《愛回家》吳偉豪Staycation後焗認愛 「島大吳彥祖」女友真身曝光

《愛回家》吳偉豪Staycation後焗認愛 「島大吳彥祖」女友真身曝光

在處境劇《愛‧回家之開心速遞》中,由吳偉豪飾演有「島大吳彥祖」之稱的朱凌凌,小鮮肉威力甚強,俘虜不少女粉絲,成為新一代無綫男神。上位在望不容有失,吳偉豪為了避免有負面新聞影響形象,平日空餘時間集中火力做運動,更謝絕與朋友飲酒消閒玩樂,不過情關始終闖不過。早前吳偉豪受酒店之邀去Staycation,把多張瞓床型仔照放上社交網,即被踢爆當日原來與大十年的金毛女友Charlotte同行,女友把遮了吳偉豪樣的合照放上社交網,男方的打扮與吳偉豪完全吻合,百密一疏令姊弟戀情見光。

撰文:東方新地|圖片:東方新地/梁諾妍IG|編輯:K.P (原文刊於:東方新地

吳偉豪女友真人露相貨不對辦

22歲的吳偉豪憑處境劇《愛‧回家之開心速遞》中朱凌凌一角入晒屋,外表俊朗形象健康,入行五年未見有緋聞,原來收收埋埋有個金毛女友,一次酒店Staycation,戀情意外曝光,源於一張在酒店房內的私密合照。吳偉豪今年只有22歲,Charlotte被指約32歲,女方不時在社交網上載風情萬種的性感照,濃妝艷抹下似有幾分姿色,不過日前Charlotte與吳偉豪拍拖去洗車,社交網中的索女真人顏值嚴重打折,只有身材是對辦。吳偉豪揀女友,好明顯身形行先。

正在上位中的吳偉豪被爆帶埋金毛女友Charlotte去酒店 Staycation,事後他焗住認愛,不過未肯透露女友身份。
正值上位中的吳偉豪被爆帶埋金毛女友Charlotte去酒店 Staycation,事後他焗住認愛,不過未肯透露女友身份。
吳偉豪與 Charlotte的戀情被踢爆後,女主角即被起底指年約32歲,其 IG內有不少性感照,當中不乏三點式及內衣褲床照,全部都化極濃妝,好似戴了面具一樣,超現實。
吳偉豪與 Charlotte的戀情被踢爆後,女主角即被起底指年約32歲,其 IG內有不少性感照,當中不乏三點式及內衣褲床照,全部都化極濃妝,好似戴了面具一樣,超現實。

22歲《愛回家》吳偉豪女友真身曝光超現實 Staycation後焗認愛

22歲《愛回家》吳偉豪女友真身曝光超現實 Staycation後焗認愛

早前吳偉豪返電視城出席《愛•回家》宣傳活動,由戴住口罩的女友Charlotte親自揸車接載離開,二人返回元朗愛巢半個鐘後再出車,這時Charlotte冇再戴口罩,他們前往附近的自助洗車屋,由吳偉豪負責做洗車男,Charlotte就開定張摺椅坐埋一邊翹埋雙手。洗足一個多鐘頭架車終於洗完白白,現場所見一頭金毛的Charlotte打扮好出眾,身穿低胸貼身上衣配超短褲,露腰露長腿,身材確實是惹火,不過睇完其社交網的照片,再睇到真人,其容貌就真係好大出入,同樣化了濃妝,但Charlotte一對蝌蚪眼加超級厚唇與極高顴骨,五官都顯得非常不自然,與社交網中美圖後的她更是判若兩人。

這日 Charlotte與吳偉豪返回元朗寓所後再外出,負責揸車的Charlotte放下戒心冇戴口罩。
這日 Charlotte與吳偉豪返回元朗寓所後再外出,負責揸車的Charlotte放下戒心冇戴口罩。
近鏡睇真啲,濃妝下蝌蚪眼、間尺鼻、再加勁顴骨同超級厚唇,成個樣其實好顯老。
近鏡睇真啲,濃妝下蝌蚪眼、間尺鼻、再加勁顴骨同超級厚唇,成個樣其實好顯老。
吳偉豪親手為座駕洗白白,洗完再全車抹乾,盡顯man爆一面。
吳偉豪親手為座駕洗白白,洗完再全車抹乾,盡顯man爆一面。

22歲《愛回家》吳偉豪女友真身曝光超現實 Staycation後焗認愛

Charlotte準備充足,開定摺椅坐在一邊離遠睇住吳偉豪洗車。
Charlotte準備充足,開定摺椅坐在一邊離遠睇住吳偉豪洗車。
洗到尾聲,Charlotte突然起身拎住已晾乾的地氈,窄Tee下身材逼爆,露腰露長腿,論身材性感又惹火,再睇埋個樣就⋯⋯各花入各眼啦!
洗到尾聲,Charlotte突然起身拎住已晾乾的地氈,窄Tee下身材逼爆,露腰露長腿,論身材性感又惹火,再睇埋個樣就⋯⋯各花入各眼啦!

22歲《愛回家》吳偉豪女友真身曝光超現實 Staycation後焗認愛

吳偉豪好體貼,咁辛苦洗完車都仆過去幫女友收好摺椅放上車。
吳偉豪好體貼,咁辛苦洗完車都仆過去幫女友收好摺椅放上車。

金毛女友高調放閃得逞

日前吳偉豪去完酒店Staycation,即被爆料指當日他與一名金毛索女Charlotte同行,更爆女方比吳偉豪大足足十年,雖然是姊弟戀,但Charlotte保養得宜,又經常在社交網上載性感照,大騷誘人身材。Staycation後,吳偉豪在自己的社交網放了多張在酒店房內及餐廳的食物照,他穿上一件直間恤衫配黑色手錶,懶洋洋瞓在大床上,又到甚有情調的餐廳食飯兼飲紅酒,他以英文留言:「有時任何人都會想留點時間給自己,去休息、去調整內心,特別是生活在充滿壓力的香港,經過數個月對度假甚至Staycation的渴望後,終於到我喇,呢度房靚,嘢食好味,景又靚,到你未?」而Charlotte亦同時期在社交網放閃,貼出與男友去酒店Staycation的恩愛合照,但她卻故弄玄虛,刻意將男方的樣貌遮掩,一時用手機,一時用口罩及卡通黑超,報料者指因為睇到朱凌凌個社交網,相中男子無論打扮、手錶與髮型,都與朱凌凌一模一樣,所以頗肯定Charlotte男友就是吳偉豪。

吳偉豪早前在社交網貼出多張單人相,透露自己終於能夠在香港的酒店潮玩Staycation歎番晚,原來照片全部都出於女友視角,難怪瞓床瞓得特別冧。
吳偉豪早前在社交網貼出多張單人相,透露自己終於能夠在香港的酒店潮玩Staycation歎番晚,原來照片全部都出於女友視角,難怪瞓床瞓得特別冧。

22歲《愛回家》吳偉豪女友真身曝光超現實 Staycation後焗認愛

吳偉豪在酒店享受Staycation的照片中,又飲酒又歎咖啡,而其女友Charlotte竟然在IG公開二人在酒店的私密合照,雖然刻意為吳偉豪遮樣,但無論身形、衣著都跟吳偉豪當日的打扮好脗合。
吳偉豪在酒店享受Staycation的照片中,又飲酒又歎咖啡,而其女友Charlotte竟然在IG公開二人在酒店的私密合照,雖然刻意為吳偉豪遮樣,但無論身形、衣著都跟吳偉豪當日的打扮好脗合。

22歲《愛回家》吳偉豪女友真身曝光超現實 Staycation後焗認愛

吳偉豪更放了不少酒店餐廳食物照上 IG,睇份量都知一個人食唔晒,原來係同女友撐枱腳。
吳偉豪更放了不少酒店餐廳食物照上 IG,睇份量都知一個人食唔晒,原來係同女友撐枱腳。

22歲《愛回家》吳偉豪女友真身曝光超現實 Staycation後焗認愛

YOU MAY ALSO LIKE ...