IT狗

《IT狗》凌文龍還原IVE學生上堂示愛片 當年片段主角仲未媾到女?

電視

《IT狗》至播出至今,集集笑點都十分多,而劇集的編劇被直稱為「CLS編劇」,其安排的每個故事橋段都引起香港人共鳴感,無論是「大台理論」,抑或是當中的「PayPayDuck」。而昨日一集又再次令觀眾睇到笑死。

《IT狗》凌文龍還原IVE學生上堂示愛片 當年片段主角仲未媾到女?

昨晚(25/1)播出的第12集《IT狗》,其中一幕凌文龍還原了一段於2010年前紅爆香港的IVE學生上堂示愛片,當時該段影片片名為:「熱爆IVE學生上堂示愛,女生傻笑不知所措」,影片中一名IVE學生手棒鮮花向一名女同學表白,更用老師枝咪問對方:「受唔受媾?」,成班立即即時起哄,影片流傳至今已經有超過70萬的觀看次數。

IT狗 當時的確紅極一時。
當時的確紅極一時。(圖片來源:[email protected]
IT狗 IVE學生求愛片超轟動。
IVE學生求愛片超轟動。(圖片來源:[email protected]

而日凌文龍同步還原呢一幕,手棒住紅玫瑰向劇中角色Shirley示愛,其神情同動作都炒足當時的IVE學生,之後經典用老師枝咪再問「受唔受媾?」這個橋段都100%還原,當中Shirley的尷尬神情都學足當時女學生,觀眾睇到呢一幕一定勁興奮!

《IT狗》尋日即時還原呢一幕經典。
《IT狗》尋日即時還原呢一幕經典。(圖片來源:《IT狗》截圖)
IT狗 連位置都要做到足!
連位置都要做到足!(圖片來源:《IT狗》截圖)

劇集接住落去可見兩人之後的確有拍拖一段時間。不過當時IVE求愛的學生就冇咁好彩,最後雖然咁大陣仗咁有勇氣示完愛,但最後都係得個桔。當時求愛的IVE學生李子曦事後都有在Facebook上承認自己當時的行為,更開livw講過自己其實當時都好尷尬,而之後幾年他都嘗試去識女仔,不過最後都係無疾而終。

IT狗 當時仲要坐埋落女仔隔離。
當時仲要坐埋落女仔隔離。(圖片來源:[email protected]
IT狗 凌文龍都有咁做~
凌文龍都有咁做~(圖片來源:《IT狗》截圖)
IT狗 當時主角到現今可能都仲未媾到女...
當時主角到現今可能都仲未媾到女…(圖片來源:[email protected]李子曦)

其實不少人看完昨日《IT狗》的示愛一幕後,又再次翻炒出當時IVE學生求愛的片段,有網民就話:「阿信好熱血好勵志,鼓勵到我」,亦有網民表示:「我完全唔知有呢條片,今日睇完,覺得以前嘅香港真係好開明。」。

IT狗 有網民都表示未睇過呢條片。
有網民都表示未睇過呢條片。(圖片來源:YouTube截圖)
IT狗 有網民立即返嚟重溫
有網民立即返嚟重溫(圖片來源:YouTube截圖)
IT狗 不少網民都大讚啊信。
不少網民都大讚啊信。(圖片來源:YouTube截圖)

即刻重溫吓先!

圖片來源:[email protected]李子曦,《IT狗》截圖,[email protected]

YOU MAY ALSO LIKE ...