全裸誘惑 鄭雨盛

全裸誘惑 鄭雨盛

呢刻真係想唱句「人大了便成熟了」,講緊嘅係韓國男星一不離不二咁走上19禁之路,先係30有8嘅宋承憲,緊接係年屆41嘅鄭雨盛,兩位踏足演藝圈多年,但去年先後放開所有,喺戲中獻出完美身軀,大玩不倫之戀。
鄭雨盛喺改編韓國傳統戲劇《沈清傳》嘅新戲《情慾誘惑》中,飾演已婚教授嘅佢遇上鄉村少女(李絮),奪去對方初夜後始亂終棄都算,重要見死不救,8年後,教授變成盲佬,少女變為毒女,報仇再報仇……《情》嘅性愛場面雖然冇《格雷的五十道色戒》咁玩SM,但都應該可以滿足觀眾嘅獵奇心態。再睇埋呢個訪問,深信你會更想入場吧!

text-Phoebe

1_resize

唔怕床戲太多
鄭雨盛從影作品當中,不乏做深情男、英雄同壞人等角色,今次喺《情》中,雖然只係飾演文學教授,但既要偷食後女_,又要迫對方落仔,床戲接床戲,到底係咩原因令佢接拍呢? 鄭雨盛話最主要係因為導演林弼成,佢話:「用咗1個月時間去考慮,與其話係我下決心去接,倒不如話係導演打動我,因為喺打造沈鶴圭呢個角色過程當中,導演比我更擔心會影響到鄭雨盛嘅形象, 佢比我更小心同深思熟慮,亦因而對佢非常之信賴。我接拍前冇問准父母,但有問過女主角李絮,佢話有將劇本俾媽媽同家姐睇,亦得到對方支持。床戲係直接表現沈鶴圭因慾望嘅墮落而作出嘅行為,所以必須做得大膽。《情》係我嘅選擇,完全唔擔心因為床戲而被定為三級男星。」

鄭雨盛因受醜聞影響而調到鄉村分校擔任教師,遇上少女主動埋身,完全冇say no,慾火即爆發
鄭雨盛因受醜聞影響而調到鄉村分校擔任教師,遇上少女主動埋身,完全冇say no,慾火即爆發

用心做賤男

戲中後半段鄭雨盛視力開始衰退,因而令李絮有機會埋身進行復仇大計,要做盲佬,鄭雨盛表示其實唔難,但亦唔簡單,因為對演員嚟講,任何困難嘅演技都係新挑戰。問佢覺唔覺得沈鶴圭係個世界級賤男,佢就話:「拍攝時,雖然無法完全認同沈鶴圭嘅感情同想法,但為咗忠於原著,同埋超越自己固有嘅觀念,雖然有啲辛苦,但都投放咗好多心思同努力。 「喺韓國都有唔少人問到底沈鶴圭係咪真係愛過德兒(李絮飾),由女方好純真到後來嘅熱烈誘惑,沈鶴圭其實可以抗拒,但佢冇咁做,直到後來感受到問題嚴重性,想抽身已經太遲,繼而產生出罪疚感。至於兩個人係咪將罪疚感同愛混埋一齊,可能要觀眾自己去感受。電影上映之後,除咗床戲同露股之外,觀眾對我嘅演技都俾咗好高嘅評價,對我嚟講,係1部好大成就嘅作品。」

身材唔可以太好

戲中被鄭雨盛呃嘅純真少女,由模特兒出身嘅李絮飾演,出道7年,作品唔多,但合作過對手都係好嘢,如車勝元、蘇志燮等演技級人馬,今次喺《情》中,再集多位男神,問到鄭雨盛點睇呢位對手,佢就話:「拍攝嗰陣實在唔可以有個人感情,現場只有德兒同鶴圭,不過相信對拍攝經驗唔多嘅李絮嚟講係好困難同辛苦。但佢將自己嘅情緒控制得好好,進步亦都令我好驚訝,絕對係個有潛質嘅演員。
「拍攝床戲之前,我哋會同導演討論點樣嘅身體接觸先係最適合德兒同鶴圭,雖然係有好多床戲,但我冇特別去健身,因為拍《情》之前嘅《神之一手》係動作片,運動量已經好充足。再加上韓國人對於教授呢個職業存有偏見,如果身材太好,反而會對角色造成反感。」

上映日期:3月12日

戲中鄭雨盛因外遇搞到老婆(尹世雅)自殺,之後又因為爛賭,搞到連個女都被賣落火坑,問鄭雨盛點睇呢位男人,佢就話:「沈鶴圭係個因為自我而拖累自己嘅男人,我會努力令自己唔成為咁樣嘅男人。」
戲中鄭雨盛因外遇搞到老婆(尹世雅)自殺,之後又因為爛賭,搞到連個女都被賣落火坑,問鄭雨盛點睇呢位男人,佢就話:「沈鶴圭係個因為自我而拖累自己嘅男人,我會努力令自己唔成為咁樣嘅男人。」
喺原著《沈清傳》當中,女兒清兒係個被繼母迫死嘅孝女,但拍成電影之後,父女戲份有唔少被cut走,鄭雨盛都覺得幾可惜。
喺原著《沈清傳》當中,女兒清兒係個被繼母迫死嘅孝女,但拍成電影之後,父女戲份有唔少被cut走,鄭雨盛都覺得幾可惜。
去年宋承憲解禁接拍《人間中毒》,賣點同《情》一樣係床戲同不倫,問佢點睇《人》,佢話:「喺《人》中,宋承憲表現出美男子嘅樣貌。作品唯一嘅共同點係都有床戲,其實每部作品嘅個性同角色都好唔同,係各有特色嘅作品。」
去年宋承憲解禁接拍《人間中毒》,賣點同《情》一樣係床戲同不倫,問佢點睇《人》,佢話:「喺《人》中,宋承憲表現出美男子嘅樣貌。作品唯一嘅共同點係都有床戲,其實每部作品嘅個性同角色都好唔同,係各有特色嘅作品。」

YOU MAY ALSO LIKE ...