韓流襲港！Netflix/Disney+下半年5大焦點韓綜

Q: 近日Netflix實行了什麼新政策？

首先，Netflix推出了 新月費計劃 ，但卻引起了大眾網民的謾罵。之後，Netflix 再推出一項新的 「個人帳户轉移」（Profile Transfer）功能 ，相信是為了打擊家庭共享帳號而舖路。

Q: Netflix 有什麼劇集推薦？

我地為大家搜羅一系列Netflix劇集推薦，包括 韓劇推薦 、 netflix推薦 等等。

Jul 14 2022

韓流文化席捲全球，《魷魚遊戲》成為Netflix史上最高收視劇集，各大嘅影視串流平台近年都加強投資落韓劇同韓綜等等。Netflix近日就宣布今年下半年將推出4部重量級韓國綜藝，同日Disney+都公布同韓國娛樂公司HYBE合作，推出全球天團防彈少年團（BTS）嘅相關記錄片。即睇下半年有咩焦點韓綜可以睇！

1. Netflix《Korea No.1》

由《Running Man》嘅舊拍檔劉在錫同李光洙再度合作，仲加埋有女版光洙之稱嘅女排退役球員金軟景，三人主持新節目《Korea No.1》，節目講述主持三人會去尋找韓國No.1嘅匠人，體驗各種嘅傳統勞動，毫無保留揮灑體力、精神力同努力並成為當日嘅No.1。主持互相嘅化學反應令人相當期待！

Netflix 由劉在錫、李光洙、金軟景三人主持新節目《Korea No.1》。 — 由劉在錫、李光洙、金軟景三人主持新節目《Korea No.1》。（圖片來源：IG@netflixkr）

2.Netflix《單身即地獄》第2季

《單身即地獄》上年首播之後即掀起話題，講述單身男女去到荒島尋覓對象，仲因為宋智雅被揭發著假明牌而引起全球熱話，製作方仲放話表示第二季會比第一季更加火辣，好令人期待！

3.Netflix《Take 1》

預計會喺秋季上架嘅音樂節目《Take 1》請來韓國樂壇天王Rain、二人組合AKMU、人氣女團MAMAMOO等，以「獻出他們生命中的最後一場表演」為題演出，話題性十足！

4.Netflix《Physical 100》

好身材選秀！節目《Physical 100》會請100名自認身材絕佳嘅參賽者通過一系列高強度嘅生存遊戲而搵出真正最強身材嘅擁有者，邀請100位唔同性別同年齡嘅參賽者展開呢場激烈嘅對決同心理戰，未睇就覺得養眼！

5.Disney+ 《BTS記錄片》

Netflix來勢洶洶，當然Disney+都不甘示弱，同日宣布同娛樂公司HYBE合作推出BTS相關節目，包括會收錄上年BTS美國舉行嘅演唱會《防彈少年團：Permission to Dance on Stage洛杉磯演唱會》，明年更會推出記錄BTS出道以來9年嘅成長經過《防彈少年團紀念：Beyond The Star》記錄片。由BTS成員V連同好友朴敘俊、崔宇植等一同參加4日3夜旅行嘅真人騷《In the SOOP：友情旅行》亦都會喺7月22日由Disney+播放。