黑暗榮耀丨3大你必看原因！恐怖校園問題竟然係真實事件？

Q: 近日Netflix實行了什麼新政策？

首先，Netflix推出了 新月費計劃 ，但卻引起了大眾網民的謾罵。之後，Netflix 再推出一項新的 「個人帳户轉移」（Profile Transfer）功能 ，相信是為了打擊家庭共享帳號而舖路。

Q: Netflix 有什麼劇集推薦？

我地為大家搜羅一系列Netflix劇集推薦，包括 韓劇推薦 、 netflix推薦 等等。

Jan 11 2023

由宋慧喬主演的Netflix新劇《黑暗榮耀》(The Glory)，一上架已稱霸Netflix第一位，成為現時熱討的話題之一。劇情講述韓國的高中欺凌問題，而引致復仇的突故事。故事聽落普通，點解會備受熱討，全因今次係有別以往的復仇故事，而且宋慧喬今次於劇集中突破性的演出亦令人難忘，一齊睇吓《黑暗榮耀》必看3大原因！

必看原因1. 宋慧喬破格暗黑演技大爆發

韓國國民女神宋慧喬出道26年，有不少代表作為人熟悉，如《藍色生死戀》、《浪漫滿屋》、《太陽的後裔》等，都係愛情為主題的劇集為多。41歲宋慧喬今次罕有拋低女神形象，飾演暗黑系女主角，抺走笑容及妝容，為咗劇情需要化上「顯老妝容」之餘，仲暴瘦喺鏡頭前除剩黑Bra及內褲。今次突破性的演出，活演出《黑暗榮耀》中「文同珢」呢個角色，令佢再演技再被激讚。

黑暗榮耀 41歲宋慧喬為咗劇情需要暴瘦喺鏡頭前除剩黑Bra及內褲 — 41歲宋慧喬為咗劇情需要暴瘦喺鏡頭前除剩黑Bra及內褲（圖片來源：《黑暗榮耀》）

必看原因2. 有別以往的復仇故事：光明磊落地復仇

《黑暗榮耀》由《太陽的後裔》金牌編劇金銀淑所寫的故事，一改過往浪漫愛情故事風格，寫出一個悲傷的復仇故事。雖然係復仇故事，但同以後的復仇故仔好唔同，第一季的劇情中唔係暗地裡展開一連串的復仇，亦唔係展現主角機智精密的復仇佈局，反而講述主角係如何向加害者直接宣戰，光明正大地將復仇一事告知全世界。呢種光明磊落的做法更突顯主角的正義感以及憤怒，並用另一種方式令加害者承受心理上的恐懼、壓力，最後自食其果。如同經典日本電影《告白》中的手法，將復仇坦白告知，等加害者承受心理上的壓力，自然地做出不利自己的事情，復仇者只需坐享其成。