做兵要睇!學生爆笑慳錢蠱惑13招

熱話

廣告

大學界一直流傳做大學生必做5件事:讀書、上莊、住hall、拍拖同做part-time。上莊住hall可能會係男學生一生人中最窮嘅時候——因為冇錢重想媾女(或做兵)就要諗辦法慳啦~~外國網站Bored Panda公開募集蠱惑慳錢(慳力)大法,我哋精選其中13張,爆笑得嚟勁實用,慳慳埋埋請女神食餐貴啲或幫佢買演唱會飛都冇問題,佢重會讚你醒目叻叻豬添呀!

text-Jessie

霹靂膠樽大喇叭:手電喇叭邊使錢買,用紙筒、大膠樽都一樣做到,得咗!

仙女散花式膠樽花灑:花灑頭爛咗冇有拍,用膠樽拮窿都有同樣做到啲水好似仙女散花咁射出嚟,正!

慳力入水方法:要慳就梗係飲免費水,好似下面呢位同學咁就醒,用滑板代手入水真係好聰明,轉頭返嚟就可以攞返房慢慢飲,慳錢慳力慳時間,very good。

10張相串爆 IG女神 BARBIE示範收兵相

燙斗、風筒、微波爐:Pizza凍咗好難食,使乜買微波爐翻熱㗎?用燙斗喺下方加熱,再用風筒喺上面吹,兩嘢就食得啦~

兩用垃圾筒:唔想就咁用個膠袋擺喺度,又驚整跌散到一地都係,反轉張木櫈套個膠袋去4隻腳度,就即刻成為1個垃圾筒。

「梳」肝倒後鏡:一個唔覺意撞爛咗個倒後鏡,整返又使一大筆,用背後有塊大鏡嘅梳嚟頂住先咪得囉,比起就咁1塊鏡厚身兼食力重慳埋錢,認真「梳」肝。

內容延讀:

3間鹹甜兼備必食GODIVA × RITZ CARLTON酥餅塔

真係減到壓?屍骨GARDEN填色書-殭屍樂園

慳洗慳力碟:懶真係可以激發起1個人嘅創作力,用保鮮紙隔住食物同碟,就唔使洗碟啦,真正做到慳洗慳力,重慳埋洗潔精錢!

Marker補襪法:雖然襪唔係一樣好貴嘅嘢,但少數怕長計,其實啲穿窿襪重着得嘅,用Marker油落自己隻腳度,即時完好無缺。

購物車燒烤網:燒嘢食唔記得買網?唔緊要,瞓低部購物車就得啦!(不過燒嘢食附近要搵到部購物車,其實機會率好低)。

6大攻略 教你一定買到玫瑰金IPHONE 6S PLUS

梳化快捷修補法:眾所周知買張梳化或者維修一啲都唔平,橫掂都係坐,成張櫈擺入去補返個位啱啱好,1張梳化有唔同選擇,不知幾正!

咖啡壺煮麵:冇爐但又想煮麵食,將啲麵放落咖啡壺度既方便又快捷,其實重可以煲湯添呀!同用電飯煲打邊爐有異曲同工之妙。

衣架浴廉:浴廉啲扣又要專登去買或者配,用衣架就最方便,重可以順便掛埋衫。

間尺pizza刀:用間尺同罐頭蓋就可以製成1把pizza刀,喺聚會時用好似好fit咁喎!

有沒有關於香港的有趣盤點?

香港地從來不乏心靈熱點,香港不少地方均設立行刑場,正正是大部分屋邨興建時的前身,盤點香港猛鬼屋邨 ,信不信由你!不少朋友都喜歡想當年,香港懷舊小食 及這10款最愛夾糖是不少人的共同回憶,沒有高檔的食材,卻塑造出最難忘的味道。提到昔日蒲點,旺角絕對係大家留低最多腳毛嘅地方,千禧年代必去蒲點 ,你又去過幾多個呢?

有甚麼必學生活小智慧?

天氣時熱時凍,容易令人患上小感冒,唔想次次依靠藥物?可以試試這8招必學鼻塞穴位方法7大喉嚨痛舒緩方法。除了感冒外,生痱滋亦非常影響日常生活,坊間有各式各樣的解決痱滋方法,助你解決痛楚!

There is 1 comment

Add yours
  1. 新Monday / 杜甫愛攬女?癲材學生爆笑課本P圖(32P) - 新Monday

    […] 學生時代無憂無慮,創作力亦特別強,鬼主意多到數唔晒。好似前兩日我哋發過嘅蠱惑學生慳錢13招  ,笑爆嘴之餘亦十分實用。同樣係創意無限,今次唔講慳錢講塗鴉—–我諗所有人喺學生時代一定試過,阿Sir/Miss如果係啲照書讀嗰批呃飯食老師,為防止瞓着,難免會喺課本上面「P圖」一番,以下係世界各地癲材學生嘅神級創作,睇完唔笑乜都得,最慘係杜甫被改到體無完膚,攬女又selfie,真係千年形象一朝喪… […]


Comments are closed.