光明頂︳陶傑再踩電影票房係「虛火、畸型」2大惹火言論！
廣告
香港著名作家陶傑主持的電台節目《光明頂》，經常爆出惹火言論，早前曾狠批MIRROR爆紅係「虛火」，大膽焫火頭，令人驚嘆。近日23日，陶傑同馮智政又討論到香港電影票房奇蹟時，又再以「虛火」論去形容此事！
香港電影票房大爆陶傑：「虛火、畸型」
陶傑主持的電台節目《光明頂》同馮智政討論到近日香港電影票房大爆一事，直指係「虛火」同「畸型」，並唔可以持續。馮智政指其一原因都有為關乎到疫情，因為之前旅行未放寬，大家都困咗喺度，無乜活動，先會成日睇戲，票房先可以「谷到咁大」，陶傑都認同指而家旅遊開始恢復，呢種票房高企的情況，唔可以持續落去。同埋佢如果一部電影咁賣座，以香港人口統計，最多有兩千萬，如果3千萬證明有人睇過套戲超一次，而高達5千萬即係有觀眾係睇過10次8次。最近破咗5千萬票房的電影有《飯氣攻心》同《明日戰記》等，網上討論區甚至有人指自己睇咗90次《飯戲攻心》！陶傑反問咁係咪真係值得，仲話自己睇《壯志凌雲：獨行俠》（Top Gun：Maverick）都不值得佢睇兩次！
分析對電影業未必帶嚟好處
陶傑分析呢種票房大收的「虛火」現象對香港電影業係咪真係會帶嚟好處，佢指如果一部港產片要睇10次8次，唔係證明緊呢部電影有幾高質，而只係發自情感上的支持，質疑咁樣對電影創作本身係咪真係有處？陶傑亦講到票房係可換算觀眾對電影類型、題材的結果，就好似投票咁，更指自己喜歡黃子華，但唔鍾意睇《長津湖》，都係一種情感投票。
圖片來源：Facebook@陶傑、ig＠chiptso、ig＠warriorsoffuturemovie、《飯戲攻心》劇照、
