《口罩小姐》「浩南」鄭伊琪自薦做女版MIRROR:最想同ERROR成員拍親熱戲!

《口罩小姐》「浩南」鄭伊琪自薦做女版MIRROR:最想同ERROR成員拍親熱戲!

「浩南」鄭伊琪自《口罩小姐》奪軍後,正式簽約成為ViuTV藝人,密密接廣告又拍節目!日前鄭伊琪更被指取代本來代言的葉翠翠,成為補品代言人!不過鄭伊琪就話唔敢比較,但直言正式入行後,酬勞、出鏡機愈來愈多,更表明最想拍劇,更恨同ERROR成員做對手﹗

撰文:東方新地 |圖片:鄭伊琪IG、廣告官方發相|編輯:20|原文刊於:東方新地

《口罩小姐》鄭伊琪取代葉翠翠做代言人

鄭伊琪奪得ViuTV《最後一屆口罩小姐》入行,簽約ViuTV後出鏡率暴升,近日更成為滴雞精代言人,鄭伊琪出席代言活動時,被指頂替本來代言的葉翠翠,鄭伊淇唔敢認搶job﹗

《口罩小姐》冠軍鄭伊琪(代號浩南)加入ViuTV後接到代言廣告﹗(圖片來源:廣告官方相片)
《口罩小姐》冠軍鄭伊琪(代號浩南)加入ViuTV後接到代言廣告﹗(圖片來源:廣告官方相片)

鄭伊琪向花姐自薦做「女版MIRROR」

《口罩小姐》鄭伊琪直認當選口罩小姐後酬勞增加,自爆今次代言有六位數,佢話:「我唔係搶嘢返嚟做,可能我形象比較健康,可以吸引到啲眼球,開拓一啲新嘅市場!其實嚟緊我都好想拍戲、唱歌。如果未來花姐真係想搞『女版MIRROR』,我梗想成為一份子!」

(圖片來源:滴雞精facebook)
(圖片來源:滴雞精facebook)

鄭伊琪恨同Dee哥做情侶

鄭伊琪又指自己恨唱歌、拍劇,最想可以同ERROR合作,佢話:「我剛同193同Dee哥拍節目,如果可以同Dee哥拍劇做情侶就好,親熱戲都冇問題,我就唔介意,唔知佢呀,你哋問吓佢制唔制?」

《口罩小姐》鄭伊琪最想同隊長Dee哥(何啟華)拍劇做情侶﹗(圖片來源:鄭伊琪IG)
《口罩小姐》鄭伊琪最想同隊長Dee哥(何啟華)拍劇做情侶﹗(圖片來源:鄭伊琪IG)

鄭伊琪長文公開多謝Dee哥

鄭伊琪成《口罩小姐》雙料冠軍,長文多謝Dee哥:「必須介紹重量級人馬駕到⋯⋯⋯我大佬Dee哥冇佢真係冇今日嘅我,由我海選開始已經決定要跟佢,直至佢揀我入組,已經係覺得超級開心!因為當時只係剩返一個位,佢都比我入。」

鄭伊琪參加《口罩小姐》入了Dee哥組﹗(圖片來源:鄭伊琪IG)
鄭伊琪參加《口罩小姐》入了Dee哥組﹗(圖片來源:鄭伊琪IG)

「好想了解佢係點樣嘅人」

鄭伊琪表示:「由造星開始我已經好欣賞佢,我覺得佢感染力好大,好想了解究竟呢一個係點樣嘅人😂,好想喺佢身上學習到嗰份感染力,點知當我第一眼見到佢,佢嗰份眼神係好serious,有少少嚇怕到我,相處落去先知道佢係好謙虛喜歡觀察嘅隊長。佢好快已經睇到我嘅弱點…但佢冇放棄我,一直鼓勵我。」

鄭伊琪現主持ViuTV《囝囝女女730》。(圖片來源:鄭伊琪IG)
鄭伊琪現主持ViuTV《囝囝女女730》。(圖片來源:鄭伊琪IG)

「佢叫我要信自己﹗」

鄭伊琪表示:「我喺talkshow入面,我提及過『我鍾意多選擇,但我唔鍾意做決定』,好幸運地有啊Dee幫我處理咗自己嘅疑惑。每次我最迷惘嘅時候,佢就同我講『唔好亂,信自己!』…一切一切既榮耀係你帶比我…無以為報,只好努力學習。」

鄭伊琪早前孖住193拍廣告﹗(圖片來源:豐澤廣告截圖)
鄭伊琪早前孖住193拍廣告﹗(圖片來源:豐澤廣告截圖)
鄭伊琪入行後接了不少廣告,而且酬勞比以前高﹗(圖片來源:鄭伊琪IG)
鄭伊琪入行後曝光率暴升﹗(圖片來源:鄭伊琪IG)
鄭伊琪入行前是一名模特兒,拍過不少硬照廣告,但加入ViuTV後酬勞十級跳﹗(圖片來源:鄭伊琪IG)
鄭伊琪入行前是一名模特兒,拍過不少硬照廣告,但加入ViuTV後酬勞十級跳﹗(圖片來源:鄭伊琪IG)

《口罩小姐》雙料冠軍

《最後一屆口罩小姐選舉》總決賽賽果公布!阿Dee 組的060「浩南」愈戰愈勇,成為雙料冠軍,27歲「浩南」被火速起底,真名鄭伊琪(Wayii)的浩南是一名模特兒,為比賽努力修身,甩掉廿磅,浩南的減肥血淚史相當艱辛,多次邊跑步邊喊咗出嚟﹗

口罩小姐 浩南
(圖片來源:ViuTV)

浩南在賽前記招上表演沖珍珠奶茶,嬌嗲聲線冧暈在場三大隊長,又話:「我唔怕被定型,只要觀眾睇得開心,我就放心,有人恰你,你話畀我聽,因為我都想恰埋你一份,認住我60號浩南,記得投我一票﹗」最後更「喵」了一聲扮性感小野貓,令人留下深刻印象。

《口罩小姐》八強爭奪三甲
《口罩小姐》八強爭奪三甲,經過自選表演環節、泳裝環節,最後由愈戰愈勇的浩南(真名鄭伊琪)奪得口罩小姐冠軍,亞軍是年紀最大的阿姨,季軍是細細粒(真名寶欣)。(圖片來源:ViuTV)
「浩南」先奪得服裝與口罩配搭獎,然後在倪晨曦手中奪得冠軍!(圖:ViuTV)
「浩南」先奪得服裝與口罩配搭獎,然後在倪晨曦手中奪得冠軍!(圖片來源:ViuTV)
公布賽果一刻,去到最後篩剩網紅「米媽」(左)和「浩南」,二人同時除罩相見。(圖:ViuTV)
公布賽果一刻,去到最後篩剩網紅「米媽」(左)和「浩南」,二人同時除罩相見。(圖片來源:ViuTV)
Dee哥組的成員奪得了冠軍(浩南)和季軍(細細粒),果然由一開始就好有眼光。(圖:Dee哥IG)
阿Dee組的成員奪得了冠軍(浩南)和季軍(細細粒),果然由一開始就好有眼光。(圖片來源:Dee哥IG)

民選票僅次於兩大網紅

060浩南真名鄭伊琪,被隊長阿Dee稱為「MK界代表」,加上有大家姐風範,故改代號為「浩南」,入圍初期未太起眼,但其後浩南的直率性格加上抵得諗又應變快,成功晉身八強,人氣指數飊升。 當晚評判由08年港姐冠軍陳倩揚、黃德斌、倪晨曦的分數佔70% ,而網上投票佔30%,ViuTV在FB設投票區,以網民在候選佳麗的相片投心心計算,而大熱網紅佳麗自然有不少鐵票,而浩南票數竟能僅次於大熱寶欣「細細粒」、米媽「肥腰」,走勢凌厲。

口罩小姐 浩南
浩南是一名模特兒,做過不少廣告女郎。(圖片來源:鄭伊琪IG)

浩南本身是一名模特兒,拍過不少產品廣告及商場活動女郎,一雙長腿更是她的標記,又不介意騷爆乳身材,故甚受廣告商歡迎。

口罩小姐 浩南
浩南不但肯騷長腿更不介意低胸騷身材,甚得廣告商歡迎。(圖片來源:鄭伊琪IG)

為參選《口罩小姐》努力減肥

浩南為參選「口罩小姐」努力減磅,為了鞭䇿自己,展示1月修身前的豬腩肉,以及一個月後有番條腰的相片對比,到現在變成的線條美,浩南跟教練操練,一個月始有成績,並留言指自己經歷過無數次想放棄,又叫大家唔好再話佢一啲都唔肥,坦言自己一直是中央肥胖,所以只是平時掩飾得好好。

口罩小姐 浩南
身高172cm的浩南,不時騷長腿。(圖片來源:鄭伊琪IG)

浩南由62kg減到53kg

浩南除了努力運動外,飲食亦相當節制,平時只能食菜、雞肉、蛋和蕃薯,就算開工都自備減肥餐盒,經過農曆新年還是忍口,對住美食只能「索兩啖當食咗」,而工作辛苦後、同時又為《口罩小姐》排練,令浩南壓力爆煲,但回家還要上跑步機,以免影響減肥進度,不只一次喊住跑步﹗幾過多月努力,漸見成績,終於由62kg減到53kg,即甩掉9kg約20磅,而浩南艱苦的減肥之路仍會繼續,希望到決賽當晚再fit啲﹗

浩南的中央肥胖,平時收得好好,為了激勵自己,不惜展示減肥前的豬腩肉。
浩南屬中央肥胖身形,平時收得好好,為了激勵自己,不惜展示減肥前的豬腩肉。(圖片來源:鄭伊琪IG)
浩南由62kg減到53kg。
浩南由62kg減到53kg,即甩掉約20磅。(圖片來源:鄭伊琪IG)

浩南以自身經歷鼓勵大家:「不是每個人都有這份毅力,每件事情願意重複做、不斷做,因為你努力可以令你走得更遠,甚至把距離拉得越遠,所以當想放棄時…你必須繼續堅持。」

口罩小姐 浩南
浩南坦言不時跑步跑到喊。(圖片來源:鄭伊琪IG)

浩南透露自己好怕跑步,平時運動也不多,但為了參選《口罩小姐》,放工返家還要上跑步機跑步,多次跑到喊﹗接近總決賽,浩南發文感謝大家的支持「 真心很多謝沿路上支持、激勵、幫助過我的人,隊長,隊友嘅正能量令我不斷進步。希望一個月後的我不會讓自己失望,也會讓你們看到一個成長了的我,繼續努力﹗」

浩南唔係一直有豬腩肉纏身,以前都好弗,故不時晒水著。
浩南唔係一直有豬腩肉纏身,只是近年失修,以前都好弗,故不時晒水著。(圖片來源:鄭伊琪IG)
浩南在家中拍美照騷長腿。
浩南在家中拍美照騷長腿。(圖片來源:鄭伊琪IG)
浸泡泡浴都不忘開心些牙。
浸泡泡浴都不忘開心些牙。(圖片來源:鄭伊琪IG)

準人妻浩南等嫁?

浩南1月未減肥時,曾貼出婚紗爆乳相,指明不是工作照,並留言:「真想不到竟在人生最胖時,拍最有回憶的相片,真佩服自己。」暗指與同居男友影婚照。今年情人節,浩南貼出男友送出的花束,又激罕晒男友真身,留言指大家拍拖四年,被好友留言:「求多次婚?」似是待嫁準人妻。

口罩小姐 浩南
浩南戴上大大粒鑽石戒指在左手無名指上,未知是否男友送的求婚戒指。(圖片來源:鄭伊琪IG)
口罩小姐起底|「浩南」成三甲大熱 為選美減肥減到喊
激罕晒男友。(圖片來源:鄭伊琪IG)
口罩小姐 浩南
浩南與男友拍拖四年。(圖片來源:鄭伊琪IG)
浩南與19年港姐冠軍黃嘉雯是同期模特兒,相當老友,之前在街上遇見有自己的大型廣告,立即影相留念。
浩南與19年港姐冠軍黃嘉雯是同期模特兒,相當老友,之前在街上遇見有自己的大型廣告,立即影相留念。(圖片來源:鄭伊琪IG)
浩南可塑性好高,野性又得。
浩南可塑性好高,野性又得。(圖片來源:鄭伊琪IG)
浩南有時打扮走少女風。
浩南有時打扮走少女風。(圖片來源:鄭伊琪IG)
浩南與家人感情相當好,之前與哥哥及父母一起歐遊。
浩南與家人感情相當好,之前與哥哥及父母一起歐遊。(圖片來源:鄭伊琪IG)
入行當模特兒多年的浩南,搵落唔少,平時名牌包包隨身,兼帶父母四圍旅遊做孝順女。
入行當模特兒多年的浩南,搵落唔少,平時名牌包包隨身,兼帶父母四圍旅遊做孝順女。(圖片來源:鄭伊琪IG)

YOU MAY ALSO LIKE ...