李嘉欣講大劉舊片再被翻出 The One命名之謎終解 一切都係一場戲？

李嘉欣講大劉舊片再被翻出 The One命名之謎終解！？

位於尖沙咀的The ONE商場前身為東英大廈，華置集團於2002年以$11億元購入並於05年拆卸重建，總投資額超過$20億。而在06年李嘉欣生日時，有「神秘人」斥資於兩份報章刊登全版廣告祝賀「Happy Birthday Michelle 20.06.2006」，而下款為「With Love, The One」。當時外界都認為是剛剛與李嘉欣交往的許晉亨所為，但其後大劉承認廣告是自己以$20萬元刊登。所以當尖沙咀The ONE起好之後，外界一直都認為其商場就是與李嘉欣的直接表白，寓意著「唯一所愛」。直至2017年，大劉將當時市值$180億港紙的The ONE送給太太甘比（陳凱韻），而李嘉欣聞言後在活動上都指︰「心中富有係最緊要。」。

親解The ONE之謎

而大劉在昨日的記招上都有澄清，當時The ONE是兒子劉鳴煒所命名：「我本人呀，喺任何思想、任何環境之下，都未曾諗過一個名叫The One。」。更補充指自己英文較差，當年有「舊相好」將犒件交給大劉秘書去刊登廣告：「有啲人想搵老襯，成個廣告板隊埋嚟，叫我搵秘書去登廣告，我都會照幫手嘅。」，疑似係送大大份順水人情！？

大劉坦嘆：我谷咗氣好耐！

記者會上大劉都坦言：「我谷咗氣好耐，唔係谷你哋，或者谷邊個，啲冤屈氣喺個心擺咗30幾年。(今日會唔會舒服啲？)唔會！不過最緊要係澄清，唔想俾人再造謠造非，包括女人好或者蕭才子好，話我X躁狂症，又話我最愛就係李嘉欣，The One…唉！」

李嘉欣舊片大談大劉

而關於李嘉欣大談大劉的舊片亦被再翻出討論，影片中李嘉欣提及自己相當信任大劉，而大劉亦十分照顧李嘉欣，當年對其無微不至。當時她則是被對方的所作所為深深吸引。當年李嘉欣提到大劉在她6月20日生日當天，在報紙上登了全版廣告，而下款寫下「With Love, The One」。李嘉欣指大劉對她的愛錫已經去到另一個階段，所指因為大劉不想用全名，所以下款先會用上「The one」。李嘉欣亦提到2006年是特別的一年，因為「2006 2006」一生中只有一次，她有提及到這個廣告並不是逞威風，但坦言二人的戀情一定有傷害其他人。

一切都係一場戲？

不過大劉雖有承認廣告是由自己用$20萬刊登，但今次記招上又暗示自己英文差，其廣告犒件是由「舊相好」交給秘書去處理，暗地裡指自己其實唔算太知廣告內容是什麼，而當中的「舊相好」令外界都猜測為李嘉欣，直言其登報一行為只是李嘉欣自己做的一場「戲」。

即睇片！