莉莉菇

口罩小姐喺大帽山玩仙女棒呃like 網民:想做第二個張潤衡?

流行娛樂

廣告

唔少人為咗影相呃like手法真係層出不窮!近日就有網民發現有港女喺大帽山影相嘅時候以仙女棒作道具,引起網民討論,更有網民話咁做有機會犯法!

主角為疑似口罩小姐 20 強「秋香」

事件嘅主角係1979年度香港小姐季軍鍾慧冰(冰姐)嘅女「莉莉菇」林靜莉(Jeannie),自從上年參加咗 ViuTV 真人騷節目《阿女又戀嚟》之後人氣開始急升,平時 ig 仲會 post 唔同靚相,估唔到今次呃like呃出禍!有眼利嘅網民更發現就係就《尾二一屆口罩小姐》20強入面嘅「秋香」!

莉莉菇 仙女棒
(圖片來源:[email protected]_lam_)
莉莉菇 仙女棒
(圖片來源:[email protected]_lam_)

大帽山玩仙女棒呃like 網民問係咪犯法

Jeannie最新一張相就係喺影住自己拎住發光物體,內容寫住:「第一次玩仙女棒 嚇死我」,更tag咗地點喺大帽山,有網民就喺討論區問究竟咁做係咪犯法,引起好多人討論!更有網民轉貼香港嘅《危險品條例》第六條「非法藏有煙花爆竹,最高可罰款2萬5千元及監禁6個月。」

莉莉菇 仙女棒
(圖片來源:[email protected]_lam_)

根據香港法例第295章《危險品條例》,煙花爆竹屬香港禁運及受管制物品,除獲發認可牌照,任何人不得製造、貯存、運送或使用任何危險品,或由任何受僱人、代理人或貨倉擁有人管有、保管或控制任何違禁品;非法藏有煙花爆竹,最高可罰款2萬5千元及監禁6個月。

而漁農署亦有關於山火嘅條例,根據《林區及郊區條例》(香港法例第96章)及《郊野公園及特別地區規例》(香港法例第208A章)「在郊野地區,郊遊人士應在指定地點生火,隨意生火,可被檢控,違者可被檢控罰款可高達25 000元及監禁1年」。唔知係咪因為有網民指出咁做有機會犯咗法,Jeannie嘅ig已經即刻將最新嘅相delete咗喇!

網民熱烈討論:想做第二個張潤衡?

Jeannie嘅post一出,網民嘅反應都幾兩極,一邊幫Jeannie維護:「香港真係好多正義魔人」、「唔明有咩問題」、「咁你報咗警未?」,另一邊就大鬧咁做好不負責任:「救一次山火要用好多人力物力,又害到消防員同野生動物條命」,更有網民重提八仙嶺張潤衡事件,啜核咁話:「點都好過上山食卡碧嘅」,但亦有網民指出萬一喺山上面玩仙女棒生火,搞到出現八仙嶺事件2.0就唔好啦,仲有可能會變成第二個張潤衡,到時冇咗個靚樣仲點選口罩小姐啊!

莉莉菇
(圖片來源:LIHKG 討論區 截圖)

圖片來源:LIHKG 討論區截圖, [email protected]_lam_

YOU MAY ALSO LIKE ...