周柏豪自爆拍水底戲致幽閉恐懼症復發  全身出疹兼輕了六、七磅

周柏豪自爆拍水底戲致幽閉恐懼症復發 全身出疹兼輕了六、七磅

周柏豪上月突然宣布再做老竇,湊成「好」字,家中再增添一名成員,做爸爸的柏豪當然要繼續努力搵錢,近日周柏豪為新劇《旁觀者》開工,出席活動時透露新劇拍攝已進入尾聲,仲講到有場重要的水底戲,但呢場戲絕不容易,導致全身出疹,更輕了六、七磅﹗

文:東方新地|圖:周柏豪IG、無綫娛樂新聞台截圖|編輯:HM(原文刊於:東方新地)

周柏豪拍水底戲致幽閉恐懼症復發

周柏豪指自己曾是籃球隊員又做過救生員,理應很熟水性及體能不錯,但日前因拍攝劇集《旁觀者》 一場水底戲致幽閉恐懼症復發,周柏豪指:「可能當時身體已很累,本身又有幽閉死懼症,落到水底一驚,全身反應出晒嚟,之後全身出風癩、紅疹,隔咗一晚先去睇醫生,要打針、 用類固醇、食藥,因為脫水輕咗六、 七磅﹗」

周柏豪指近日因拍攝新劇《旁觀者》,故與初生細仔相處時間唔多,他坦言希望劇集煞科後,爭取時間與子女相處。(圖片來源:無綫娛樂新聞台截圖)
周柏豪指近日因拍攝新劇《旁觀者》,故與初生細仔相處時間唔多,他坦言希望劇集煞科後,爭取時間與子女相處。(圖片來源:無綫娛樂新聞台截圖)

周柏豪指自小患有幽閉恐懼病,可能與兒時曾困𨋢有關,他指曾試過坐港鐵突然病發,要由中途站跑出,小時候浴室光線太暗,因太害怕未穿衣便跑出來﹗周柏豪指這個病症隨住長大已漸有好轉,他亦有意學潛水去克服恐懼。

周柏豪近日和王敏奕拍攝新劇《旁觀者》,周柏豪指因拍攝重頭水底戲致病情復發,幸有拍檔王敏奕幫忙才令拍攝順利完成。(圖片來源:無綫娛樂新聞台截圖)
周柏豪近日和王敏奕拍攝新劇《旁觀者》,周柏豪指因拍攝重頭水底戲致病情復發,幸有拍檔王敏奕幫忙才令拍攝順利完成。(圖片來源:無綫娛樂新聞台截圖)
周柏豪在新劇因拍攝一場水底戲卻令幽閉恐懼症復發,早前劇集探班時,他還開開心講解自己在劇中飾演一名咖啡店店長,能在實景拍攝感到好高興。(圖片來源:無綫娛樂新聞台截圖)
周柏豪在新劇因拍攝一場水底戲卻令幽閉恐懼症復發,早前劇集探班時,他還開心講解自己在劇中飾演一名咖啡店店長,能在實景拍攝感到好高興。(圖片來源:無綫娛樂新聞台截圖)

周柏豪高興宣布再做老竇 老婆順利誕下7.5磅囝囝湊成好字

36歲周柏豪19年與拍拖多年女友Stephanie(朱敏君)在布吉低調結婚,前年尾太太為他誕下囡囡芯悅﹗上月周柏豪向外公布再做老竇,為大女添了一名弟弟,成功湊成好字,不過一貫柏豪式低調,未有公開BB正面相,未知似爸爸定媽媽多啲呢?﹗周柏豪上月(8月20日)竟破天荒在醫院門口開記招,高調講老婆同囝囝,真係唔似佢作風!

周柏豪早前po了和一歲多大女「拍拖」。(圖片來源:周柏豪IG)
周柏豪早前po了和一歲多大女「拍拖」。(圖片來源:周柏豪IG)

周柏豪醫院門外高調開記招

結婚同生第一胎都係靜雞雞,生仔果然唔同,上月(8月20日)周柏豪在醫院門外開記者會,見到在場大批傳媒守候等做訪問,他笑晒親口報喜,仲有問必答,當被問及初生兒子似爸爸定媽媽,周柏豪掩住個嘴話:「下半截似我!」,即被在場記者反寸:「仔喎!下面一定似你啦! 一定唔似媽咪!」周柏豪更主動表示長女出生時有喊,今次細仔出世在產房他無喊,直至靜下來夜深人靜才偷偷流下感恩之淚,仲強調連太太都唔知佢喊過,不過全港有睇訪問的市民都知了!

周柏豪榮升第二任爸爸,開心報喜。(圖片來源:無綫娛樂新聞台影片截)
周柏豪榮升第二任爸爸,開心報喜。(圖片來源:無綫娛樂新聞台影片截)

周柏豪突然宣布再做老竇,在社交網公布喜訊,「我家弟弟剛剛誕生,弟弟重7.5磅,也是戴著黑色冷帽出生的小子,聲音的洪亮級數也能媲美姐姐」,周柏豪並公開感謝太太為家庭的付出﹗

周柏豪突然再做人父,抱起剛出世不久的囝囝﹗(圖片來源:周柏豪IG)
周柏豪突然再做人父,抱起剛出世不久的囝囝﹗(圖片來源:周柏豪IG)

周柏豪貼出三張相分享再做老竇的喜悅,分別是他抱住BB、BB小側面及周柏豪望住剛出世還在氧氣箱中的囝囝,全部都看不見囝囝的正面,不過見到頭髮相當烏黑及濃密﹗周柏豪留言感謝太太

真的真的辛苦太太了
一直要照顧家庭和芯悦 身體同時也要孕育弟弟
這種身心內外兼顧的耐性
實在是母親獨有的超能力
看著自己的小孩子
明白父母的愛從來都是無條件的
不期望將來日子如何 怎樣報答
只希望能把他們照顧好
能讓他們健康快樂 好好成長
這就是父母的心願和終生的責任
感謝我們的父母
感謝愛我們的人
感謝保佑

囝囝有一對大耳仔,頭髮烏黑又濃密﹗(圖片來源:周柏豪IG)
囝囝有一對大耳仔,頭髮烏黑又濃密﹗(圖片來源:周柏豪IG)
(圖片來源:周柏豪IG)
(圖片來源:周柏豪IG)
(圖片來源:周柏豪IG)
(圖片來源:周柏豪IG)
周柏豪拿住空奶樽並留言:「這種感覺」道出父母看見BB把奶喝光的滿足感覺。(圖片來源:周柏豪IG)
周柏豪拿住空奶樽並留言:「這種感覺」道出父母看見BB把奶喝光的滿足感覺。(圖片來源:周柏豪IG)
周柏豪囡囡芯悅12月便兩歲,對女兒及家人容貌依然好保密﹗(圖片來源:周柏豪IG)
周柏豪囡囡芯悅12月便兩歲,對女兒及家人容貌依然好保密﹗(圖片來源:周柏豪IG)

周柏豪節目爆房事:我同太太十幾年,每晚都拖住瞓

周柏豪同袁偉豪兩個識於微時的好友,年前合作拍攝的節目《兩個小生去Camping》中,「雙豪」除了鬥騷肌、鬥煮藝、鬥膽色之外,更來個深情剖白,周柏豪更激罕自爆同太太由拍拖到結婚一起十多年,到現在女都生埋,但每晚仍然拖住手仔瞓覺﹗

《兩個小生去camping》深情剖白 周柏豪:我同太太十幾年,每晚都拖住瞓
(圖片來源:《兩個小生去Camping》截圖)
周柏豪以保護身邊人為由,私生活相當低調,在《兩個小生去Camping》激罕公開講同老婆的甜蜜房事。
(圖片來源:《兩個小生去Camping》截圖)

周柏豪話因為平常不能夠正常拍拖咁拖手仔,呢啲親密動作只能留在家中,柏豪話:「我哋要拖手嘅時間就係瞓覺嗰時,我都同佢講喺街先幾個鐘,但瞓覺八個鐘都可以拖住﹗所以我同太太到依家都仲係會拖住手瞓覺﹗」袁偉豪即抵死問:「你肯定八個鐘?」柏豪即笑笑口話:「有時起身痾夜尿,七個半鐘啦﹗」周柏豪以保護身邊人為由,私生活相當低調,在《兩個小生去Camping》激罕公開講同老婆的甜蜜房事。

周柏豪自爆想著西裝迎接女兒出世

周柏豪除了首度公開同太太的冧豬事,仲剖白初為人父的心情,柏豪同Stephanie(朱敏君)拍拖十年、16年結婚,另一半的真面目更是相當神秘,19年尾,老婆Stephanie為他誕下6.7磅小公主,初為人父的周柏豪喜獲女兒相當興奮,但老婆靚樣繼續絕跡他的社交網。柏豪於節目大爆陪太太入產房時相當緊張,為此前一天專程去剪髮,佢又話:「我真係諗咗好耐著咩衫入產房,前一日仲特登剪咗頭髮,啲朋友同我講:『入產房要戴浴帽㗎』。我有諗過係咪著套西裝入去見個女,但係其實要著保護衣,最後揀咗件粉紅色衫,因為係囡囡嘛。」

因為出道時要扮單身,其後拍拖又要玩低調,所以咁多年來,未試過如正常人一樣出外拖手拍拖。
因為出道時要扮單身,其後拍拖又要玩低調,所以咁多年來,未試過如正常人一樣出外拖手拍拖。(圖片來源:《兩個小生去Camping》截圖)
手拖手嘅時間只有在瞓覺嗰時
手拖手嘅時間只有在瞓覺嗰時。(圖片來源:《兩個小生去Camping》截圖)
佢當時同女友即現在老婆講,喺街唔會十幾個鐘都拖住手,但瞓覺就可以拖足八小時,所以呢個習慣一直維持到依家。
佢當時同女友即現在老婆講,喺街唔會十幾個鐘都拖住手,但瞓覺就可以拖足八小時,所以呢個習慣一直維持到依家。(圖片來源:《兩個小生去Camping》截圖)
35歲周柏豪同老婆Stephanie(朱敏君)結婚三年,索妻真面目一直相當神秘。
36歲周柏豪同老婆Stephanie(朱敏君)結婚五年,索妻真面目一直相當神秘。(圖片來源:東方新地)
老婆大肚收收埋埋冇人知,去年尾周柏豪直至囡囡出世第三日,才開心向外報喜,並開心 share湊女甜蜜照。
老婆大肚收收埋埋冇人知,19年尾周柏豪直至囡囡出世第三日,才開心向外報喜,並開心 share湊女甜蜜照。(圖片來源:周柏豪IG)
其後繼續以保護屋企人為由,一直未有貼囡囡的正面相,只有額頭相睇住先﹗
繼續以保護屋企人為由,一直未有貼囡囡的正面相,只有額頭相睇住先﹗(圖片來源:周柏豪IG)
仲有對腳仔睇下﹗老婆,繼續玩神祕﹗
仲有對腳仔睇下﹗老婆,就繼續玩神祕﹗(圖片來源:周柏豪IG)

周柏豪秘婚因有偶像包袱

「雙豪」第二集繼續晚上談心,二人邊睇《使徒行者2》邊吹水,周柏豪透露拍該劇時印象特別深刻,因為:「嗰時拍拍吓去咗結婚,但又唔可以畀人知﹗」袁偉豪問佢有冇諗過自己結婚後會令粉絲嘅幻想破滅?柏豪想也不想答:「係㗎﹗嗰陣時啱啱加入電視台,我都會諗啲投資者投資喺我身上,會唔會都諗點解我一直冇講結婚呢件事呢?我會有呢啲咁樣嘅顧忌,但係最後好彩大家都接受咗呢件事,或者歌迷都會好鍾意我嘅屋企人。」

兩個型男,在節目番外篇,赤裸上身鬥騷肌。
兩個型男,在節目番外篇,赤裸上身鬥騷肌。(圖片來源:《兩個小生去Camping》截圖)
周柏豪在鏡頭下刻意撥髮,扭身扭勢,肌味濃,簡直係男子組本地版《三日兩夜》
周柏豪在鏡頭下刻意撥髮,扭身扭勢,肌味濃,簡直係男子組本地版《三日兩夜》(圖片來源:《兩個小生去Camping》截圖)
鏡頭刻意影近二人肌肉,左邊較白的是周柏豪,右邊是袁偉豪。
鏡頭刻意影近二人肌肉,左邊較白的是周柏豪,右邊是袁偉豪。(圖片來源:《兩個小生去Camping》截圖)
柏豪話因為要抱個女,所以才去練得一身肌肉,做咗人老竇唔同晒,句句說話都切入到個女度。
柏豪話因為要抱個女,所以才去練得一身肌肉,做咗人老竇唔同晒,句句說話都切入到個女度。(圖片來源:《兩個小生去Camping》截圖)
慢鏡加埋不時zoom近二人肌肉,今次輪到袁偉豪谷臂肌,觀眾有冇懷疑自己睇緊啲乜﹗
慢鏡加埋不時zoom近二人肌肉,今次輪到袁偉豪谷臂肌,觀眾有冇懷疑自己睇緊啲乜﹗(圖片來源:《兩個小生去Camping》截圖)

YOU MAY ALSO LIKE ...