51歲黎明宣布封盤升格做爸爸!與失婚女助手上年開始交往!公開二人甜蜜點滴!

流行娛樂

廣告

早前一直有傳黎明寵幸適婚女助手,而東方新地更加獨家影到黎明助手阿wing進駐黎明上水雙魚河St.Andrews Place的6千呎獨立屋,而且已懷有6個月身孕,黎明雖然一直未有正面回應,連今日露面出席公開活動也沒有回應記者問題,但突然在facebook上公開成為人父的消息,甚至認證女助手wing的地位,更說出了關於二人交往的點滴。相當甜蜜!恭喜恭喜!

撰文:東方新地|圖片:東方新地| 編輯:venusos、乖乖隆地洞@Central| 原文:東方新地More

51歲黎明宣布封盤升格做爸爸!

51歲的黎明於facebook公開回應將為人父。

51歲黎明女助手新寵Wing Chan 陀B出巡狂掃貨

外界都以為黎明未走出情傷,但其實他去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。成為天王新寵不特止,本刊近日再次收到可靠消息,指阿Wing狗年報喜將榮升人母,現時陀B六個月!

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。