曾淑雅在開心無敵獎門人被讚口技了得、《美麗戰場》美女齊齊啜波

《美麗戰場》一班靚女玩「啜乒乓」Jumbo口技了得

《獎門人》昨晚（10日）最新一集搵嚟《美麗戰場》的一眾藝人嚟玩遊戲，分別係「美麗隊」陳山聰、陳瀅、陳曉華、何依婷、林景程、魯振順、蔡康年、關嘉敏、葉蒨文及葉泓聲，同埋「戰場隊」林盛斌、蔣家旻、劉佩玥、朱晨麗、丁子朗、黎芷珊、曾淑雅、王菲、戴耀明同李紹堅。獎門人就表示今集美女雲集的關係所以大玩經典遊戲「開心無敵啜乒乓」，睇吓會唔會挑戰到最索JJ地位！不負所望，除咗陳瀅、朱晨麗大騷靚樣之外，曾淑雅Jumbo勁吸晴！Jumbo原來「好識啜」，被隊長Bob睇中，即被「㩒住連環啜」，一共啜到5個波，百發百中，被大讚口技了得，獎老錢嘉樂都忍唔住話「留個電話俾我！」

美女啜波圖欣賞：

完整遊戲影片：

Jumbo喺Bob身上爬朱朱對呀Bob「舔舔脷」

其次成晚勁爆焦點就係遊戲「開心無敵呼拉圈」，Jumbo同阿Bob引嚟全場爆笑！事源Jumbo太高，阿Bob似乎轉唔郁Jumbo，勁辛苦先轉到一個圈，仲要撻埋Jumbo落地下，Bob即大叫「你要郁架！」然後變咗Jumbo自己喺Bob身上自己爬，Bob的樣子勁爆笑。後來再換朱朱上陣，喺Bob身上再爬，朱朱即「舔舔脷」，不過都係轉咗一個圈就跌咗落嚟。