佳男主角,以及1985及1987年的金馬獎最佳男主角,從他身上可以見證香港電影的黃金時代,他的演繹亦被視為影藝專業的標竿。周博士對電影事業的熱誠和卓越的追求,使他進軍荷里活。2020年,周博士成為「新中國成立70周年全國十佳電影男演員」之一。

周潤發 捐20億 周潤發
(圖片來源:大會提供)

周博士熱愛香港,非常關心同學的成長,並以不同方式貢獻社會。他曾多次以香港大使的身份幫助推廣本港的工商業,特別是旅遊業。他熱心公益,捐出億元財產,成立慈善基金會,幫助弱勢社群。

浸大校長衞炳江教授在典禮上表示,周潤發博士體現了香港人的拼搏精神,塑造了香港電影的輝煌年代,在海內、外都是極受歡迎的人物;衞教授說:「不論高山低谷,周博士一直默默耕耘,努力不懈,即使名成利就,仍不斷學習,不斷挑戰自己,更重要是他時常保持謙卑和感恩的心,他的毅力和待人接物的態度,堪稱年輕人的典範。」

周潤發 捐20億 周潤發
(圖片來源:大會提供)

周潤發細個屋企環境好惡劣

周潤發博士在致謝辭時表示今日立秋,好日呀!萬分多謝浸會大學,頒這個榮譽博士學位,講到讀大學,媽媽很就有遠見,60年代就帶我飄洋過海出到香港,讀香港社會大學。周潤發由他10歲時開始說:「六十年代的香港好簡陋,一家人住喺一間舊唐樓,一間屋住咗三十幾人,我、家姐細妹外婆瞓將碌架床响廳,亦有啲一家七、八個住一個房,走廊都有三張碌架床,環境好惡劣,對我一個鄉下仔來講,壓迫感好大,所以我成日去睇五點半公餘埸!當時前座兩毫子,後座四毫子,其實套戲做乜我唔知,我只係鐘意歎冷氣。

周潤發 捐20億 周潤發
(圖片來源:大會提供)

去到七十年代,我真正報讀咗邵逸夫爵士開辦嘅無缐大學,一年後畢業開始拍劇,每日不停講對白,06開始,外景講,返到廠、連瞓覺都係講對白,九年來都係咁,你問我拍咗乜,真係唔知。到咗80年代,我見得最多唔係我媽,而係鄭裕玲,日日只係唔見幾個鐘,佢喺係電視台陪我最多嘅藝人。

八十年代新浪潮回流香港,八四年電影工業下我入咗呢間大學,而呢班新浪潮導演帶俾我嘅,係以前電視台導演俾唔到我,對白亦唔使講咁多。好好彩!86年拍咗吳宇森導演的「英雄本色」,打後10年喺槍林彈雨下過,我可以講,我開槍用嘅子彈,多過當年一哥(警隊一哥)。

周潤發 捐20億 周潤發
(圖片來源:大會提供)

之後去到九四年,我同電影公司合約完咗,而喺嗰廿年,一日拍三組戲冇休息,人哋問我點分啲角色,我咪係去到片埸著住邊套衫就做邊個,唔分得咁多啦!94年我學人哋去浸咸水,去咗南加州大學,辛苦㗎,因為唔會講英文。兩年之後,好好彩有機會拍到第一部西片,對白唔多,老規矩,揸番槍。我仲記得有句對白就好似我哋喺「大酒店」聽到嘅,對家屬講嗰句折哀順便差不多,死得啦,第一部戲咁,大家都見到,我喺荷李活嘅發展都係折哀順便!」

周潤發:多謝香港人的愛

及後,發哥又再講到:「好彩到99年李安導演保薦我去咗北京大學,拍咗「臥虎藏龍」,一拍就拍到而家。總結來講,我覺得我嘅電影行業好有趣由廣東話轉ABC再講JQIXI,其實係迫出嚟,嗰時要搵食,喺片埸百幾,甚至幾百人等住你,冇得做唔到。當然,香港人俾咗我好多鼓勵、包容、愛錫!仲有好多謝香港呢個地方,賦予我智慧同愛我,要多謝香港這個地方、香港人, 多謝各位。」在典禮後,周博士出席分享環節,讓大約200名浸大同學透過對話交流,從其精彩的人生閱歷和睿智獲得啟發。

周潤發 捐20億 周潤發
(圖片來源:大會提供)

撰文:東方新地圖片來源:新傳媒圖片庫、真實故事探索隊》節目截圖、[email protected]、淨空老法師專集網頁截圖

YOU MAY ALSO LIKE ...