【甜品控有救】I.T好帶挈!韓國爆谷雪糕始祖 Sweet Monster 8月攻入朗豪坊!

流行娛樂

廣告

今夏除咗有以千層蛋糕馳名、連千億新抱徐子淇都buy嘅美國Lady M突襲尖咀海港城,那些年搞過Izzue Café進軍飲食業嘅本地時裝王國I.T,呢個8月捲土重來,引入韓國甜品店 Sweet Monster !暑假冇得去韓國嘅你,知道呢個消息一定甜笑啦!未喺韓國食過嘅必食,喺韓國試過嘅要回味喇今次!

text-Tammy

韓流甜品怪客 Sweet Monster

2014年喺韓國釡山崛起嘅 Sweet Monster ,走美式甜品路線,以爆谷雪糕聞名,人氣暴升後,北上發展到首爾新沙洞同宏大開鋪,重設有流動雪糕車,喺ig曝光率極高。今年8月初,由I.T首次獨家引入香港,喺旺角朗豪坊i.t內開鋪,人氣甜品爆谷雪糕當然有得賣,而軟雪糕、爆谷、奶昔同ADE果汁飲品亦都有售,韓粉點可以miss?

必識9大好打耳甜怪!

Sweet Monster 之所以人氣,除咗甜品出色之外,重有佢嗰9大甜品怪客,夠cute又夠iconic,俾到影相位大家,係咪窩心先?所以話,點可以唔識佢哋呢?你又like邊隻呀?

No.1人氣必食!爆谷雪糕

一共有5種口味,包括焦糖、牛奶、芝士焦糖、士多啤梨同朱古力,Monster size夠大杯,如此抵食兼視覺震撼,梗係要相機食先,不過要小心溶呀!

 

超滑軟雪糕

除咗牛奶味,重有3款唔同配料任揀,包括牛奶、香草窩夫餅、朱古力餅乾、焦糖瑪奇朵碎粒,識食梗係要試云晒啦!

激脆爆谷

爆谷由非轉基因粟米(Non-GMO Corn)製成,不經油炸,獨特配方確保不含反式脂肪同飽和脂肪,重有膳食纖維,食得健康,有5種口味任揀。

內容延讀:

等緊Sweet Monster襲港,率先試食《迷你兵團》Minions香蕉味爆谷

早過Sweet Monster襲港!蛋黃哥7月搶先hea遊朗豪坊

奶味濃奶昔

唔會加冰加水製作,確保牛奶味濃郁,都係有5種配料任揀!

 

必飲ADE果汁

ADE即係指3款由 Sweet Monster 調製嘅果汁飲品,分別有檸檬汁、橙汁同西柚汁,好fresh!

Sweet [email protected] 旺角朗豪坊3層10-19號鋪 (8月8日開幕)

 

下週攻入曼谷!

喺攻入香港之前,Sweet Monster 下星期會空降泰國曼谷,最近一大堆泰國潮人,包括雜誌編輯、潮bloggers已經喺ig力推,等唔切嘅話,可以去曼谷食咗先喎!

There are 2 comments

Add yours
  1. 新Monday / 韓迷必搶!Sweet Monster 9彩甜怪pouch

    […] 由潮店I.T引入的韓國爆谷雪糕始祖Sweet Monster今夏首攻港,即擄獲一眾foodie為食之心。繼旺角朗豪坊首店後,此韓流甜品怪客亦快將進駐沙田新城市廣場,吃貨必讚好!即使你不是甜品控,當你知道10月30日出版的《新Monday》特別版會隨書奉上Sweet Monster彩色pouch(W15xH10.5cm),相信你也一樣會給like!皆因這個pouch色彩夠繽紛圖案又夠cute,實用之餘,也會帶給你如品嘗甜品的開心感覺!很想要吧?請稍候1個星期,下週五即搶! […]


Comments are closed.