何雁詩離巢TVB獲老公鄭俊弘力撐 網友慨嘆:浪費咗黃金12年

何雁詩離巢TVB獲老公鄭俊弘力撐 網友慨嘆:浪費咗黃金12年

何雁詩(Stephanie)在2009年參加TVB第1屆《超級巨聲》入行,至今原來已有12年。日前她在社交平台宣布要離巢TVB,並直言:「係時候跳出自己嘅Comfort Zone,去出面嘅世界學習一下。」對於何雁詩選擇跟隨內心展開人生新一頁,老公鄭俊弘(Fred)和一眾圈中好友都非常支持,亦有網友忍不住感歎Stephanie「浪費咗黃金12年」!

文:東方新地|圖:何雁詩FB、IG |編輯:Bonita 原文刊於:東方新地

何雁詩 特別感謝樂易玲

何雁詩(Stephanie)昨日(26日)在社交網貼出了她在TVB電視城一廠大門外所拍的照片,表示:「估唔到我人生第一份工一做就做左12年,由中學畢業到結婚都係喺呢間公司渡過。我所有關於呢一個行業嘅知識,都幾乎完全喺TVB學習返嚟。不過,呢個世界係好大㗎,有好多地方&事情我都仲未見識過同埋需要學習。我都係時候跳出自己嘅comfort zone,去出面嘅世界學習一下。所以呢⋯」

現年28歲的何雁詩自14歲就開始學音樂,參加TVB《超級巨聲》時只得16歲。(圖片來源:何雁詩FB)
現年28歲的何雁詩自14歲就開始學音樂,參加TVB《超級巨聲》時只得16歲。(圖片來源:何雁詩FB)

何雁詩續說:「由明天開始,我就會展開人生&事業的新一頁啦!好多謝各位TVB同事一直以來的照顧,特別係tvb mom @lokvirginia(樂易玲)對我一直的包容和理解。所有照顧過我嘅同事&得力金牌歌手經理人 @fatto_by,仲有各位一齊捱通頂,一起笑一起燥嘅兄弟姐妹們,多謝你地畀我嘅所有回憶,江湖再見!」又加上「人生第一個lastday」、「笑中有淚」等Hashtag。

何雁詩亦有同經理人在TVB門外合照,她直言唔抗拒同任何公司合作,又話任何有錢收嘅工作都會做。(圖片來源:經理人IG@fatto_by)
何雁詩亦有同經理人在TVB門外合照,她直言唔抗拒同任何公司合作,又話任何有錢收嘅工作都會做。(圖片來源:經理人[email protected]_by)
何雁詩又大讚「樂小姐」樂易玲係「tvb mom」。(圖片來源:樂易玲IG)
何雁詩又大讚「樂小姐」樂易玲係「tvb mom」。(圖片來源:樂易玲IG)

何雁詩老公鄭俊弘(Fred)隨即力撐老婆說:「加油!我永遠支持你。」其後劉佩玥、陳嘉寶(Anjaylia)、周志文、謝東閔、鄭世豪、江伊晴(前名:江若琳)、陳敏之、王君馨、羅天宇、谷婭溦、謝文欣及《聲夢傳奇》學員冼靖峰(Archie)等都有紛紛留言,為何雁詩打氣和送上祝福。

鄭俊弘留言力撐老婆,何雁詩亦有Sweet回應。(圖片來源:何雁詩IG)
鄭俊弘留言力撐老婆,何雁詩亦有Sweet回應。(圖片來源:何雁詩IG)
被問到同老公鄭俊弘有無任何「造人大計」,何雁詩話未有特別具體的計劃,都係順其自然。(圖片來源:何雁詩IG)
被問到同去年結婚的老公鄭俊弘有無任何「造人大計」,何雁詩話未有特別具體的計劃,都係順其自然。(圖片來源:何雁詩IG)

傳與唱片公司洽談中

對於未來計劃,何雁詩表示會自己搞住先,但不排除會同其他人合作發展,有機會亦想上ViuTV宣傳自己的歌曲。此外她日前出席活動時,亦曾透露現正在修讀美國院校讀遙距的音樂課程,也一直有在寫歌,希望可以在年尾推出一些新風格的歌曲,同時有機會的話亦希望嘗試一下在電影方面發展。據知目前已有唱片公司向何雁詩招手,雙方正在洽談中。

何雁詩有個開物流公司嘅富爸爸撐腰,2019年已離開星夢自資做獨立歌手,現在更離巢無綫,成為自由身藝人。(圖片來源:何雁詩FB)
何雁詩有個開物流公司嘅富爸爸撐腰,2019年已離開星夢自資做獨立歌手,現在更離巢無綫,成為自由身藝人。(圖片來源:何雁詩FB)
網友紛紛詢問何雁詩係咪會過檔Viu。(圖片來源:網友留言截圖)
網友紛紛詢問何雁詩會否過檔Viu。(圖片來源:網友留言截圖)
有網友撐何雁詩早走早著。(圖片來源:網友留言截圖)
有網友撐何雁詩早走早著。(圖片來源:網友留言截圖)
亦有網友慨嘆何雁詩浪費咗黃金12年。(圖片來源:網友留言截圖)
亦有網友慨嘆何雁詩浪費咗黃金12年。(圖片來源:網友留言截圖)
(圖片來源:何雁詩FB)
何雁詩話自己係個夢想家。(圖片來源:何雁詩FB)
(圖片來源:何雁詩FB)
除了唱歌以外,最近何雁詩亦有份演出電影《殺出個黃昏》,飾演年輕版馮寶寶。(圖片來源:何雁詩FB)
(圖片來源:何雁詩IG)
何雁詩平日非常勤力做運動,努力Keep住Fit爆身形。(圖片來源:何雁詩IG)
(圖片來源:何雁詩IG)
據知已有唱片公司向何雁詩招手,雙方正在洽談中。(圖片來源:何雁詩IG)

YOU MAY ALSO LIKE ...