TVB Linkedin引戰式搲廣告 網民：貴公司瞓咗幾耐？

TVB以「匪夷所思」名題提出3大控訴

TVB近日於Linkedin官方帳戶中出post，以「匪夷所思」名題，內文先提出3大控訴「點解CPRP貴到咁都仲要買？」「點解Ratings咁高都睇唔到?」「點解Marketers唔要高ROI?」CPRP即係Cost Per Rating Point，意思係廣告成本除以收視率後每個收視點成本，ROI即係Return On Investment，所得收益與成本的百分比率。

大讚台慶劇收視勁過對台多多聲

提完3大提問後，內文再以台慶劇《下流上車族》為例子，首播高開，第一集平均直播收視22.5點，第二集再升到23.2點，指出相反「另一個電視台同一個時段收視係3點」計返成條數，原來CPRP比TVB貴994%，即問「如果你係marketers，你會點揀？ 唔通你真係唔使同老闆交代？」！原來係想搵廣告商落廣告，仲疑想寸其他電視又貴又無人睇？

寸爆對台「畀咁多廣告費得咁少人睇」

內文強調Ratings唔係TVB自己亂講，係由專業公司去計算，23.2點呢個收視率係講緊平均每分鐘都有150萬人睇緊，而另一個電視3點收視的話即係平均每分鐘只有19萬人睇，數字相差甚遠，內文即爆句「畀咁多廣告費得咁少人睇，CPRP 梗係貴啦！」結尾留下「TVB 2023廣告優先預訂計劃」，講到尾原來用踩低對台呢招嚟搵人落廣告。

原文：

網民狠批TVB離地：仲講收視？

雖然今次TVB似乎有所突破，但網民睇完就唔多受落，指文章難以理解，狠批TVB仲用收視率去說服人落廣告實屬離地「係啵，好難理解，建議你地搵個學者做下研究寫論文」「貴公司嘅marketers炒得」「堂堂一間大企業用啲咁黃大仙下邨街市嘅tone先係匪夷所思」「瞓醒未呀老人台？」「呢個時勢仲只識得用收視呢個單一因素去判斷是否有價值，可想而知呢個台係有幾咁離地。如果係咁簡單，昨日你個「輪住買」嘅App應該多人瘋搶到死哂App，但事實係M記比班鏡粉搶住入去買巨無霸餐攞季前賽鏡仔閃卡搞到死App啊，醒未啊」「其實依個post 本身係咪有Engagement target要追所以要出嚟引戰呀？」「因為比起上咗年紀嘅audience ，啲客想要年輕客群多啲。咁簡單都仲要問。」