【勁歌金曲2020】不屑質素低　雲海炮轟：除林家謙嗰段可以正常呼吸之外，其餘係呼吸有害

【勁歌金曲2020】不屑質素低　雲海炮轟：除林家謙嗰段可以正常呼吸之外，其餘係呼吸有害

《勁歌金曲2020》今年獲獎的歌手多數星夢旗下藝人，菊梓喬（Hana）奪5個半獎成為全晚大贏家，而最令人驚訝的是「最受歡迎男歌星」由周柏豪和胡鴻鈞平分，隨即引起一眾網友大罵。連香港獨立傳媒、旅遊愛好者的陳雲海（雲海）也忍不住在Facebook發文炮轟，更直指：「除咗林家謙嗰段可以正常呼吸之外，其餘《勁歌金曲2020》部份都完全係呼吸有害。」

無綫的《勁歌金曲2020》一早被指不公平，認受性低，雲海發文勁插，他指自己由小學開始是一個聽眾，也有聽流行曲聽電台聽訪問和睇各台每年流行曲頒獎典禮。由以前細個是興趣，現在身為傳媒工作者係職業所需，所以《勁歌金曲2020》他都需要去睇，可惜最後只能用「慘不忍睹」來形容。

雲海續指：「除咗林家謙嗰段可以正常呼吸之外，其餘部份都完全係呼吸有害！希望無綫記住，佢哋每年一度嘅唔係新人推銷巡禮，而係喺樂壇稍為有成就嘅歌手成績表！但係琴（噚）日出現九成九嘅歌手，我真係唔知佢係乜水，啲歌難聽到一個點！完全就好似而家我喺彌敦道行街，見到嗰啲模仿日本品牌嘅家品店。一眾所謂歌手完全係嗰款抄抄雜雜、諗住用外表聲線胡混過關，呃到啲師奶大媽入場購買貨色」他又貼出幾張《勁歌金曲2020》的相，更自行加上「乜水」兩個字，相當惹笑。

雲海更認為一眾所謂歌手只是「就好似啲吉舖短租買瓷器碟嘅舖頭，冇設計冇內涵粗製濫造，最緊要cheap，勁歌金曲以前細個係名牌，宜家只不過係一個垃圾堆填區」雖然鬧得十分盡，但網友幾乎都非常認同雲海的言論，有留言指：「以前就爭奔頭，而家拎左都唔馨香」和「仲睇CCTVB?生命無價呀」。