Netflix幽遊白書真人版影評丨意見兩極：劇情無重點零還原 vs 緊湊又好睇！

幽遊白書真人版影評︳負評1. 最大敗筆係選角？！大鬧還原度0！

Netflix《幽遊白書》真人版最多網民投訴就係選角方面，指漫畫原著或是動畫版都差好遠！特別係「牡丹」同埋主角「北村匠海」以及「飛影」的造型粉絲狠批非常崩壞，仲話啲道具同戲服都睇落超流，簡直似平時動漫節啲cosplay咁，搞到啲角色勁中二病！「睇預告個啲角色全部中左輻射咁x樣」「啲道具同戲服全部都流x到爆，一開始間學校啲綠色校服全部都淘寶cosplay衫咁，薄chitchit又皺皮」「cosplayer仲似過佢地」「個頭巾好似打左石膏咁」「團隊經費是不是花在特技上？連髮型師都沒錢請？」「牡丹成個杜如風咁！」

一齊睇返3大最唔似人物最比圖及介紹：

幽遊白書真人版演員丨1. 浦飯幽助：北村匠海

北村匠海憑著其在《向陽處的她》及《我想吃掉你的胰臟》中的精彩表現，成功躋身於演藝界的前列，並獲選出演《幽遊白書》真人版的主角浦飯幽助。他的多才多藝不僅體現在戲劇演出上，還涉足音樂領域，擔任知名樂團「DISH//」的主唱，其造型在真人版中的還原度也頗受好評，展現出他多面向的藝術才華。

幽遊白書真人版演員丨2. 飛影：本郷奏多

本郷奏多是從童星起步的日本演員，將在《幽遊白書》真人版中挑戰飾演飛影這一角色。曾在《進擊的巨人》及《鋼之鍊金術師》等受歡迎的作品中展現出色的演技，獲得廣大觀眾的喜愛與認可。在《幽遊白書》中，他的身型被巧妙地調整，使得飛影角色的視覺效果更加貼近原作，這也凸顯了他在角色塑造上的努力和成果。

幽遊白書真人版演員丨3. 牡丹：古川琴音

古川琴音在《幽遊白書》中飾演牡丹一角，憑藉其獨有的魅力及深刻的演技，在《這份愛要加熱嗎？》等劇集中獲得了觀眾的廣泛關注。然而，部分《幽遊白書》的粉絲對於牡丹角色的外觀表現出了不滿，認為其形象與預期有所出入。

雖然如此，都有好多網民力撐選角無問題，指漫畫變真人係咁，一定係有落差，真人點扮都唔會似，唔通叫佢地帶住面具拍咩！而且如果下下搵靚仔靚女，成件事會更加唔好睇！

幽遊白書真人版影評丨負評2. 劇情改太多飛得超勁！

第2負評粉絲鬧真人版的《幽遊白書》完全改變咗原著的劇情！可能因為真人版劇情縮短的關係，無辦法可以好似漫畫交代咁完整。不過對於無睇過的觀眾就表示似乎都ok，仲話覺得劇情緊湊，叫粉絲唔好太過吹毛求疵。「一開始以為睇緊zombie片」「劇情飛得超勁，係咪驚唔收得」「劇情濃縮咗好多，冇咗幽助幾個靈異事件」

幽遊白書真人版影評丨負評3. 劇情無重點無鋪排

除咗劇情被指過份濃縮之外，唔少粉絲都投訴基本上每集好似都冇咗重點、無鋪排無高潮位咁，只係不斷地打同打，只係拎主角光環就去打boos。而且因為改太多劇情而搞到搞到人物刻畫不足，無晒角色成長，反而只充斥大量的打鬥場面，狠批係毁了童年回憶。不過都有唔少粉絲幫忙反駁指原著本來就太過天馬行空，要實踐指出嚟比難「其實已經比想像中好睇好多㗎啦，始終拍真人版嘅難度係超高，算係咁大家就唔好咁執着」「5集都要拍兩年，如果再加多啲內容，好似動畫咁長，肯定要拍十幾二十年」

幽遊白書真人版影評丨正評1.打鬥場面特效非常好睇！

雖然唔少粉絲大鬧0還原原著，但都有唔少網民力撐，特別係完全無睇過《幽遊白書》的觀眾，指特技，打鬥場面都係非常好睇，魔物設計又有心思，改編得叫好唔錯「第2集打紅色Hulk，睇到嘩嘩聲，唔講以為錢家樂做武指。」「其實改篇得幾好 鏡頭又拍得好好睇」「其實比預期中好睇」「第一集出奇地拍得幾感動」