開心無敵獎門人|蔡思貝玩到走晒光 黃宗澤跳豔舞 低俗再升級

電視

廣告

《開心無敵獎門人》可謂香港人的集體回憶,TVB時隔9年再度開拍新一季《獎門人》!由原班人馬回歸,曾志偉、錢嘉樂、阮兆祥、麥美恩之外,仲有吳嘉怡、程浩駿亦加入節目擔任新長老。《獎門人》昨晚(19日)最新一集就搵嚟蔡思貝、黃宗澤等對戰草蜢成員,而蔡思貝就玩到太投入走光都唔理?!

開心無敵獎門人
(圖片來源:youtube@TVB (official))

蔡思貝走光:唔驚!

《獎門人》昨晚嘉賓有黃宗澤隊,成員有蔡思貝、朱鑑然、陳煒、劉佩玥,另一隊蔡一傑、蘇志威、陳敏之、關楓馨及胡渭康。2隊都玩得非常落力,尾段遊戲時,被封為TVB「人肉發電機」的蔡思貝出戰玩「爆衫」,而因為玩得太過投入,爆開衫時唔小心整到成件衫飛起晒,不慎露出整件內衣!獎老見到都即刻走過去幫蔡思貝遮擋住,唔想佢俾人睇蝕晒!不過蔡思貝整返好件衫之後就表示唔驚,只係打底衫嚟,原來佢知道自己上衣短,所以入面加多件底衫防走光,獎門人曾志偉大讚蔡思貝爽快!

開心無敵獎門人 尾段遊戲時,蔡思貝出戰玩「爆衫」
尾段遊戲時,蔡思貝出戰玩「爆衫」(圖片來源:《獎門人》截圖)
開心無敵獎門人 蔡思貝出戰玩「爆衫」
蔡思貝出戰玩「爆衫」(圖片來源:《獎門人》截圖)
開心無敵獎門人 蔡思貝出戰玩「爆衫」
蔡思貝出戰玩「爆衫」(圖片來源:《獎門人》截圖)
開心無敵獎門人 蔡思貝出戰玩「爆衫」,一爆開上衣飛起,不慎走光
蔡思貝出戰玩「爆衫」,一爆開上衣飛起,不慎走光(圖片來源:《獎門人》截圖)

繼續行低俗路線黃宗澤跳豔舞胡渭康扮狗

《開心無敵獎門人》除咗同嘉賓大玩遊戲之外,仲被網民指節目總有淡淡的「低俗味」!今集都唔例外,玩遊戲「燈燈燈」時,嘉賓需要因應獎門人開出的題目擺上相應的姿勢,而獎門人不斷開出「拍內衣廣告」、「跳豔舞」、「動物求偶」姿勢等,而嘉賓都非常配合擺出好爆的姿勢,其中最爆一定係黃宗澤跳豔舞以及胡渭康的狗仔求偶姿勢。

影片重溫:

開心無敵獎門人有多少位長老?

《開心無敵獎門人》由「獎門人」曾志偉率領六位「獎老」,而早前曾志偉曾因確診而缺席一集《開心無敵獎門人》的錄影,由蘭茜暫代該集主持。而六位「獎老」分別包括錢嘉樂、阮兆祥、麥美恩、程浩駿、吳嘉儀、林穎彤主持。

網民對《開心無敵獎門人》有何感想?

《開心無敵獎門人》除咗同嘉賓大玩遊戲之外,仲被網民指節目總有淡淡的「低俗味」!今集都唔例外,玩遊戲「燈燈燈」時,嘉賓需要因應獎門人開出的題目擺上…詳情請看

圖片來源:《獎門人》截圖資料或影片來源:youtube@ TVB (official)