Sweet Home2影評︳粉絲極失望3大負評 狠批應改名為「Sweet 軍人」！
廣告
Sweet Home第二季丨Netflix的人氣驚悚韓劇，改編自韓國網絡漫畫的《Sweet Home 2》終於回歸，12月1日上架8集。事隔3年，唔少觀眾都非常期待，除咗想知道劇情會如何進展之外，就係仲有勁多猛人的加入，到底會同宋江有咩火花出現。不過上架幾日，有唔少粉絲都表示好失望，仲負評多多？！一齊睇吓3大負評！
Sweet Home 2︳離開屋企就變無聊了？！
《Sweet Home》第二季承接上一季劇情，眾人離開咗棟大樓，移動去安全營地，唔少觀眾都非常期待第二季到底主角宋江同呢班幸存者會點，不過上架後，唔知係咪期望大，失望愈大！好多粉絲表示睇完第一集已經覺得好悶，劇情好似無聊咗好多，已經唔係講同怪物之間的打鬥，反而重點去咗軍人度，網民直接諷刺應該改名為「Sweet 軍人」「軍人的故事」「好失望」「睇左第一集，好悶」「今季好爛喎」「頭2集已經onx級劇情點睇落去」
Sweet Home 2︳怪物變得完全不重要
本來《Sweet Home》好睇的地方就係怪物的設定，變成怪物的人並唔係好似平時喪屍咁被咬然後傳染，係因為人類本來自身的慾望。第二季怪物的定義變得好薄弱，令網民狠指要同漫畫原著道歉，因為漫畫離開咗大樓本來就已經完咗，而家第二季延伸落去反而好似整爛咗套戲，而且CG好似比起第一季還要差。「漫畫個結局去到離開左座大樓就完左，所以第二季全原創，無得用漫畫比」「變左walking dead咁 睇人鬼打鬼多過打怪物」「山塞walking dead東一忽西一忽」
Sweet Home 2︳ 支線太多睇到一頭霧水
《Sweet Home》第二季可能因為離開了家園無咁集中，唔少網民認為支線太多，雖然加咗好多猛人，但就主角的故事線都未處理好，又要處理配角之間的故事，搞到好似「兩頭唔對岸」，令人睇到一頭霧水「睇到第4集都唔知講咩」「啲劇情線好散」「係咪唔記得晒上季啲劇情，點解完全唔知佢做緊咩」「所謂主角嗰幾個戲份少到」「成季搞咁耐剩係交代左好少事」「夾硬加勁多新角色但又無故事背景」「佢究竟想拍啲咩俾我地睇」
近日Netflix實行了什麼新政策？
首先，Netflix推出了新月費計劃，但卻引起了大眾網民的謾罵。之後，Netflix 再推出一項新的「個人帳户轉移」（Profile Transfer）功能，相信是為了打擊家庭共享帳號而舖路。
圖片來源：sweet home 2
