【周柏豪】粉絲整爛晒CD離棄偶像 周柏豪:好傷心    網友狙擊譏嘲:我都係人會貪錢

【周柏豪】粉絲整爛晒CD離棄偶像 周柏豪:好傷心 網友狙擊譏嘲:我都係人會貪錢

周柏豪與胡鴻鈞一同奪得《勁歌金曲頒獎典禮2020》中的「最受歡迎男歌星」,明明偶像拎獎粉絲應該開心,不過有周柏豪粉絲竟然要他割席更整爛晒CD,到底係咩一回事?

撰文:Lmc |圖片來源:星島、《勁歌金曲頒獎典禮2020》截圖 、周柏豪IG |編輯:海月

【周柏豪】粉絲整爛晒CD離棄偶像 周柏豪:好傷心 網友狙擊譏嘲:我都係人會貪錢

歌手周柏豪與胡鴻鈞一同奪得《2020年度勁歌金曲頒獎典禮》中的「最受歡迎男歌星」,被問到會獎項被分一半會否感到不值,周柏豪回應表示與胡鴻鈞私下是朋友,會一齊食飯打波,又指睇到朋友進步是開心事。周柏豪上年只得一首歌,因為專注照顧家庭,他表示有獎已十分開心,也不覺得奪得同一個獎是被分薄了。

周柏豪 櫻花樹下

周柏豪 櫻花樹下

另外,周柏豪早前曾發表「阿仔要孝順阿媽」言論比喻香港和大陸關係,如此高調表態令歌迷決定與他割席,有歌迷更整爛晒CD,告別昔日偶像。對此,周柏豪表示一路支持自己的人,因為他的言論去到所謂割席,令他感到傷心,他又提到:「我都係人嚟,但我唔能夠停留呢個情緒太耐,因為我屋企人、幕後啦,我嘅情緒其實好影響佢哋,所以我有責任要活好自己。所以我有責任要活好自己,做好作品。」

粉絲整爛CD
粉絲整爛CD

周柏豪的「我都係人嚟」言論一出,不少網友繼續大罵他,表示:「所以fans唔係人,可以畀佢背叛?」、「自己講啲咁嘅言論,割香港人席在先,怪乜嘢fans割你席喎!」和「我都係人會貪錢」。看來因政治立場,周柏豪失去大量粉絲外,又會被網友一直狙擊。

不少網友繼續大罵周柏豪
不少網友繼續大罵周柏豪
明寸他「我都係人」的言論
明寸他「我都係人」的言論
昨晚電視城門外卻沒有一個歌迷等周柏豪
昨晚電視城門外卻沒有一個歌迷等周柏豪

雖然周柏豪冧莊半個最受歡迎男歌星,但電視城門外卻沒有一個歌迷等他,十分尷尬。可見歌迷言出必行,與昔日偶像割席到底。

YOU MAY ALSO LIKE ...