【新一代性感女神】EXID邊叫阿爺邊擘髀

走性感路線嘅韓國女團多到數唔晒,女團EXID出道3年,集青春、長腿、性感於一身,不過就係點都唔紅。點知去年EXID出席校園騷時,有粉絲以低炒角度拍攝成員Hani跳〈Up & Down〉,小背心、短到不能再短嘅熱褲、扭腰擺籮,加上高潮表情,令影片短短幾日有百萬點擊率(至今已有1,300萬),EXID一下子紅爆韓國,綜藝節目以及廣告商紛紛搵上門,而擁有天使面孔、魔鬼身材嘅Hani更被喻為泫雅接班人。

text-Phoebe

一出道3個唔玩
3年前以6人出道嘅EXID團名有「Exceed In Dreaming(超越夢想)」意思,不過,出道唔夠2個月,就有3名成員退出。重組之後,5人姿態嘅EXID去年推出單曲〈Up & Down〉,由於市場反應一般,所以打歌宣傳期短短1個月就結束,誰不知,因Hani版本嘅〈Up & Down〉令EXID由谷底王變為搶手貨,更掀起「骨盆舞」,宣傳期又再展開,而且長達半年之久,最正嘅係單曲明明係舊年8月發行,但半年之後先得到音樂節目嘅冠軍。

內容延讀

>【埋嚟睇】NMB48山田菜菜畢業大解放寫真(20P)

>《明日世界》佐治古尼反轉再反轉巴黎鐵塔

3年零收入食杯麵
唔紅有幾慘?Hani早前喺節目上就提及EXID兩年前冇活動冇收入,又唔好意思問父母攞錢,日日只能夠食杯麵,食飽就瞓,結果1個月肥咗十幾磅。而喺另1個節目上,Hani談及辛酸史時,更忍唔住淚崩表示,合約期滿之後希望轉行做心理醫生,嚇得一眾宅男粉絲大叫唔好。
今個月初,EXID受邀去到美國演出,威到連當地媒體TMZ都有採訪,不過,其節目主持人事後就恥笑成員靜花帶有口音嘅英文,事件除引起粉絲不滿之外,韓星如2PM嘅玉澤演、f(x)嘅Amber都力撐EXID,TMZ即時龜縮,亦令EXID感到人間有愛。

YOU MAY ALSO LIKE ...

There are 2 comments

Add yours

Comments are closed.