黃澤鋒4歲囡囡自然流露被批粗魯惹負評 網民護花:評頭品足真係香港人特性

流行娛樂

廣告

ViuTV節目《不一樣的爸媽》最近邀請了前TVB藝人黃澤鋒一家做嘉賓。在節目中,黃澤鋒的4歲女兒黃熙恩(小黃妃)以霸氣的態度回應了媽媽被嘲「老」的情節,受到網民的廣泛讚賞,被認為非常窩心。然而,也有網民批評她的坐姿粗魯,缺乏禮貌。

不一樣的爸媽|黃澤鋒囡囡被批坐姿粗魯冇禮貌

黃澤鋒囡囡黃熙恩日前在ViuTV節目《不一樣的爸媽》接受訪問。雖然黃熙恩只得4歲,但無論談吐、表情都非常「老積」,逗笑一班網民。不過亦有網民認為黃熙恩在接受訪問時「棟起隻腳」,坐姿粗魯又冇禮貌:「我唔覺得佢霸氣,係冇禮貌,對唔住!唔識欣賞」、「老積唔係問題,但女仔隻腳是咁樣坐的嗎?」、「我淨係想用寸嘴,粗魯嚟形容佢」等。

黃澤鋒 黃熙恩的坐姿引起網民熱議。(圖片來源:ViuTV)
黃熙恩的坐姿引起網民熱議。(圖片來源:ViuTV)
黃澤鋒 (圖片來源:網民留言截圖)
(圖片來源:網民留言截圖)
黃澤鋒 (圖片來源:網民留言截圖)
(圖片來源:網民留言截圖)

網民留言平反:評頭品足真係香港人特性

不過大部分網民都紛紛留言為黃熙恩反駁,指黃熙恩坐姿的確粗魯,但反而能夠自然流露出小朋友的真性情,加上黃熙恩無論表達能力還是思維方面都非常優秀,認為網民不應該太執著4歲小朋友的坐姿:「小妹妹都好可愛同叻叻,對住咁多大人做訪問都唔怕,談吐中真誠知道自己蝦媽媽又會認錯」、「其實就算坐得好既小朋友未必乖,佢坐姿又俾d人又質疑人地父母點教,講真自己做小朋友時係咪完美先?一個訪問啫,大家放寬心啦。」、「講嘢咁鬼叻嘅 好搞笑。姐姐講完之後,佢應該知道媽媽就算唔惡,都係想佢好」等。

黃澤鋒 (圖片來源:網民留言截圖)
(圖片來源:網民留言截圖)
黃澤鋒 (圖片來源:網民留言截圖)
(圖片來源:網民留言截圖)
黃澤鋒 (圖片來源:網民留言截圖)
(圖片來源:網民留言截圖)

不一樣的爸媽|黃熙恩20字霸氣護母

在日前播出《不一樣的爸媽》黃澤鋒篇,在節目的尾段安排了黃澤鋒夫婦去觀星,而黃熙恩則由主持李敏代為照顧。當李敏問黃熙恩獨爸爸媽媽誰比較惡時,黃熙恩就超「老積」戙高腳表示:「爹爹最惡嗰個,媽媽冇咁惡」仲大爆自己只聽爸爸話唔聽媽媽話!而李敏亦問黃熙恩係唔係有同學笑媽媽老時,黃熙恩則直接承認並稱:「媽媽就喺到唔開心,之後我就同佢講,次次都係咁㗎啦,我都唔知佢叫咩名㗎,下次一見到咪即刻鬧佢囉」

黃澤鋒 而黃熙恩就在愛節目上以20字回應同學嘲笑母親一事。(圖片來源:ViuTV)
而黃熙恩就在愛節目上以20字回應同學嘲笑母親一事。(圖片來源:ViuTV)

而黃熙恩的反應亦獲網民大讚:「妃妃好得意,好懂事,一句『媽媽都唔老,幾靚女』,我聽到都窩心」、「超可愛,老積得嚟又唔係乞人憎嗰種」、「妃妃好可愛,說話又有文有路,講嘢老積,動作麻甩,但又唔覺得佢冇禮貌,好攪笑!」

黃澤鋒 不少網民都被黃熙恩的行為融化。(圖片來源:Facebook截圖)
不少網民都被黃熙恩的行為融化。(圖片來源:Facebook截圖)

不一樣的爸媽|黃澤鋒陳麗麗懶理網民意見

黃澤鋒在節目中分享與太太陳麗麗是透過Facebook相識,後來亦因為有共同的興趣愛好變得親近,最後於2010年拉埋天窗。黃澤鋒與陳麗麗婚後十分心急「造人」,皆因2人年紀都有返咁上下,可惜努力足9年都係失望收場。正當2人準備放棄之時,新生命竟驚喜降臨,不過當時亦飽受外界的議論。黃澤鋒對此就表示唔會在意:「人哋講咩我控制唔到,我只係控制到自己點諗嘢」、「當我太太有個小朋友嘅時候,太太嘅心理應該點控制,我乜都做唔到,我又唔可以陀仔,佢嘅辛苦我又唔知」唯有在心理上支持陳麗麗。

黃澤鋒 黃澤鋒分享與太太陳麗麗是透過Facebook相識。(圖片來源:ViuTV)
黃澤鋒分享與太太陳麗麗是透過Facebook相識。(圖片來源:ViuTV)
黃澤鋒 黃澤鋒和陳麗麗2011年結婚歐,並於圖片來源:IG@briancfwong)
黃澤鋒和陳麗麗2011年結婚歐,並於圖片來源:IG@briancfwong)

不一樣的爸媽|陳麗麗湊女鬥智鬥力

雖然黃熙恩今年只得4歲,但係就非常「老積」兼聰明!黃澤鋒透露自己的母親2年前去世,當他偷偷走入廚房喊時,小黃妃更主動安慰自己:「爹爹唔好喊啦,唔好傷心,嫲嫲走咗」,令黃澤鋒大感恩惠。而陳麗麗亦表示照顧小黃妃需要鬥智鬥力:「我要全職湊佢,因為心智上你要好聰明咁同佢傾偈。」作為媽媽的陳麗麗仲話千萬不可以敷衍小朋友,否則將來辛苦的就會係自己。

黃澤鋒 陳麗麗大爆作為媽媽的不容易!(圖片來源:ViuTV)
陳麗麗大爆作為媽媽的不容易!(圖片來源:ViuTV)
黃澤鋒 陳麗麗表示照顧小朋友真係要鬥智鬥力。(圖片來源:IG@briancfwong)
陳麗麗表示照顧小朋友真係要鬥智鬥力。(圖片來源:IG@briancfwong)

52歲黃澤鋒陪同齡老婆行街女不離手 老來得女想追多個B

黃澤鋒結婚十年,今年7月 太太陳麗麗以52歲超高齡誕下囡囡熙恩(乳名小黃妃),太太身為新手兼高齡孕婦陀B甚艱難,懷孕初期飽受妊娠濕疹折磨, 期間又受到網民的毒舌咒罵,身心受苦!小黃妃健康出世,兩公婆感恩又開心,對住前世情人,黃澤鋒自然錫到燶,不過對太太的愛護亦無分薄。日前兩公婆帶住肥肥白白的小黃妃出巡,黃澤鋒全程奶爸上身陪太太shopping,讓太太安心睇衫又揀鞋,除咗咁,當然負責埋錢重任啦!

黃澤鋒前世情人小黃妃出巡 肉騰騰勁可愛

家住屯門的黃澤鋒,早前屯門傳出刺鼻不明氣體,太太懷疑受到空氣污染影響,令皮膚刺痛及出現紅疹,一直餵哺母乳同時令囡囡都中招皮膚出現「粒粒」,黃澤鋒勸喻太太多留家中以免令皮膚問題嚴重。日前,一家三口難得離家出外抖氣,原來安排太太shopping止痕,只見到達商場,太太 用電話查地址,黃澤鋒則在旁等候「指令」,然後隨太太去了商場內一間女士時裝店,在BB車上的小黃妃突然扭計喊,黃澤鋒為令太太可全心全意睇衫,立即抱起小黃妃又氹又搖止喊。太太入完一間又一間時裝店,黃澤鋒抱住小黃妃在旁,適當時候給太太意見。眼大精靈又肉騰騰的小黃妃,去到邊都引得Sales姐姐們或途人圍住望大叫「好打耳」,如同出巡一樣!

黃澤鋒 教游水又教拳的黃澤鋒自爆囡囡出世後工作量增多,搵奶粉錢重要,陪太太更加重 要,日前黃澤鋒全程湊住小黃妃陪太太shopping 掃貨,廿四孝爸爸兼老公咪呢種囉!(圖片來源:新傳媒資料庫)
教游水又教拳的黃澤鋒自爆囡囡出世後工作量增多,搵奶粉錢重要,陪太太更加重 要,日前黃澤鋒全程湊住小黃妃陪太太shopping 掃貨,廿四孝爸爸兼老公咪呢種囉!(圖片來源:新傳媒資料庫)
黃澤鋒 半歲大的小黃妃肉肉面珠加雙眼又大又圓,好得人鍾意﹗(圖片來源:新傳媒資料庫)
半歲大的小黃妃肉肉面珠加雙眼又大又圓,好得人鍾意﹗(圖片來源:新傳媒資料庫)
黃澤鋒 太太揀衫期間,小黃妃突然扭計喊,黃澤鋒立即抱起囡囡又呵又氹,並一直在太太身邊不時畀吓意見。(圖片來源:新傳媒資料庫)
太太揀衫期間,小黃妃突然扭計喊,黃澤鋒立即抱起囡囡又呵又氹,並一直在太太身邊不時畀吓意見。(圖片來源:新傳媒資料庫)
黃澤鋒 (圖片來源:新傳媒資料庫)
(圖片來源:新傳媒資料庫)

陳麗麗無懼高齡懷孕 不設防想追多個B

黃澤鋒陪完太太shopping,就輪到睇BB衫同玩具,行了半日終於坐低醫肚,兩公婆繼續視線未離開過囡囡,然後對望一笑,盡在不言中,在二人臉上只見到幸福二字! 雖然生產到湊B過程歷盡艱辛,不過首次任爸媽,黃澤鋒和太太不設防想追多個,知情者話:「佢兩公婆好鍾意小朋友,生完囡囡更加好想生多個,雖然已經半百但有運動底子,體力好好,親自湊B都唔覺得攰,所以好想再追多個!」希望黃生黃太願望成真!

黃澤鋒 囡囡喊唔停,黃澤鋒識做抱開在店內行來行去氹女,以免掃太太 shopping 之雅興。(圖片來源:新傳媒資料庫)
囡囡喊唔停,黃澤鋒識做抱開在店內行來行去氹女,以免掃太太 shopping 之雅興。(圖片來源:新傳媒資料庫)
黃澤鋒 小黃妃喊到臉紅紅,但樣子太可愛,店員都忍唔住過去氹埋一份。(圖片來源:新傳媒資料庫)
小黃妃喊到臉紅紅,但樣子太可愛,店員都忍唔住過去氹埋一份。(圖片來源:新傳媒資料庫)
黃澤鋒 熟手奶爸見囡囡喊到滿頭大汗,立即拿紗巾幫女抹汗。(圖片來源:新傳媒資料庫)
熟手奶爸見囡囡喊到滿頭大汗,立即拿紗巾幫女抹汗。(圖片來源:新傳媒資料庫)
黃澤鋒 小黃妃肥肥白白,每入一間店,都氹得Sales姐姐們圍住讚可愛,真係好似皇妃出巡一樣咁架勢。(圖片來源:新傳媒資料庫)
小黃妃肥肥白白,每入一間店,都氹得Sales姐姐們圍住讚可愛,真係好似皇妃出巡一樣咁架勢。(圖片來源:新傳媒資料庫)
黃澤鋒 生女後,兩公婆感情仍然如一,邊行邊有講有笑,好溫馨啊﹗(圖片來源:新傳媒資料庫)
生女後,兩公婆感情仍然如一,邊行邊有講有笑,好溫馨啊﹗(圖片來源:新傳媒資料庫)
黃澤鋒 父母初體驗就係雖然同枱食飯,不過為了照顧囡囡,大家要分工合作,兩公婆分頭 食,一個食完到一個!黃澤鋒三扒兩撥快食然後湊 B ,等太太可以慢慢歎﹗(圖片來源:新傳媒資料庫)
父母初體驗就係雖然同枱食飯,不過為了照顧囡囡,大家要分工合作,兩公婆分頭 食,一個食完到一個!黃澤鋒三扒兩撥快食然後湊 B ,等太太可以慢慢歎﹗(圖片來源:新傳媒資料庫)
黃澤鋒 囡囡得來不易,早前為囡囡舉行百日宴,一張甜蜜全家福,隔住mon都感受到黃家濃濃的愛﹗(圖片來源:新傳媒資料庫)
囡囡得來不易,早前為囡囡舉行百日宴,一張甜蜜全家福,隔住mon都感受到黃家濃濃的愛﹗(圖片來源:新傳媒資料庫)
黃澤鋒 為了紀錄囡囡的成長日誌,黃太在社交網開設了帳號「妃嘗物語」,幾乎日日有更新,聖誕節 boxing day ,囡囡獲得一 個卡通人物咬膠,囡囡「咬」到笑唔停﹗(圖片來源:新傳媒資料庫)
為了紀錄囡囡的成長日誌,黃太在社交網開設了帳號「妃嘗物語」,幾乎日日有更新,聖誕節 boxing day ,囡囡獲得一 個卡通人物咬膠,囡囡「咬」到笑唔停﹗(圖片來源:新傳媒資料庫)
黃澤鋒 小黃妃出浴照,手腳肉肉一截截,似足米芝連,勁得意﹗(圖片來源:新傳媒資料庫)
小黃妃出浴照,手腳肉肉一截截,似足米芝連,勁得意﹗(圖片來源:新傳媒資料庫)

圖片來源:ViuTV、網民留言截圖、Facebook截圖、IG@briancfwong、新傳媒資料庫