【YouTube界女神】司徒夾帶訪問阿冰大嗌興奮!193仆倒留言護花

【YouTube界女神】司徒夾帶訪問阿冰大嗌興奮!193仆倒留言護花

193(郭嘉駿)早前同YouTube界女神阿冰(吳冰)和阿Gi(樊沛珈)拍攝新歌MV,推出至今已有百萬瀏覽量,日前網絡紅人司徒夾帶在街頭偶遇阿冰,即刻捉住對方拍片做訪問!而司徒夾帶表現得太興奮令阿冰受到驚嚇,估唔到193即時衝出來護花!

撰文:東方新地|圖片:司徒夾帶FB圖片及影片截圖、193及阿冰IG圖片|編輯:20|原文刊於:東方新地

193 自肥拍MV變男人公敵

近日人氣爆燈的ERROR成員193(郭嘉駿)早前趁住拍ViuTV節目《ERROR自肥企画》的機會,一口氣搵來兩位YouTube界女神阿冰(吳冰)和阿Gi(樊沛珈)一王二后拍攝他的新歌〈睡到三點〉MV,更與兩女同床共枕,令他成為男人公敵!不過MV亦因此大受歡迎,推出至今約10日已有近百萬瀏覽量。

193今次的MV女主角唔止得一位,一個係《小薯茄》的阿冰,一個係《啱Channel》的阿Gi。
193今次的MV女主角唔止得一位,一個係《小薯茄》的阿冰,一個係《啱Channel》的阿Gi。

今日(5月28日)網絡紅人司徒夾帶在街頭偶遇阿冰,即刻捉住對方拍片做訪問,並表示:「好興奮見到近期最紅嘅MV女主角!」不過片中阿冰聽到司徒夾帶對她這個介紹,即刻耍手擰頭話:「唔好咁講!」表情好尷尬!

司徒夾帶介紹阿冰係「近期最紅嘅MV女主角」。
司徒夾帶介紹阿冰係「近期最紅嘅MV女主角」。
司徒夾帶這段對阿冰的街訪片只有短短17秒,全片阿冰只係重複講咗兩句「唔好咁講」,冇機會講其他嘢。
司徒夾帶這段對阿冰的街訪片只有短短17秒,全片阿冰只係重複講咗兩句「唔好咁講」,冇機會講其他嘢。

司徒夾帶同阿冰有新合作?

司徒夾帶又在片中說:「今日好多謝阿冰嚟幫手,嚟幫手乜嘢?唔講得住,因為唔係幫我。」這時司徒夾帶將鏡頭單獨影住阿冰,阿冰即笑住揮手,表情繼續Keep住尷尬。

拍拍吓阿冰忽然攞張紙巾出嚟抹汗,睇嚟好緊張!
拍拍吓阿冰忽然攞張紙巾出嚟抹汗,睇嚟好緊張!
睇真啲,阿冰身後地面擺放住一啲攝影器材,唔通係拍緊《小薯茄》嘅影片?
睇真啲,阿冰身後地面擺放住一啲攝影器材,唔通係拍緊《小薯茄》嘅影片?

之後司徒夾帶亦直認自己舉動太奔放,他在影片下表示:「啲同事話我好似劉馬車/龍心捉住啲女仔咁⋯⋯其實,我內心仲奔放過佢哋。」

司徒夾帶話自己仲奔放過劉馬車/龍心。
司徒夾帶話自己仲奔放過劉馬車/龍心。
最後這段影片以阿冰向鏡頭揮手作結尾。
最後這段影片以阿冰向鏡頭揮手作結尾。

司徒夾帶自言克制全因193

不過司徒夾帶似乎表現得太興奮,令阿冰受到驚嚇,193隨即忍不住要衝出來護花,對司徒夾帶笑住話:「你嚇親冰冰啦!」而面對193的「指責」,司徒夾帶就回應:「就係畀面3哥你我先至咁克制!」

193笑指司徒夾帶「嚇親冰冰」。
193笑指司徒夾帶「嚇親冰冰」。
網友都好認同阿冰被「嚇親」。
網友都好認同阿冰被「嚇親」。
質問司徒夾帶該當何罪!
質問司徒夾帶該當何罪!

雖然程人富曾經在《小薯茄》影片講過一句「阿冰係人哋女朋友」,令這句說話成為阿冰的標籤,亦有傳阿冰的男友其實就係程人富,但男未婚女未嫁,193唔係冇機會㗎!

睇吓之前拍MV時,193同阿冰幾Sweet!
睇吓之前拍MV時,193同阿冰幾Sweet!
程人富(左前)係咪真係阿冰(左後)男友呢?
24歲的阿冰(左後)畢業於浸會大學電影學院,是YouTube界十大女神之一,拍過電視劇《理想國》其中一個單元,又擔任過Dear Jane《銀河修理員》MV女主角,唔知程人富(左前)係咪真係阿冰男友呢?

司徒夾帶訪問阿冰原片:https://fb.watch/5Mv4xx43K1/

YOU MAY ALSO LIKE ...