全民造星5丨首集開播6大花生位精華！參賽者水準參差到爆！？

全民造星5丨首集開播6大花生位精華！參賽者水準參差到爆！？

全民造星5丨精華1.花姐唔再係監製

今屆《全民造星V》花姐淚崩大嘆自己不再是節目監製，仲話自己覺得節目已經「沒有意義」，認為自己在前幾季都有著不同目的達成，例如是MIRROR的出現及成長，COLLAR的誕生等等。不過節目組仍有要求花姐出鏡，幫手進行選拔及訓練，只是不再是監製。

全民造星5丨精華2.全新導師陣容

今季導師都大換血，由「豹哥」陳蕾以及「ON仔」陳健安為一組，Jay Fung馮允謙與韋羅莎為一組。而兩組導師都似乎比起以往導師更為「腍善」，在選拔時都沒有放下過多狠話，太善良的Jay Fung仲驚自己太惡嚇走參賽者。

全民造星5丨精華3.首日Call Time即遲到 似O Camp

首日call time，就已經有超過20位學員遲到，而且有不少學員在排舞時都相當心不在焉的感覺，跳極都跳唔好，並且整體氣氛更被形容似「玩O Camp」，並唔係抱著爭奪冠軍寶座的心態。

全民造星5丨精華4.學員唔跳舞玩手機

在練習舞步期間，更有一名學員Andy直頭放棄唔跳，直接玩電話，即場被老師怒轟並調離排舞室。後來Andy解釋指是因為自己完全跟唔到，所以決定用手機拍低影片希望可以慢動作慢慢跟上舞步，並都有向老師道歉。

全民造星5丨精華5.花姐直言：今屆好唔掂！

花姐雖不再是監製，但佢都有出馬去睇睇參加者狀況，發現參加者水準參差不齊，其舞步都相當差，直言：「今屆好唔掂！」，而且再次黑晒面，話俾唔到咩comment就離開了。

6.海外參加者SSR級水準

今屆《全民造星V》當中，首次加入海外戰區參賽者，分別是北美戰區以及馬來西亞戰區，而海外參加者似乎抱住「必死」的決心，其認真度以及實力都似乎比本地不少參加者來得高，而且更嘲笑一眾本地參賽者，話自己一定有實力撼贏本地學員。不過本地學員都回應：「佢哋兩個星期就搭飛機走啦」，火藥味濃！