《調教你MIRROR》足本還原「梅窩事件」 姜濤：私追問題成內部矛盾原因之一！網友：私追嘅人好似喪屍圍城好恐怖！
撰文：八卦妹｜圖片來源：《調教你MIRROR》截圖
《調教你MIRROR》四月到梅窩拍攝 曾爆發出姜濤怒鬧Fans
《調教你MIRROR》是ViuTV全新真人騷節目，節目組早在今年4月時MIRROR 12子連同梁祖堯一同出發到梅窩，進行各自的「調教」，以及解決隊友之間的問題。
有日，網上突然爆出，有指節目在拍攝期間因Fans太多，影響拍攝進度，而梁祖堯與節目組更手持攝錄機拍攝，當時指有近鏡拍到Fans們的樣貌，甚至有人質疑節目組工作人員「斥責Fans」是為了製造節目效果所刻意所做，甚至有媒體報導指出，萬人迷姜濤怒斥在場Fans，以使有部分Fans不滿，還爆出一句「姜糖捧得紅你，都可以踩低你！」
及後MIRROR經理人黃慧君（花姐）亦在4月4日時在其社交網上發出長文，親自解釋「梅窩事件」的來龍去脈：「因為全民造星3，我認識左（咗）祖堯老師，佢除左（咗）教導參賽者表演嘅技巧，仲可以令佢地更了解自己，勇敢面對自己嘅問題而得以改善，而且佢真心愛佢身邊嘅人，所以我地都叫佢做媽媽。嗰陣時我就諗，如果MIRROR ERROR有機會上祖堯老師嘅堂就好。後來，公司準備為MIRROR開一個綜藝節目，我不發奇想，如果開一個調教MIRROR嘅節目應該會幾好睇，大家可以更了解MIRROR，而且呢個節目可以pass一個「面對自己稜角」嘅msg俾觀眾，重點係MIRROR亦可以透過呢個節目變成更好嘅人更好嘅表演者。祖堯老師聽到呢個idea，一口答應，不過佢話如果節目要達到我嘅效果，MIRROR要放低平時嘅偶像包袱，唔可以有其他人騷擾，同埋我唔可以在場。於是製作組一直將拍攝地點保密，連我都唔知。」
《調教你MIRROR》第7集足本還原「梅窩事件」
直至昨晚（15/6），節目《調教你MIRROR》播到第7集，節目一開始就看到酒吧外約50名，完全將酒吧重重包圍，由於拍攝已完全受到影響，有些戶外拍攝項目更因此要取消，MIRROR與梁祖堯在酒吧內商討接下來的對策。
梁祖堯要MIRROR 12子自行商討並決定是否要求門外聚集的Fans離開，在商討期間，Anson Kong就對隊員表示應該要叫Fans離開，而非問他們「可不可以」，一眾隊友亦選出隊長Lokman、副隊長Anson Kong，以及「梅窩隊長」姜濤三人開口最為適合。
經過商討外，MIRROR 12子決定一同外出，梁祖堯就蹲在一旁手持手機與MIRROR經理人花姐FACE TIME，Lokman及Anson Kong先後發言指心痛粉絲要在外面等待見他們一面，同時亦希望粉絲明白今次能夠齊人拍攝，是為了成為更好Mirror的機會，所以懇請粉絲給予他們更多空間，讓他們能做好這個節目。
之後就到「梅窩隊長」姜濤發言：「首先喺度同大家講聲辛苦晒，因為大家一直以來等咗我哋咁耐，以下呢番說話，係向支持我嘅Fans講，其實一直以來，我都好少公開咁向Fans講嘢，包括關於私追嘅事，因為我一直都好開心有大家陪住我哋，但呢次旅程入面……的而且確，大家嘅行為令到我有啲唔開心，我唔想同大家隱瞞，因為你哋係我嘅Fans，我有責任保護你哋，我講過嘅，我唔想你哋俾我以外嘅人指責，因為我有責任。」最後MIRROR手拖手向現場Fans鞠躬道歉。
姜濤坦言私追問題成內部矛盾原因之一
「梅窩事件」過後，梁祖堯在房內與姜濤、Tiger對談，當梁祖堯問他們對於此事的看法，Tiger即直言不諱地講：「一早就應該要咁做！」並指私追問題影響得最大的莫過於是姜濤，還提到有人曾翻他的垃圾，讓他大感無奈：「出道以嚟，私追問題，都係造成內容矛盾嘅原因之一，所以大家能夠團結面對外界嘅問題，我覺得好難忘，是MIRROR的一個里程碑。」同時還希望藉著今次的機會，MIRROR 12子無論是甚麼事情都可以開心見誠地去傾。
網友：私追嘅人好似喪屍圍城好恐怖！
有不少Fans看到今集節目後，終於明白當日所謂的「姜濤鬧Fans」是甚麼一回事，有網友在「造星評議會 – 全民造星討論區」Facebook Group 內開帖不但認為私追的人自私，不顧他人感受，並指私追的人猶如喪屍圍城一樣，十分恐怖：「其實而家真係影響左節目…..係我地埋怨緊個節目唔夠好睇時，原來就係因為佢地搞到冇左D 戶外ITEM!!」、「好嘢！真相大白lu，今集好波！Lokman, AK,姜濤好野；其實重有D之前係甘鬧花姐、其他成員⋯話花姐同另外11個迫姜Man 出嚟鬧Fans，其實個D 鬧人之前真係唔該清楚左D來龍去脈先啦，唔好人講就當真。做鏡粉要比返D智慧自己，唔好人云亦云」、「真係愛mirror 就知道梁祖堯已經係佢地恩師啦， 仲叫人食屎」、「你形容得好好，真係好似喪屍咁，等佢哋行出嚟埋身咬佢哋呀！」
