網民大讚《IT狗》Lokman演技超凡 稱：「足夠令佢由下弦提升成上弦」

網民大讚《IT狗》Lokman演技超凡 稱：「足夠令佢由下弦提升成上弦」

咩係上弦下弦？

進入正題前，先講講「上弦」同「下弦」咩嚟，其實這兩個名詞是由動畫《鬼滅之刃》而來，當中的「鬼」鬼舞辻無慘為反派大佬，他旗下有「十二鬼月」12個角色，而當中分為「上弦」與「下弦」。上弦的能力比下弦更強勁，地位亦更高，鬼舞辻無慘亦可以隨時變更上下弦的位置。網民就將MIRROR 12子都分為「十二鬼月」，而當中Lokman就被指為「下弦」。（其實下弦都好勁）

在《IT狗》中飾演IT界鉅子的Lokman，其演技相當出眾。網民就直指：「佢戲入面嗰種牙煙招積演出唔輸珈其」。而Loman的角色原型為「星之子」陳易希，讓人都不禁懷疑陳易希真人真係咁牙煙招積。

另一方面，「這些機會不是我的」毒L扮演者Frankie在《IT狗》中演技都大爆發，其飾演的毒L性格簡直是由內到外再到返內咁散發出來。由衣著打扮去到神情都充分地展示出毒L的感覺。

劇中抽水位不斷亦令到觀眾睇到超過癮，「你助養個隻」、「大台理論」、「點解ViuTV咁多廣告」等等的抽水位，都十分應景，觀眾睇完之後有共嗚之餘亦都笑餐死，令觀眾都大讚係「神劇」。

有網民都指與Lokman和Frankie打對台的Stanley都相當好戲，扮演出個種高材生高高在上的感覺，表演出個種門面功夫做到足，但係內在其實乜料都冇嘅人。令網民都讚演得勁寫實。

網民都大讚三位MIRROR成員在《IT狗》中的表演都相當出眾，希望三人都有更多的演出機會。又有網民指演員之間的化學作用相當出眾，令到整套劇都大大加分！