網民封《IT狗》為近年最佳神劇 望ViuTV能夠推出第二季

網民封《IT狗》為近年最佳神劇 望ViuTV能夠推出第二季

共嗚位超多

有睇《IT狗》就知，編劇都十分愛抽水，不同集數中都出現抽水橋段，「大台理論」更加是深深印在每個觀眾的心中。當中不少橋段都引起觀眾共嗚，令觀眾有深切的感受。網民列出第5集中阿信寄語「Make a bettertomorrow」，比起「Make a better world」來得更貼地。

網民直言：「大家都係喺香港呢個城市掙扎求存，香港人為咗有個更好嘅明天已經搏晒老命，更加唔使講咩改變世界，太遙遠，太宏大。」，直指阿信一句都點醒唔少香港人。

笑位多，由心笑出嚟

另外網民都指《IT狗》入面的笑位十分多，不少橋段都與現實世界的Memes結合，令到觀眾能夠發自內心的笑出嚟，更指：「編劇同導演，都好識係喺喜與悲之間攞到個平衡」，「感受到佢嘅幽默感，喜劇嚟講絕對夠做」。

演員實力夠班

今次《IT狗》當中的演員並沒有選擇比較出名的演員，反而令到一眾新演員都有上位機會。而演員的專業演出令到網民都大讚個個演技出眾，令到這班默默無名的演員都得到觀眾的認可。

網民對於要求《IT狗》推出第二季的呼聲甚高，十分希望有機會再看見原班人馬出演續集，網民都激讚該劇成為近5年內的最佳劇集，劇本完整有創意之外，其對話和伏筆都引人入勝。

不過都有網民認為最後兩集太「趕收工」Feel，令到結局有少少爛尾，不過整體的劇情都值得觀眾收看。有網民就指該劇令到香港觀眾都認識更多不同電影及劇場演員，令他們都有更多曝光機會。

第二季故事線已有？！

大結局播出之後，最後故事都留下伏筆，有神秘人出現願意投資PayPayDuck。網民都期待其伏筆會在第2季展現，而監製羅耀輝亦回應大家的熱愛，指如果ViuTV拍板的話，演員都一定會原班人馬出演！