同楊思琦分手受重創!李泳豪單身十年終戀上台灣女友!鼎爺:恨飲新抱茶!楊思琦:好多嘢唔想講

同楊思琦分手受重創!李泳豪單身十年終戀上台灣女友!鼎爺:恨飲新抱茶!楊思琦:好多嘢唔想講

雖然楊思琦入行20年,不過最為人熟知嘅就一定係當年棄拍拖九年李泳豪,之後搭上空心老倌吳帥,結果未婚生女被指拜金一沉百踩!舊年楊思琦更被踢爆離奇生多個仔,事後她解釋有「神秘老公」已結婚。早前她為陳志雲的網上節目《Stephen‧傾》做嘉賓,更被問到當場傷心痛哭……而被楊思琦狠心背叛的李泳豪,單身十年終戀上台灣女友!到底今次佢嘅女友係點?過唔過到鼎爺一關?

撰文:東方新地 |圖片:《Stephen‧傾》網上影片截圖、楊思琦IG圖片、Agnes Lin fb圖片、李泳豪IG圖片|編輯:20|原文刊於:東方新地

李泳豪
40歲的李泳豪與楊思琦分手已十年,單身多年的他終於有新戀情。
李泳豪
李泳豪的台灣女友Agnes Lin亦是愛狗之人,與李泳豪有共同話題。

李泳豪終於有著落

當年被楊思琦狠飛,對李家鼎細仔李泳豪來說是個很巨大的打擊,其後李泳豪雖然曾與洪天明舊愛、中韓混血兒Miki有過一段情,不過只是曇花一現,之後一直單身,有指李泳豪因楊思琦的變心對感情一事已失去信心。十年後的今日,李泳豪終於走出陰霾,對外承認與來自台灣的Agnes Lin正在蜜運中,表示有拖拍當然非常開心,李泳豪仲話拍得拖就視對方為結婚對象。

李泳豪
Agnes(右)為人低調,她的fb只有三張照片。
李泳豪
今年1月中,Agnes在自己的fb分享男友李泳豪的post,幫手宣傳。
李泳豪
未來新抱咁落力幫手宣傳,難怪鼎爺對她有讚無彈。

李泳豪女友行奶奶老爺政策

據知,李泳豪與Agnes同是愛犬之人,認識後一拍即合,台灣女仔出名溫柔體貼,Agnes亦相當識做,每次與李泳豪拍拖見面都唔介意與施明、李泳豪4歲的姪仔Alfie四人同行,而李家上下都對Agnes讚不絕口,早已認定她是準新抱,李家鼎與施明更希望已40歲嘅李泳豪盡快成家立室。李家鼎在訪問中直認已見過Agnes,大讚對方是一個好女仔、為人細心又好尊重老人家,李家鼎仲話想李泳豪唔好兩頭遊,快啲畀佢飲到呢杯新抱茶!

李泳豪
鼎爺與施明的大仔李泳漢早已成家立室生了一仔一女,他們亦希望李泳豪能盡快結婚。
李泳豪
李泳豪孝順又黐家,即使與女友Agnes拍拖,都會帶埋阿媽施明同姪仔同行,難得女友唔介意。

楊思琦有口難言

李泳豪缺失的感情終於有著落,楊思琦就為當年的錯誤決定付出沉重的代價。楊思琦當年戀吳帥搞到變成未婚媽媽,逃去美國生女後兩個月返港,成為一時佳話,14年楊思琦約滿無綫電視後決定不續約,近年為養家攻入內地市場,去年唔聲唔聲又陀仔,已經行錯一次的楊思琦今次仲離奇,老公與兒子生父身份隻字不提,只強調對方是圈外人不想曝光。愈神秘就愈惹人揣測,陳志雲在其網上節目《Stephen‧傾》內多方位單刀直問,楊思琦多次保持緘默唔知點答好,仲試過黑面。

楊思琦
楊思琦唔止要接受訪問,更要即場獻唱。
楊思琦
近年有意轉型做歌星的楊思琦,唱功大有進步。

楊思琦痛失知心友落淚

陳志雲由楊思琦參選港姐開始問起,講到她是屋邨港姐,楊思琦表示好懷念以前讀書的日子,還透露早前一位要好的中學同學離世,她忍不住落淚說:「好突然,佢走咗之後冇耐,我就收到首〈仲夏陽光〉,我即刻喊咗出嚟,歌詞就好似講緊我同佢。我每晚瞓唔到,佢讀書好叻,係一位兒童心理學家,好值得我學習,佢善解人意、細心、有善心及愛心,對任何人都唔發脾氣,係我一個soulmate。」陳志雲見楊思琦好感觸,繼續問到底,結果搞到楊思琦喊得好傷心,她對陳志雲說:「本來只想輕描淡寫咁講,我強忍住,畀你咁問……」

楊思琦
陳志雲問起楊思琦最好的中學同學,她透露對方早前逝世。
楊思琦
楊思琦突然情緒崩潰。
楊思琦
但她仍繼續講這位已逝世的知心好友。
楊思琦
陳志雲連忙遞上紙巾。
楊思琦
楊思琦喊得好傷心。
楊思琦
陳志雲講番自己的傷心事想安慰楊思琦,點知楊思琦愈聽愈喊。

重提豪仔 楊思琦好多嘢唔想講

其實楊思琦上得陳志雲節目就預了要答刁鑽問題,不過當話題轉到前度李泳豪時,楊思琦妹態度迴避,表示感情世界好難拿捏,面對負面新聞指她專搵有錢人,楊思琦叫陳志雲幫佢平反。對於當年未婚誕女,她說自己諗清諗楚,決定獨力撫養,自言好鍾意小朋友,不會因為其他因素抹殺生存權利,不過陳志雲不斷追問當年的情況,楊思琦就話:「呢啲嘢唔想答唔想講!細節嘢唔想提!」楊思琦只肯回答當年她與吳帥,最後是由她主動斬纜。

楊思琦
另一個糾纏好耐的話題,就是當年錯愛吳帥,陳志雲話要「畀個叻楊思琦」,因為當年是她主動斬纜。

網友回應:「真係好怕呢種女人」

對於楊思琦在節目的表現,網友大多唔收貨,無法洗白,仲嬲多兩分:

楊思琦陳志雲

楊思琦上陳志雲節目喊住受訪 被追問虛擬老公繼續落閘

楊思琦上陳志雲節目喊住受訪 被追問虛擬老公繼續落閘

楊思琦上陳志雲節目喊住受訪 被追問虛擬老公繼續落閘

網民對楊思琦的訪問有著不同的意見。
網民對楊思琦的訪問有著不同的意見。
陳志雲訪問一陣又叫楊思琦唱吓歌,唱完又再迫供。
陳志雲訪問一陣又叫楊思琦唱吓歌,唱完又再迫供。

楊思琦聲稱不接受有婦之夫

對於楊思琦再生第二胎,陳志雲來來回回不停追問,對於虛擬老公被質疑根本無此人,楊思琦堅持老公是圈外人要低調,即使永遠不曝光都無所謂,不過陳志雲就追問如何可以永遠不曝光,又問楊思琦與老公怎樣共同生活,楊思琦的答案全部都好虛,不停在遊花園。陳志雲繼續窮追不捨,問楊思琦會不會接受與其他人共享一個男人,楊思琦面色一沉答得有點遲疑:「如果對方結咗婚唔可以接受!」

楊思琦
陳志雲多番追問,話題離不開楊思琦的虛擬老公,搞到佢數度面有難色口窒窒。

楊思琦上陳志雲節目喊住受訪 被追問虛擬老公繼續落閘

楊思琦上陳志雲節目喊住受訪 被追問虛擬老公繼續落閘

楊思琦上陳志雲節目喊住受訪 被追問虛擬老公繼續落閘

楊思琦上陳志雲節目喊住受訪 被追問虛擬老公繼續落閘
網民都對楊思琦老公的存在有質疑。

楊思琦自爆被在位者傷害

講到當年在美國生女的經歷,楊思琦突然自爆當年某人做了傷害她的事情,現在已原諒對方:「佢做過傷害我嘅事,我可以原諒佢對我做過嘅嘢,我唔係講緊另一半嗰啲,係在位者!因為嗰個人係在位者,當其時嘅在位者。如果依家見到我都會同佢打招呼!」陳志雲表示對在位者身份好好奇,不過楊思琦不肯透露半句內情,陳志雲笑言訪問後會私底下問清楚楊思琦。

楊思琦
楊思琦更自爆曾被在位者傷害,但她唔肯開名爆係邊個!
楊思琦
楊思琦女兒Krystal經已9歲,兒子Kody下月亦一歲,她說回想當年誕女後飽受外界負評,感到很大壓大,並謂感情冇對錯,每個人做事都有自己原因,楊思琦話自己好彩撐得住。

Stephen.傾 (嘉賓:楊思琦) 去片:

睇返原片,網友表示「志雲大師在引導受訪者交心方面的技巧是絕對高超的!」

 

YOU MAY ALSO LIKE ...