億萬駙馬劉威煌被嘲:軟飯都唔識食!反擊:我問心無愧!演唱會情歌冧富貴老婆

億萬駙馬劉威煌被嘲:軟飯都唔識食!反擊:我問心無愧!演唱會情歌冧富貴老婆

「億萬駙馬」劉威煌日前於麥花臣舉行音樂會,本身有近億物業揸手嘅富貴老婆林佳琪(Sandy)當然要到場支持。雖然身家豐厚,不過仍決定要舉行音樂會嘅劉威煌在演出Encore部份有感而發:「有人話我軟飯都唔識食,我就係咁硬頸……」,到底一眾網民又點睇?

撰文:東方新地 |圖片:劉威煌IG、新傳媒圖庫|編輯:20|原文刊於:東方新地

億萬駙馬
億萬駙馬劉威煌開騷唱情歌冧富貴老婆。

唱情歌冧富貴老婆

劉威煌(Ryan)14年秘密同有米老婆林佳琪(Sandy)結婚,有指太太是富家女,娘家在大陸經營礦業生意,家住半山區並持有多個物業,而Sandy本身有近億物業揸手,所以外界封Ryan做「億萬駙馬」。日前劉威煌在麥花臣舉行音樂會,太太都有到場支持,Ryan亦好識做在台上感謝老婆多年來的包容,更唱出情歌《你是如此難以忘記》送給太太,大晒恩愛。

億萬駙馬:軟飯都唔識食
劉威煌(Ryan)14年秘密同有米老婆林佳琪(Sandy)結婚。
億萬駙馬
社交距離防疫措施下,演唱會放寬至7成半入座率,氣氛熱鬧。
億萬駙馬
演唱會同步在網上做半場直播,供粉絲觀賞。
億萬駙馬
Ryan好識做,在台上感謝老婆多年來的包容,更唱出情歌《你是如此難以忘記》送給太太,大晒恩愛。
億萬駙馬
何雁詩都有到現場睇騷。

億萬駙馬被嘲:軟飯都唔識食

到了Encore部分,劉威煌在台上突然有感而發:「有人吹到好大,話我係億萬駙馬,話我軟飯都唔識食,我就係咁硬頸,亦唔係乜嘢億萬駙馬。」之後Ryan接受訪問再補充說:「唔知點解有咁嘅稱號,網民有少少人生攻擊,話我『軟飯王』,又有人話我軟飯都唔識食,白癡!但我在明,佢在暗,無得玩,我問心無愧。」

億萬駙馬
到了Encore部分,劉威煌突然有感而發。
億萬駙馬
Ryan在台上說:「有人吹到好大,話我係億萬駙馬,話我軟飯都唔識食。」
億萬駙馬
之後Ryan接受訪問時表示自己問心無愧。

YOU MAY ALSO LIKE ...